تقديم واجب العزاء من أكثر مظاهر ترابط المجتمع الكويتي ، فما إن تعلن الوفاة حتى يسارع أهل الكويت رجالا و نساء لتقديم هذا الواجب .. دافعهم في ذلك المحبة و العادات الطيبة ، إلا أن هناك العديد من " السوالف " التي تحصل على هامش تقديم واجب العزاء ..و منها
مبوسة
هناك عدد من سيدات مجتمعنا عبارة عن مكاين بوس .. الوحدة منهم تدخل العزا ، و تطيح له بوس .. تاخذ صالة العزا من أولها إلى آخرها ... موا .. موا ، و العملية شغالة للالي تعرفه و اللي ما تعرفه .. بالدخلة و الطلعة .. تمطخ .. تمطخ .. تمطخ
المشكلة ليست في عملية البوس بحد ذاتها ... بل ما يرافق البوس من سعابيل .. و تفافيل .. خاصة اذا كانت السيدة المبواسة .. ثرمة ، فنجد أن خدود أهل العزا تلمع " تلق " من كثر سعابيل مكاين البوس .. و هذا يفسر وجود علب كلينكس بايد أهل العزا
أما كارثة الكوارث في مسألة البوس ليست السعابيل فقط .. انها الروائح عزيزاتي / أعزائي القراء ، فهناك سيدة قد ختمت غداها بفلح بطيخ ، و هناك من زودت البصل مع المموش ، و هناك من تريقت بيض مفيوح مع فلفل غراش ... ولا عزاء لأهل العزاء
هناك نوع من الحريم .. و العياذ بالله ، يعشقن مجالس العزاء ، فتلك المجالس تمثل احد مصادر الترفية و التسلية لهن فنجدهن في كل مجلس للعزاء ، و هذي نتاج البطالة و كثرة الهياتة .. و الله الهادي
غالبا ما تحضر هذه الفئة من الحريم إلى العزاء على شكل مجموعات ، مرتديات دراعات انتاج سوق المباركية ، و فوقها عباية ... و العباية أما سايحة على الكتف ، أو ملفوفة على الخصر ، و العلك البصري بالحلج ، و بعد ما يأخذن مقاعدهن في المجلس يبدأ الحوار
في عزاء أم نشمي
على القنفة رقم 1
عبير .. سندس .. شوفي هذي " أمل ".. عرفتيها !!؟
سندس .. أي .. شريجتها يت اليوم الصبح .. أشوة إنهم ما تلاقوا .. جان صار كفخ مكافخ بالعزا .. الله ستر
على القنفة رقم 2
زينب .. هاو هاو ... عسى ماشر يا ام مهدي !!؟ علام براطمج متفخة !!؟
أم مهدي .. هازي مو متفخة .. انت ما يفهم !!؟ آنا يسوي عملية مال تجميل هق براتمي في تهران قبل واهد أسبوع
زينب .. عشتو .. حتى انتي عرفتي حق عمليات التجميل !!؟
أم مهدي .. إي .. ليش ما يعرف !!؟ يعني شيما ألي اهسن مني !!؟ آنا بعد بسوي عملية تكبير هق .... و شد هق ..... ، انا ابي يسير مسل نانسي أجرمة .. انت يعرف نانسي أجرمة !!؟
على القنفة رقم 3
شريفة .. شوفي قنفاتهم شلون صايرة !!؟
أم وائل .. ما لقوا إلا هالقلاصات !!؟ الدرزن بربع عند الميرة .. وعووووه
شريفة .. مكيفهم خربان .. متنى من الحر
أم وائل .. زحمة .. صالتهم ضيجة اللهم يا كافي
شريفة .. ويييه .. قطع .. يت أم هلال ... يا كرهّا
على القنفة رقم 4
أم هلال .. عظم الله أجركم يا وخيتي يا أم نشمي ... امووووه ..... امووووه .. ام هلال تطبع 19 مطخة مصحوبة بسعابيل حارة على خدود أم نشمي اللي توفى ريلها أبو نشمي
أم نشمي ( بحزن ) .. أجرنا و اجرج يا اخيتي مشكورة
أم هلال ( تقلقص روحها بين الحريم ) .. أهو شفيه يا اخيتي .. مريض!!؟ و إلا مات موتة ربه !!؟
المرحوم كان عنده القلب
عنده القلب و آنا ما ادري !!؟ و ليش تغبين عني !!؟ آنا صاحبتج و يارتج تغبين علي !!؟
و الله ما صارت فرصة اقولج .. الحين الله خذ أمانته
لا .. آنا شرهانة عليج .. يعني آنا آخر من يعلم !!؟ تلقينج قايلة حق شرفوه ، و آنا ما قلتي لي
و باين عليها لوعة الجبد .. يا أم هلال ، فكيني يرحم والديج .. ترى مالي خلق .. آنا وين و انتي وين !!؟
إي مالج خلقي .. حق شرفوه لج خلق .. حقي آنا لا
أم نشمي ساكتة
أقول أم نشمي .. خوش ارطب مطلع نخلكم .. أبآخذ عثق من العثوق
اخذي
و بآخذ عثق حق بيت اختي
اخذي
و عثق بعد حق بيت أم خالد .. خو انتوا ضايقة خلوقكم .. وينكم وين الرطب .. ما تاكلونه
اخذي النخلة كلها .. شلعيها من عرجها .. فكيني
صج .. ما دريتي عن زينبوه العورة !!؟ فتحت لها مشغل دراريع في بيتها .. و تقص على الحريم و تبيع الدراعة بخمسين دينار .. و هي حتى دينارين ما تسوى
لا اله إلا الله
أقول .. عسى المرحوم خلّ لكم شي يسوى !!؟ آنا خابرة عنده خير
إنا إلى الله و إنا إليه راجعون
قولي قولي .. آنا ستر و غطى عليج
أم نشمي تنادي بنتها حصة .. بنيتي حصة .. روحي نادي كومار خل يحذف هالعلة بالسكة .. علّة قلبي عسى الله يعلّ قلبها
صاحب السعادة
و مثل ما تكلمنا عن عزا الحريم .. ضروري انتكلم عن عزا الرياييل .. اللي أيضا لا يخلو من بعض المشاهد .. و منها هالمشهد
موظف ديوان صاحب السعادة .. ألو .. مساك الله بالخير يا مواطن ..عظم الله أجركم .. آنا داق أبلغكم إن صاحب السعادة راح يمركم باجر في العزا
المواطن .. حياه الله و جزاه الله خير
يا ليت توصون يهالكم لا يطيحون له تمطخ بصاحب السعادة
إن شاء الله
وبلغوا جيرانكم و فريجكم كله ان الشوارع حواليهم راح تتسكر
إن شاء الله
و لا تطلعون الزبالة بالشارع .. انتوا و جيرانكم .. تدري .. مو حلوة صاحب السعادة يشوف زبالتكم
إن شاء الله
يا ليت تبخرون الديوان .. و غداكم لا يكون سمج .. علشان الزفرة
هم .. إن شاء الله
تحرياتنا بينت إن اكو واحد مينون في فريجكم .. يا ليت يربطونه علشان صاحب السعادة ما يشوفه .. و يخترع
...
و يا ليت تخلون أفراد الحماية يفتشون بيتكم .. احتياطات أمنية .. تدري
...
يا ليت تسبحون و تحلقون .. مو حلوة تقابلون صاحب السعادة بصنانكم .. و ترى يمديكم تفصلون دشاديش يديدة
...
صج تذكرت .. غسلوا حماماتكم .. يمكن صاحب السعادة ينحصر .. مو شي يدش حمامكم يلقاه خايس
...
و يا ليت ما تدشون حمامات بيتكم من الحين .. إذا انحصرتوا روحوا حمام الجمعية
أقول اخوي .. !!؟
تفضل اخوي
مبوسة
هناك عدد من سيدات مجتمعنا عبارة عن مكاين بوس .. الوحدة منهم تدخل العزا ، و تطيح له بوس .. تاخذ صالة العزا من أولها إلى آخرها ... موا .. موا ، و العملية شغالة للالي تعرفه و اللي ما تعرفه .. بالدخلة و الطلعة .. تمطخ .. تمطخ .. تمطخ
المشكلة ليست في عملية البوس بحد ذاتها ... بل ما يرافق البوس من سعابيل .. و تفافيل .. خاصة اذا كانت السيدة المبواسة .. ثرمة ، فنجد أن خدود أهل العزا تلمع " تلق " من كثر سعابيل مكاين البوس .. و هذا يفسر وجود علب كلينكس بايد أهل العزا
أما كارثة الكوارث في مسألة البوس ليست السعابيل فقط .. انها الروائح عزيزاتي / أعزائي القراء ، فهناك سيدة قد ختمت غداها بفلح بطيخ ، و هناك من زودت البصل مع المموش ، و هناك من تريقت بيض مفيوح مع فلفل غراش ... ولا عزاء لأهل العزاء
هناك نوع من الحريم .. و العياذ بالله ، يعشقن مجالس العزاء ، فتلك المجالس تمثل احد مصادر الترفية و التسلية لهن فنجدهن في كل مجلس للعزاء ، و هذي نتاج البطالة و كثرة الهياتة .. و الله الهادي
غالبا ما تحضر هذه الفئة من الحريم إلى العزاء على شكل مجموعات ، مرتديات دراعات انتاج سوق المباركية ، و فوقها عباية ... و العباية أما سايحة على الكتف ، أو ملفوفة على الخصر ، و العلك البصري بالحلج ، و بعد ما يأخذن مقاعدهن في المجلس يبدأ الحوار
في عزاء أم نشمي
على القنفة رقم 1
عبير .. سندس .. شوفي هذي " أمل ".. عرفتيها !!؟
سندس .. أي .. شريجتها يت اليوم الصبح .. أشوة إنهم ما تلاقوا .. جان صار كفخ مكافخ بالعزا .. الله ستر
على القنفة رقم 2
زينب .. هاو هاو ... عسى ماشر يا ام مهدي !!؟ علام براطمج متفخة !!؟
أم مهدي .. هازي مو متفخة .. انت ما يفهم !!؟ آنا يسوي عملية مال تجميل هق براتمي في تهران قبل واهد أسبوع
زينب .. عشتو .. حتى انتي عرفتي حق عمليات التجميل !!؟
أم مهدي .. إي .. ليش ما يعرف !!؟ يعني شيما ألي اهسن مني !!؟ آنا بعد بسوي عملية تكبير هق .... و شد هق ..... ، انا ابي يسير مسل نانسي أجرمة .. انت يعرف نانسي أجرمة !!؟
على القنفة رقم 3
شريفة .. شوفي قنفاتهم شلون صايرة !!؟
أم وائل .. ما لقوا إلا هالقلاصات !!؟ الدرزن بربع عند الميرة .. وعووووه
شريفة .. مكيفهم خربان .. متنى من الحر
أم وائل .. زحمة .. صالتهم ضيجة اللهم يا كافي
شريفة .. ويييه .. قطع .. يت أم هلال ... يا كرهّا
على القنفة رقم 4
أم هلال .. عظم الله أجركم يا وخيتي يا أم نشمي ... امووووه ..... امووووه .. ام هلال تطبع 19 مطخة مصحوبة بسعابيل حارة على خدود أم نشمي اللي توفى ريلها أبو نشمي
أم نشمي ( بحزن ) .. أجرنا و اجرج يا اخيتي مشكورة
أم هلال ( تقلقص روحها بين الحريم ) .. أهو شفيه يا اخيتي .. مريض!!؟ و إلا مات موتة ربه !!؟
المرحوم كان عنده القلب
عنده القلب و آنا ما ادري !!؟ و ليش تغبين عني !!؟ آنا صاحبتج و يارتج تغبين علي !!؟
و الله ما صارت فرصة اقولج .. الحين الله خذ أمانته
لا .. آنا شرهانة عليج .. يعني آنا آخر من يعلم !!؟ تلقينج قايلة حق شرفوه ، و آنا ما قلتي لي
و باين عليها لوعة الجبد .. يا أم هلال ، فكيني يرحم والديج .. ترى مالي خلق .. آنا وين و انتي وين !!؟
إي مالج خلقي .. حق شرفوه لج خلق .. حقي آنا لا
أم نشمي ساكتة
أقول أم نشمي .. خوش ارطب مطلع نخلكم .. أبآخذ عثق من العثوق
اخذي
و بآخذ عثق حق بيت اختي
اخذي
و عثق بعد حق بيت أم خالد .. خو انتوا ضايقة خلوقكم .. وينكم وين الرطب .. ما تاكلونه
اخذي النخلة كلها .. شلعيها من عرجها .. فكيني
صج .. ما دريتي عن زينبوه العورة !!؟ فتحت لها مشغل دراريع في بيتها .. و تقص على الحريم و تبيع الدراعة بخمسين دينار .. و هي حتى دينارين ما تسوى
لا اله إلا الله
أقول .. عسى المرحوم خلّ لكم شي يسوى !!؟ آنا خابرة عنده خير
إنا إلى الله و إنا إليه راجعون
قولي قولي .. آنا ستر و غطى عليج
أم نشمي تنادي بنتها حصة .. بنيتي حصة .. روحي نادي كومار خل يحذف هالعلة بالسكة .. علّة قلبي عسى الله يعلّ قلبها
صاحب السعادة
و مثل ما تكلمنا عن عزا الحريم .. ضروري انتكلم عن عزا الرياييل .. اللي أيضا لا يخلو من بعض المشاهد .. و منها هالمشهد
موظف ديوان صاحب السعادة .. ألو .. مساك الله بالخير يا مواطن ..عظم الله أجركم .. آنا داق أبلغكم إن صاحب السعادة راح يمركم باجر في العزا
المواطن .. حياه الله و جزاه الله خير
يا ليت توصون يهالكم لا يطيحون له تمطخ بصاحب السعادة
إن شاء الله
وبلغوا جيرانكم و فريجكم كله ان الشوارع حواليهم راح تتسكر
إن شاء الله
و لا تطلعون الزبالة بالشارع .. انتوا و جيرانكم .. تدري .. مو حلوة صاحب السعادة يشوف زبالتكم
إن شاء الله
يا ليت تبخرون الديوان .. و غداكم لا يكون سمج .. علشان الزفرة
هم .. إن شاء الله
تحرياتنا بينت إن اكو واحد مينون في فريجكم .. يا ليت يربطونه علشان صاحب السعادة ما يشوفه .. و يخترع
...
و يا ليت تخلون أفراد الحماية يفتشون بيتكم .. احتياطات أمنية .. تدري
...
يا ليت تسبحون و تحلقون .. مو حلوة تقابلون صاحب السعادة بصنانكم .. و ترى يمديكم تفصلون دشاديش يديدة
...
صج تذكرت .. غسلوا حماماتكم .. يمكن صاحب السعادة ينحصر .. مو شي يدش حمامكم يلقاه خايس
...
و يا ليت ما تدشون حمامات بيتكم من الحين .. إذا انحصرتوا روحوا حمام الجمعية
أقول اخوي .. !!؟
تفضل اخوي
لعنة عليك .. و على صاحب السعادة .. عنه ما عزّانا
111 التعليقات:
لوووووووووووووووووووووووول
لووووووووووووووووووووووول
و أيضا لوووووووووووووووووول
بدعت يا عثماني بددددددددددددعت
ههههههههههههههههه
و الله توني يايه من فانكوفر و ضايق خلقي
بروح اقولها اتيي تقرا بوستك توسع صدرها خنت حيلي البنية مغتربه
اوكي نرجع للبوست
اول شي غشييييييييييييت من الضحك على الموناليزا المتحجبه
هههههههههههههههه
لا و عباة بعد
لوووووووووووووووووووووووووول
صاج يا عثماني صاج
مكاين بووووووووس اللهم يا كافي
لا وين عثماني الحين العزا صاروا يكشخوووون الحريم و مكياج جنه استقبال ما جنه عزاء
الله يغربل ابليسك يا عثماني على هالجمله
تحرياتنا بينت إن اكو واحد مينون في فريجكم .. يا ليت يربطونه علشان صاحب السعادة ما يشوفه .. و يخترع
لوووووووووووووول
شقول و شخللي عثماني أبدعت
:)))))
شيء مضحك
وواقعي
مكاين البوس ضحكتني
كأنك عايش الحدث
بس لاعت جبدي
لاني مجربة الحدث :P
حلاة العزا
ندخل نسلم
نقعد خمس دقايق
ونوسع حق خلق الله
شر البلية ما يضحك :]
تحريات صاحب السعادة و معروفة ، لكن تحرياتك و اسختباراتك لعزاء الحريم شنو مصادرها ...؟؟
هذا البوست المفروض ينزل بالجريده
هههههههههههههههههههههههههههههههه
غشيت من الضحك
اعطيك نموذج خاص فيني
رايحه اعزي وحده باختها
وبكل ثقه واعتزاز قلت لها فرصه سعيده
طبعا كان ودي ام نشمي تسمعني واتخلي كومار يحذفني بره
صااااااااااادق بأغلب ما قيل في العزاا
والمفروض فعلا ما يصير هالشي
الله يهدي الحريم من هذه النوعية
شكرا يا عثماني على البوست عجبني كثير
هههههههههه
LOOOOOOOOOOOL
روح يا عثماني
يا ولد ام عثماني
عسى الله يوسع صدرك دنيا واخرة
بدددددددددددعت ، والله ضحكت ضحك موووو طبيعي
هسترت ... تحفة هالبوست
بطبعه وابروزه واقراه كل ما يضيق خلقي
;)
مت من الضحك على سالفة
انتوا بعزا وينكم وين الرطب ?? مال طراق وانتي شكوووووو ? حرتني ..معقولة اكو اوادم جذيه ؟؟
ولعنة عليك وعلى صاحب السعادة
LOOOOOOOOOOOOL
اشلووووووووون طلعتها
مت من الضحك وانا اتخيل الموقف
ابدااااااع
بس يا خوك
ولييييييه يينا حق المداحر
;P
بس يا خوك ما كنت دقيق بحجاب الموناليزا
الحين ما يروحون العزاء جذيه
بمنظر يضيق الخلق
لازم اتطلع حق الموناليزا
قذلة واتلبيسها خاتمين الماس
وساعة تبرررررق من اول الفريج
وحجاب شوارفسكي يللللمع
وعيون مكحلة
جذيه يصير اللوك مال العزا
هههههه
اقول اشدراااااك بكل هالتفاصيل
????
اشدراااااااااك
;O
??
حيا الله اخيتي الغالية بربل
ان شاء الله هالضحكة ما تروح من ويهج
يكفي اني رسمت بسمة على محياج
و لا تخافين ... عندي سوالف وايد عن سوالف العزا
بس ..خاشها
نورتي ... و لا تقاطعين
حيا الله اخيتي قصة خيال
هذا لانج سنعة ... و تعرفين السنع
بس شنقول عن مكاين البوس
اسف على لوعة الجبد ... بس تدرين.. لزوم الكتابة
نورتي جبلة بمرورج ... و لا تقاطعين
حيا الله اخيتي لوياليتي
فعلا... شر البلية ما يضحك
ما افصح عن مصادري .. هذي سر من اسراري العسكرية
اخاف افضحهم يسون لي سالفة... لانهم قاعدين يقرون كل اللي اكتبه
خليها مستورة لوياليتي
:)
نورتي بمرورج .. و لا تقاطعين
انا جني معلقه امس لوووول والله مادري
بس امبي البوست كله صح بصح
ولا التبووس واااااااااااااااي اكره شي بالعزا استغفر الله لووووووووول بس حده البوست يونس
u realy made me laugh
thanks
salamz...
حيا الله اخيتي الغالية سالفة قلب
عساج دوم مستانسة و تضحكين
هيهيهيهي ... فرصة سعيدة؟؟؟
بدعتي ... سالفة
عيل خن اقولج مرة انا اشسويت
يكون بهون على واحد من الربع وفاة امه... جان اقولة .. هونها يا معود .. السالفة ما تسوى....
الريال امة ماتت .. و انا اقولة السالفة ما تسوى
كان فعلا ودي الارض تنشق و تبلعني
نورتي بمرورج .. و لا تقاطعين
حيا الله اخيتي و صديقتي الغالية عاشقة الترحال
ان شاء كل ما اكتبة يعجبج
يمكن عندكم في قطر الوضع شوية مختلف
بس اكيد عندكم وايد من هالسوالف
نورتي جبلة بمرورج .. و لا تقاطعين
هلا بالطش و الرش ... اخيتي فانكوفر
هلا باللي ضايق خلقها .. و ضيقت خلوقنا معاها
بس عسى هالبوست وسع صدرج شوية عقب سالفتج!!؟
و على طاري ام هلال ... مصادري تقول اكو العن منها بعد .. مع اني ما اظن اكو بشر بهالنوعية
و لاني ادري بو طبيع ما يخلي طبعه
و لان المداحر ابرز طبايعج .. و لانج صاكه فيج الدنيا هاليومين
فانا فاتح مجال المداحر... تعودت
:)
صدقيني كنت كاتب عن التكشخ
بس لغيته لاني حسيت البوست صار طويل شوي.. وخف لا اتمللون
و بالنسبة لاشدراني ... ماني قايلج عن مصادري... حرة
:)
لا تقاطعين فانكوفر.. بانتظار مداحر يديد
حيا الله اخيتي الغالية خروفة
عسى دوم الضحكة تارسه ويهج .. خروفة
و من اليوم و طالع .. كل ما تروحين عزا ... تذكري مكاين البوس
و قولي .. الله يذكرك بالخير يا خوي يا عثماني
نورتي جبلة خروفة .. لا تقاطعين
mashalah 3leek ya 3ithmani jibtha wallah:)
bilthat salfat ilrawa2i7 ilzakiyyah,
tithakart karim ma7mood lama i'3anni
"bithil ilrawaye7 minnoh":)
وااااااااي
عثماني بدعت بدعت
شنو هذا !!والله موتني حسبي الله على ابليسك
وموناليزا عجيبه بهالوز اللي ماخذته وعلى سوالفك لو حاضه على عباتها يصير خووووش
والله ياعثماني العزا وحشه بكوووم والتمطخ كوووم
وييييع صج شي يأرف
الواحد بروحه ضايق خلقه وهذي تشفط شفااط
امبيه امبيه عثماني طحت بصاحب السعاده وايد
الله يستر
بس والله والله جريء
عسى الله يفرح قلبك مثل ما فرحتني وخليتني اضحك بروحي مثل المينونه
خييييييييييييي شلونك ولك؟
ولهاااااااااااااان حدي ولهااااااان
شوف
عزا الحريم مادري شلون قايل
تدري أخييك حياوي وماله شغل بسوالف الحريم
بس اسمح لي ازيد شوي بعزا الرياييل
في بعض الشباب الزرة لي سمعوا في عزا لأسرة من أسر الكويت اللي ربنا منعم عليهم، يصيرون أحسن ناس يعرفون الواجب
تلقاهم مجابلين الديوان اللي فيه العزا طول مدة العزا "رزة فيس ومنظرة "
يعني شوفوني أنا قريب من أهل العزا؟
تلقى الواحد فيهم يعرف ولد خالة نسيب المتوفي؟؟
بس أبي أعرف من وين تييب الاسامي؟؟
يعني ظاقت فيك الوسيعة وما لقيت الا أم هلال؟! زينب؟! عبير؟! ساكن بعمارة في الفروانية؟؟
جهز حالك يايلك برمضان ان الله يسر الأمور انشالله
ابي راعي البرد اللي شرينا منه الماي عقب ما نشفنا ريجه، لآن في كم نوع من البرد ما سمعتهم منه؟؟
لوووووووووووول
ههههههههههههه
امبيه بدعت عدل
البوست حده عجييييييييييب
حتى الاوادم بعزا ما خليتهم بحالهم
امبيه كل ما اروح قنفه اضحك عليهااكثر من الي قبلها
صج صج يعطيك العافيه على هالبوست العجيب الي خليتني اضحك من قلب
والله يونسك مثل ما ونستي يا رب
heheheheheheheh:)))
واي يا كثر ما ضحكت على هالبوست
خصوصا اني هاليومين من عزا لي عزا
استغفر الله ..اذا ياك عرس يستنون ورا بعض،واذا صار عزا نفس الشي ورا بعض مادري ليش
!!
نسيييييت تقول عن الغنفه اللي يصير فيها الحرمه الملقوفه اللي بس تسأل على غير معنى
تلقاها دموعها اربع اربع وتخززززززز:
هذي من بنته؟
متزوجه؟
مخطوبه؟
من امها؟
يالله انتي ويييييييين والناس وين
!!
وطبعا لازم يتسلط عليك بالعزا مواقف تضحك وما تقدر تسكر حلجك
او حجي ما ينقال
قايله حق مرة بكل ثقه:
هذي الساعه المباركة اللي شفناج
يا زيني لما اييني السنع بالوقت غير المناسب ولا هذي حجوة تنقال واخزاياه
لووووووووووووول
:))
LOOOOOOOOOOOOOL
لووووووووووووووول
واي جنك داااااااااش ويانا عزا الحريم
عندي اضافه :
1-
الجناين و حريم الحما و الييران و الربع قاعدين بالصاله الداخليه او مطبخ التحضير عشان يعني يسوون مكان بس اهم ما عندهم غير مجابل مطاطير الشاااااي
و اذا صااااار العصر
نادو البنات
يالله يالله قومو سبحوووو سوو شعوركم
حطوووووو كريم اساااااااااس
ماسكارااااا
تبخرووووو و لبسووووو تراجي ذربه
الرياييل بيووووووون عقب المغرب
خيشووووفج ولدهم
خيشوووووفونج عيال عمهم
هههههههههههههههههه
2-العزا بالصيف
هااااااام ام فلان شخباركم وين بتسافروووووووون
لوجانو
وي لوجانووووو ليش روحوووووو كوموووووو اونس
و الناس تصيح و هذولا بس عن السفر
3- ايووووون رفيجات شباب البيت
الرفيييييييييجه غصب ملزقه روحهااااااا
يكووووووون بيت حمولتها يعني
الحريم يسؤلووووووون منو هذي !!
صاحبه البيت ما تدري
و الناس ما يدرووووووووون
و من يزدحم العزا
تدز له مسج
هاااااااا فلان وينك ؟؟
هو: بالديوان ويني بعد !
هي : انا في بيتكم ;)
هو : اي خلج في بيتناااااااا
انا قبل لا يفلوووووووون باي من الدري الي وراااااا ركبي فوق نطريني
تبي بعد و الا ازيييييييد؟؟
اما العزا في الكويت سالفته سالفة
انا خبرى اني اروح اعزى و اكسب اجر
والناس الي بروح لهم في حالة حزن ماله داعي الفونديشن و الحكل و الجلوس البني
ماتسقمين عنهم يعني ربع ساعة و الا العباة طبعا الي مو متحجبة جنها ... ولا ماله داعي خلني ساكتة احسن
انا ما يقهرني الا الضحك بالعزا و لا الي تشوف وحدة مو شايفتها من سنة الطفحة ويييي فلالالالالانة شلوووونج هذي الساعة المباركة الي شفتج فيها شهل الصدفة الحلوة !!!!
ماله داعي راااعي شعووور غيرررك يا بنى ادميييين بصراحة كل المشاهد الي كتبتهم شفتها و خصوصا اخر شي يعني صج صج شي يحر تكون بحالة الله يعلم فيها والي تناشبك و من يعزيني احد هذي منو منو امها!!
بس صراحة الريايل عزاهم وايد خفيف مو مثلنا احنا
شكرا لك لانك كتبت عن هل النوعية من الناس جود لعل و عسى يتغيرون
..
والله انك وسعت صدرى وانا مهمومه
تدرى انى قريت البوست وكان ولا كومنت عندك ومت مت ضحك وانا بالدوام
لوول جنك اتردها لى
انا الى اهتز وقارى بين الموظفين
لول
قلت اها وحده بوحده
بس خلص الدوام وقلت اقراه بالبيت
ولوويه
عساها على خير بس
بدعت فابدعت فاحسنت فصدقت فموتنا ضحك
:))
روح يا عثماانى يا ارفيجى الله يوفقك دنيا واخره ولا يحرمنى من روحك الى اتينن
حيا الله اخيتي سالفة عجيبة
اي والله ... رحمة الله عليك يا كارم يا بن محمود
روايح ... و عرق ... وتفافيل...!!؟
شصير !!؟
كوارث
نورتي جبلة سالفة.. لا تقاطعين
حيا الله اخيتي الغالية كويت دول
شكلهم شافطين خدودج شفط ...اخيتي الغالية
:)
واااضح لوعة الجبد عندج
عسى الله يبعد عنج العزا ... و مكاين البوس
و بالنسبة لصاحب السعادة ..لا تخافين
امون عليه ... ما يسوي لي شي ...ان شاء الله
روحي يا كويت دول ... عساج دوم مستانسة
اخي الغاااااالي دروازة
كيفك يا اخي!!؟
فين اراضيك ؟؟ مختفي
ترى ولهانين ... ولك
عزا الحريم ما تدري شلونه !!؟
ولك انت تدري عن كل شي... مو على هالسوالف
حياوي ... طل
:)
الشباب اللي قلت عنهم اعرفهم... و سبحان الله ..تلقاهم في كل عزا
اما بالنسبة للاسامي ...بصراحة مادري من وين تطلع هالاسامي!!؟
يعني سندس ... مادري شلون خطر على بالي
و انطر علي .. ان شاء الله في كم اسم من اللي يحبهم قلبك نازلين في البوست الياي
ناطرك في رمضان ان شاء الله ... تنور الديرة والله يا دروازة
يتراوالي ليلحين راعي البرد يدعي عليك ... حسبي الله عليك
على فكرة ...هالسالفة ضمن بوست يتم الاعداد له ...حفضحك
:)
مشتاقين لك ..دروازة ... لا تقاطع
حيا الله اخيتي الغالية بنت الكويت
حيا الله اخيتي اللي ضيقت خلقنا في بوست الغربة
وهالبوست اهداء لج و لفانكوفر
وعساه ان حقق المطلوب برسم الابتسامه على محياكم
نورتي جبلة بزيارتج ...لا تقاطعين
موضوع ممتاز
بس اخر عباره ما فيها مساس بالذات السعاديه المصونه
لك خلق مشاكل؟
حيا الله اخيتي الغالية استكانه
فعلا .. احيانا يصير موسم عزا .. او موسم اعروس
عاد اللقافة ماركة كويتية مسجلة
تلقينها تشق اللي يمها شق بالاسئلة ..و الفقيرة ما لها خلق.. بس شتسوي!!؟
اما مواقف الضحك ...سالفتها سالفة .. لا ,,, انا اكو جم واحد من الربع من اشوفهم بالعزا اضحك ...مادري ليش
هيهيهيهيهيي.... حلو هذي... الساعة المباركة
لوووووووووول
نورتي جبلة بزيارتج ...لا تقاطعين
حيا الله اخيتي الغالية لوير
هيهيهيهيهي
هذي خوش اضافة لوير .. انا ويني عنها !!؟
الظاهر ان مصادري في عزا الحريم ما قالولي كل شي ...
خلاص لوير .. عينتج احد مصادري ...مبروك
:)
بس صج يكشخون علشان يشوفونهم !!؟
حسبي الله عليهم ...حريم
ههههههههههههه
بس كلة كوم ... و سالفة ركبي فوق نطريني ..كوم
عاد اذا وصلنا هالمواصيل ...مهزلة
يا معودة انا ابي هالسوالف ... زيديني ... زيديني
بانتظار المزيد
هالسوالف مادة حلو للكتابة
نورتي جبلة بزيارتج ...لا تقاطعين
حيا الله اخيتي الغالية دندش
والله ما اظن يا دندش يتغيرون
هذا طبع كويتي .. ما يتغير
و بيني و بينج حتى عزا الرياييل فيه سوالف بايخة
و منظرة على الفاضي .. بس الشكوى لله
نورتي جبلة بزيارتج ...لا تقاطعين
حيا الله اخيتي الغالية كاريزما
أشلونج؟؟
علامج مهمومة .. عسى ما شر!!؟
شفيج متضايقة!!؟
شايله التعليق على بوستج... شكل السالفة جايدة
ترى انتي عزيزة .. وانتي عارفة هالشي .. و ما ودي ان الهم يطولج
ماهو فضول .. بس ودي اعرف شالسالفة ..يمكن اقدر اساعد ...يمكن
ناطر رد...اوكي!!؟
وروحي يا كاريزما يا أرفيجتي... ربنا ما يشيلك هم .. و ياخد اللي يزعلك
حيا الله اخيتي ابي انساك
جزاج الله كل خير على مدحج لما كتبت
لا لا يا معودة ... لا تروحين بذاك الراي ... انا احبه و احب كل من يحبه
و ما عندي مانع اشتغل مترجم لاي لغة يبونها ... حتى لو ما اعرفها
انا اتكلم عن صاحب السعادة ... مو صاحب السمو ... هناك فرق
و الفرق واضح
:)
ما نبي مشاكل يا معودة ...كبرت على الطراقات و التشوت
نورتي جبلة بزيارتج ...لا تقاطعين
مساك الله بالخير ياصاحب المدونه الجميله الخفيفه الواقعيه
العزا وماادراك ما العزا
صدقت ياخوي اذكر بعز خالى الله يرحمه يتنى وحده بتعزيني اهيه تصيرلنا تخيل اول يوم عزا وحالتنا حاله جان تطالعنى وشاقه الحلج من كبر الابتسامه فقالتلى واي صايره شحلاتج زين شفناج انتى وخواتج لو موعزا خالج جان ماشفناكم
صج حزتها فوق حزنى بغيت اقول لها طلعى بره
هذا كوم والتحلل والتحرم والفتاوي لي الراس تطلع تخيل اللى تروح تقول حق الخدامه لاتوزعون ماي زمزم ولاماي عادى حرام يعتبر عزا فاشل وساقط
ويبطل العزا
اقولك والله بلاوى وغير اللى تتشره وتبسطط على جنب عالكراسي وتسأل جم كلفكم طباعة هالكتيبات غلى اسمه صج ناس فاضيه حق القيل والقال
وغير اللى تشوفهم يتشرهون وطايحينله سوالف وتقرض بالاوادم
زين انت تقول دراريع وعبي تخيل ايونك حاطين كحل وماسكرا وحمره خفيفه انزين ليش احترموا العزا
وغير التاتو
خلها ياخوي على الله
وعلى عزا الرياييل انصدمت من اللى قريته فيه اللله يعينك
والدتي تقولك ما ايي الحش الا يوم العزا وتقولك بعد كلهم يشتغلون خطابات واللى موشايفه رفيجتها صارلها سنه لمن تشوف رفيجتها تسألها عنصحتها وعن اهلها وتقلب العزا حق مواقف مضحكه
وصج كلامك اذا دشت وحده محاربه رفيجتها تسلم على اليمين وماتسلم على اليسار علشان تطوفها
واللى يقهر ايون لابسين دراعات كل فتحه متر ويحطون ريل على ريل علشان تبين شحاطتها والكعب مالها شبر ونص ومتروسه فصوص وتتشيحط فيها ويايبه جنطتها الماركه علشان يسألونها اللى حواليها نم وين شاريتها وهني عاد تقول لهم صديقتي يايبتها من تايلند ويايبه بعض جناط ثانيه وبواكه ومداليات سيارات وهذا رقمي علشان تشترون منها يعني الاخت تمشي بضاعه رفيجتها صار سوق مو عزى وبعضهم يطلبون جايمهيل ولا في زعفران وينقدون على الجاي الخليص ويون قهوه وحلو ومنهم يخزون السقف يشوفون الجبس مال البيت والثريات اذا ماعجبهم طاحوله طنازه ويلوون بوزهم ويحركون ايدهم يبين ان موعاجبهم السقف انزين اهمه شكو يايين يعزون ولا يايين يسون هالحركات ويطلعون طلعه يخربون العزى على العالم بهالحركات
LOOOOOOOOOOOOOOOOOOOOOOOOOOOOOOOL AMBBAAAAAAIH!!!
LOOOOOOOOOOOOOOOOOOOOOOOOOOOOL 3aza il Reyayeeel IMSAKKKIT looooool!!! sh'hal saaa7b ilsemoow, e wallaaah 3aNNah ma 3aZZahom misakeen LOOOOOOOOOOL 3ajeeeeeeeb, many gadra an6er omee o obooy yegomoon 3ashan yegroonaa, 7adda 3AJEEEEEEB LOL thanks!!
Yezaaaaak allah khair inik wanastna ib hal post, kan thayeg khelgee 3ala wath3 il Kwait il sara7a =/ bs wallah kil-tha7ka lik ajirha inshalla 3ind rabbik dam innik fara7tna ib hal post =P bs 3indy ta3leeQ, sij Akow 7areem chethey .. atwaqqa3 inQarthaw hathaila .. =|
استغفر الله
كل هذا صوب واللي تجي وتنعى صوب ثاني
يعني انقهر لما نحن اهل العزا ماسكين اعمارنا من النعي والصراخ عشان مانعذب الميت
تجي وحدة من اخر الشارع تنعى
والله ودي اعطيها كف واطردها برع البيت
الله يهديهم بس
اقلها اسكتي 10 دقايق وشلّي قشج ومع السلامة
بصراحة سوالفك ماتنمل ماشاء الله عليك
:)
:)
ييت على الجرح اخوي عثماني
فعلا العزاء صار فيه فناتك
مره حضرة عزاء لبيت شفت وحده من اهل الميت لابسه لبس عرس ومومخليه ذهب عندها الا لابسته
وفي فنتك ثاني اللحين طايحيين فيه الحريم يروحون العزاء عشان يشوفون البنات بدون مكياج ويخطبون الحلوه فيهم
ويعطيك العافيه
تدري اول امس رحت عزا و ذكرتك و يتني الضحكه و امي زفتني لووووووول
استغفر الله
الله يغربل بليس العدو الحين شبسوي كل عزا بضحك لوووول
استغفر الله ولا تدري شلي زاد انه سلمت على ام مهدي لووووووووول
بس هذي مسكينه مره كببره مالها شدره بالشد
واااااي استغفر الله لوووول كله منك
lol salamz....
مساء الخير
لا اتحاتى عثمانى ما فينى الا العافيه
ابن ادم محد خالى
مشكلتى الابديه انى احرق نفسى عشان غيرى وانسى نفسى
وبالنهايه انصدم
والله الدنيا اتخرع صارت
النفوس تغيرت عثمانى
الى الحين تعلمت ان ما لازم اتبع نياتى مع الناس
يعنى مالازم اصير على نياتى وطيبه
لازم اطلع مخالبى واكشر عن انيابى
ويالله اتلحق على عمرك مع هالبشر
الله كريم
تسلم عثمانى على اهتمامك وسؤالك
فيك الخير
لا حول لا قوة إلا بالله !
حتى بالعزاء لم نسلم من تصرفات البعض المؤذية !
والله اصحاب السعاده كثر ، لكن فينا جانب مشرق يعني الحمدالله لي الحين اهل الميت ما يطبخون اليران يتكفلون بكل شي .
لكن عزا الحرييييم والله نسمع الاهل من يردون صج صج المكان صغير ولا حر ولا وايد ناس ولا ...الخ
---
ما شاء الله عليك
حيا الله اخيتي الغالية شيما
كل هذا بقلبج يا شيما!!؟
لوعوا جبدج ...:)
اول شي سلمي لي على الوالدة ...امانة
ثانيا سوالف العزا شكلها ما تخلص
مشكلتنا يا شيما هي المظاهر... المظاهر دخلناها بكل شي
حتى العزا
والشي الثاني ...ان ما قمنا نحترم الوضع اللي احنا فيه
ما في احترام حتى للموت
خليها على الله
مشكورة على الاطراء ..شيما
نورتي جبلة بمرورج ...لا تقاطعين
حيا الله اخيتي الغالية فيري كويتيه
اول شي ..جزاج الله كل خير على هالدعوة الحلوة
ثانيا ...صدقيني ...اكو من هالنوعية وايد.. هالنوعية ما تنقرض...للاسف
ثالثا ... معاج حق بزعلج على الديرة ... ما ادري متى بتسنع هالديرة!!؟
رابعا ... عساج دوم مستانسة
خامسا و اخيرا ... الوالد و الوالدة شافوا البوست!!؟
ناطر اسمع رايهم
عساج على القوة ...و لا تقاطعين
مساالورد والجوري
مساك احلي واغلي شي بالدنيا هذي كلها
الغالي عثماني
والله انك وسعت صدري بهالبوست..ضحكت من قلب قلبي
لووول ..حلوه هذي من قلب قلبي
عدل
بس والله من صج انت من وين اتييب هالسوالف
:)
كلها كوم وسالفة ام مهدي كوم ثاني
خنت حيلي بتصير مثل نانسي أجرمه
بس نسخت طهران
:)
الله يوسع صدرك مثل ماوسعت صدورنا
وتدري عاد اني ماجذبت
لمن سميتك
يالفلته
وانت راعي الفلته
دمت بدفء وعذوبة
ابدا
:)
حيا الله اخيتي الغالية عيون الحب
اول شي .. انتي اللي سوالفج ما تنمل
:)
ثانيا .. سالفة النواح و الصراخ هذي ما مرت علي
بس بصراحة ما تنلامين تعطينها بوكس على عينها
و تشوتينها
نورتي جبلة بمرورج ...لا تقاطعين
حيا الله اخيتي الغالية موكا
والله فكرة ... خوش طريقة للزواج
زواج ولد في العزا ... كلش مو خوش طريقة
:)
يعني الواحد يقول حق مرتة ..الله يعافي فلان اللي مات و خلا امي تشوفج في عزاه و تخطبج لي ... فنتك
وهاللي كاشخة ...المفروض انها ضايق خلقها ... بس اعتقد انها تدور ريل
تو ما نورت جبلة ..موكا.. لا تقاطعين
حيا الله اخيتي الغالية خروفة
هيهيهيهيهيهي
مو احسن من ضيقة الخلق في العزا!!؟
عساج دوم مستانسة
اخيتي الغااالية كاريزما
يا مساء الانوار
إي و الله محد خالي ... الشكوى لله
صج ..انتي الغلطانة ... لازم اتعلمين شلون تحبين نفسج ...بعدين حبي الغير
بس عاد لا تصيرين شرية ... اولا .. مو لايق عليج
ثانيا .. ما اظن عندج انياب علشان اتطلعينهم
ثالثا ... اصلا ما اظن تقدرين تكونين غير... كاريزما ... الحبوبة
اللي تحب الكل .. و الكل يحبها
يا ست الكل
دمتي ... رائعة
حيا الله اخيتي الغالية ايلاف
هناك من لا يهتم لهموم الاخرين
و هناك من يجعل منها مادة للتسلية
حتى واجباتنا الاجتماعية ... فاشلون بادائها
حقا .. لا حول و لا قوة الا بالله
نورتي جبلة بمرورج .. ولا تقاطعين
حيا الله اخوي العزيز بو حامد
مثل ما قلت يا خوي ... الدنيا .. ليلحين بخير
او هذا ما نأمله
ما زالت هناك العادات الجميلة
و التي نأمل ان لا تندثر
جزاك الله خير يا غالي ... و لا تقاطع
حيا الله اخيتي الغااااااااالية فراولة
مساء الفل و الكادي ... مساء الفراولة
والله انتي اللي من اشوف تعليقج عندي ... تهل علي ذيج الروايح الطيبة
و عسى قلب قلبج دوم سالم
عاد تبين الصج فراولة !!؟
انا نفسي مادري من وين اييبها !!؟
من امسك القلم ... تطلع هالسوالف
المسألة غريبة ... فيها فلسفة .. و فيها لعب على اوتار شخصيات عايشة بينا ... تركيبة غريبة ..ما اعرف شلون اوصفها
اشعر بلذة الابتسامة السوداء... الضحك على المأساة ... القهقهة على عيوبنا
و ما اكثرها
انا ماني فلته يا فراولة
و هذا مو تواضع ...ابدا
كل ما هنالك ... اني استطيع ان اصل الى قلوب جميلة ...مثل قلوبكم
دمتي .. كما انت ... بروعة ..دائما
مصادرك عن الحريم خايرتها شوى
:)))
ترى البنات الحين مجالس العزاء عندهم فرصة للزواج
:))
البعض البعض البعض
علشان بعد ما يقولون مشاري يتبلى
تعال شوف الماركات
ويقولك الحين طالعين بشغلة مكياج للعزاء
بعد شلووووووووون ما ادري
وبعدين ترى ظلمت زيارة صاحب السعادة تصادف وجودي اكثر من مرة فى عزاء ووجود العديد من كبار السعادات لكن الامر كان اكثر من عادى
لى الحين نحمل الطيبة يا عثماني
وصدقني صدقنى صدقنى ياخوي
دمك شرباااات والله انك صج دمك خفيف وتخلى الواحد يضحك من قلب
:)
This comment has been removed because it linked to malicious content. Learn more.
ههههههههههههههههه
حدك موتني من الضحك
عاد والله وصفت عزا الحريم بالضبط
شغل تبوس وحش وألحين هابين بالكشخة
تلقاهم يفصلون عباة يديدة للعزا لول
أما صاحب السعادة هذاا
لووووووووول ما تسوى عليهم ياي يعزيهم ههههههه
بصراحة حدي غيرت جو بهالبوست
ما شاء الله عليك
هاهاهاهاهاهاهاهاهاهاهاهاهاها
صبحك الله بالخير اخوي عثماني
انت ليش دايمآ صاخط عالاوضاع بالديره؟؟ :))
والله صج كلامك اللي قلته واللي يسوونه الحريم بالعزا
بس بقولك ان سالفة التبوس لازم الكل يسلم على الموجودين تعرفهم ولا ماتعرفهم هذا يدل على روح الالفه والموده ^_*
بعدين ام هلال هذه لو انها عندي مانطرت عليها ولا طولت بالي وربي سيدا اقلعها برى ماتقعد عني
وصاحب السعاده اخاف مو بشر هذا يمكن انسان خارق كل هذا نسويه له عشان يحضر العزا؟؟
بس الله يستر علينا وماتقصر عثماني على طرحك لهالمواضيع بس لاتنسى الجانب الحسن فيها :))
حيا الله اخوي العزيز مشاري
مصادرك شكلها احسن من مصادري
راح تكون لي قعده مع مصادري و اشوفهم ليش خشوا عني هالمعلومات
بس مكياج العزا ,,, شغل عدل ... هالحريم ما خلوا شي
و اكيد كلامك صحيح مشاري ... الحمد لله ,,, الطيبة و التواصل مازال موجود في مجتمعنا ... بس الخوف ان حتى هذا يروح مثل ما وايد شغلات راحت
عيونك العسل اللي تشوف دمي شربات ...مشاري
عسى الله لا يحرمنا من طلتك علينا
حاضرين ... يا شبكة الحوار الليبرالي
حيا الله اخيتي الغالية شهد
مشكووووورة يا شهودة على كلماتج الحلوة في حقي
و يمكن ما وصفت عزا الحريم 100 % بس هناك محاولات لطرح مقالة اخرى لاستكمال الصورة
و مدام غيرتي جو بهالبوست ... و اعجبج
لا تقاطعين جبلة
حيا الله اخيتي الامبراطورة
حيا الله من طول الغيبات
انا ساخط لان هالديرة و اهلها ودي انهم يتخلصون من هالمظاهر السلبية
امبراطورة .. عاد تبوس عن تبوس يفرق ... اكو تبوس خفيف و سنع
و اكو تبوس دفش ... ويعور شوية .. و هاللي يعور ماله شغل بروح الالفة و المودة ..كلش
:)
و مثل ما قلتي .. الحمدلله ... الدنيا مازالت بخير
نورت الكويت بردتج
احسن الله عزاكم
تدري شاللي يميزك عن غيرك ؟
انك من الحزن تخلق بسمه
تسلم يااخوي الراقي
تحححححححححفه ياعثماني تحححححححححفه
عزا الحريم شقاقي !!!؟
المشكلة مو جذي .. المشكلة لا اقعدت واستغفرالله ياربي اتّارع (وفي لفظة اخرى : اتّاغر )وعوووه انزين احترمي شكلج مجابلتني وتعزين وهم استغفرالله ياربي
لا لا واللي بعد ماتحجيت عنه المكياج اللي حق العزااااا .. والموديل اليديد جنهم مصاروة يدشون ببدل سووده على بو مايلبسون عباة .. يعني خو بس حق العزا مافيها شي !!!؟
اما حاجة عجيبة ;p
هلا و غلا بخوي الغالي براك
يا خوي الحياة عبارة عن مسلسل مآسي
اذا ما ضحكنا على مآسينا ... ما راح نضحك على شي
نضحك عليها احسن من ان نستسلم لها
حافظك الرحمن ...براك
حيا الله اخيتي الغالية ريلاكس
هيهيهيهيهيهيهيه
التتريع ...و في رواية اخرى المتاغر
لما يصدر من مرة كبيرة شوي ..و في عبارة اخرى ..مشدقة
و تكون ماكلة بقل و رويد
ابدااااااااع
اما سالفة المكياج هذي اللي ماني قادر افهمها
اشلون عزا .. و اشلون مكياج!!؟
انتي التحفة و الله يا ريلاكس
يازين سوالفج
لا تقاطعين
عثماني
صبحك الله بالخير عمو
امس طاح حظي وانا اكتبلك كومنت مادري شفيها
التكنلوجيا معاي ،،كل ما اطرش عندك بس يطلعلي ايرور
وش هالحظ الاقشر ،،ماعلينا كتبتلك امس قصه قصيره مو كومنت
:P
يبيلها ملحق مو صفحه كومنت
دلق سهيل
والسما فيها غيم يا خيي
والواحد الحين لازم يمشي تحت الساس عن المياهه
ايه والله عساه ما عزانا عمى بعينه
:P
.,’
عجيييب
بصراحة
استغفر الله الحين سوالف العزا حكايتها حكاية عند الحريم .,,
انا بطبعي ما أحب اروح لكن اذا رحت خشمي يصير احمر .. وحالتي حاله حتى وان كان المتوفي ما أعرفه شخصياً
ومايمدي التفت عالعالم .,
ألقاهم فالينها عالآخر ما كأنك بـ عزا
كاشخين على سِنقت عشرة
وفوق هذاحش بالناس
.,
اما التبوييس ييك :D
..
أول مره أدخل مدونتك
واعتبرني مقيمه فيها
.,’
تحياتي لك عثماني
LOOOOOOOL way 3thmany yebt;haaaa! loool enzain e7na ferejna fe wa7id bes edaldigh gabel layta7acha edaldegh wo yeth7ak 3laik wele e7er ena maynooon LOL! enrabe6 eeeda y3nee 3shan 9a7eb el sa3ada wela enkhaleeh chood etha7ek 9a7ib elsa3ada?:P
حيا الله اخوي العائد.. سليمان
ولهنا على طلتك يا خوي
عسانا ما ننحرم منها
و هذا حظي الخرطي اللي خلا تعليقك يروح
يا خوي الغيم زاد
والخوف ان حتى لو مشينا تحت الساس ما نسلم
نورت عالم المدونات بعودتك يا خوي
و لا تسويها مرة ثانيه
:)
حيا الله اخيتي الغالية عتريس
اولا اموت و اعرف .. ليش عتريس؟؟
:)
عاد اسم عتريس يعني لي الكثير
اقري رحلتي الى القاهرة و انتي تعرفين شنو يعني لي
هذي اول مرة تشرفيني بالزيارة
بس اتمنى ما تنسين وعدج … و تكونين مقيمة فيها
نورتي جبلة …و لا تقاطعين
حيا الله اخيتي الغالية شكشكة
هذا المينون اللي بفريجكم شكلة تحفة
ههههههههه
لا يا معودة ..خلوه مهدود
و اقترح عليكم اذا صار عزا – الله لا يقولة – في فريجك
خل يفصخونه و يلبسونة بس بامبرز و دلاق
و يهدونه على صاحب السعادة … يدلدغة
و ينام في مردانة
هههههههه
يا زين سوالفج … شكشكة
لا تقاطعين
لووووووووووووووووووووول
اي والله
صج هذا اللي يصير هالايام
خخخخخخخخخخخخخخخخخخخخخخخخ
ولازم يبوسون والمشكله ناس مانعرفهم
ولاعمرنا شفناهم
لا مو بس تبوس يحضنون وريحتهم تييب العمه
وخصوصا اذا صار عزا بالصيف
والاخت وزنها 1100
ياساتر
وتقعد والحش ماله والي
والمشكله هالايام يخطبون بنات من العزا
تخيل ناس ضايق خلقها وهاذي تسأل انتي متزوجه ولامخطوبه
منو امج خل اكلمها ((حدها فاضيه))والله حاله
والبنات هاللبس الكشخه وهالمكياج وهالتسريحات
والله فوضى ماكو احترام حق الميت
اما عزا الرياييل ماعرف عنه شي
بس الله يعينهم على صاحب السعاده
يعطيك العافيه
ماقصرت
هذا الواقع الكويتي المؤسف المضحك المحزن
دايما تناقش مواضيع اجتماعية تهمنا بطريقه ساخره وخفيفه على القلب يا عثماني
الله يسلم ايدك وقلمك
awwal ta3leeq kan weeeeeee3 o q6i3a
thani shy 9ar looool o hehehe o hahaha :P
9ej badda3t o l2nnek bdda3t i ihad 2 put this comment magedrt :P y36eeek el3afia o kather mn halsuwalef :)
FiFi
حيا الله اخيتي كويتية حساوية
شكلج يا اخيتي كانت عندج تجربة غير سارة مع التبوس و التمطخ
:)
بس بيني و بينج الحضن لما يكون من وحدة ذات 1100 كيلو ايام الشتا ..تونس حق الدفا
مشكلة الحريم ... المظاهر ذابحتهم
مو كلهم علشان ما يصير هجوم نسائي كاسح علي
نورتي جبلة بمرورج يالغالية .. و لا تقاطعين
حيا الله اخيتي الغالية زوزوتا
فعلا زوزوتا ... مجتمعنا ملئ بالسلبيات
و جميل لن نتناولها بالنقد بطريقة خفيفة ...محببة
الله يسلمج من كل شر زوزوتا
مشكورة على الاطراء
و لا تقاطعين يا الغالية
الاخت العزيزة فيفي حياج الله
بداية اعتذر عن لوعة الجبد اللي سببتها لج ...بس شسوي ..انه الواقع يا اختاه
:)
ثانيا مشكووورة وايد انج تفضلتي بالتعليق
و حاضر .. ان شاء الله راح اكثر من هالسوالف
مشكورة على الكلام الجميل
نورتي جبلة و لا تقاطعين
كل مرة ايي بعلق عندك اتذكر ان الكومنت ينفتح له وندو يديده اهون
:)
مطول على البوست الياي.... يالله اخوي لا تبطي؟
هلا و غلا باخوي العزيز حمودي
شدعوة يا خوي !!؟
ما استاهل تعليق من تعليقاتك الحلوة..!!؟
خلاص ..لك علي اعابل بالسيتنج وا ضبط السالفة
نورت جبلة و لا تقاطع يا خوي
حيا الله اخيتي الغالية لوير
العيلة من الشيطان ...تصبري
الصبر حلو ... ترى معروف عني اني ثلجة
باااارد على قولتهم .. و يومي بسنة
بس ولا يهمج ... قريب ان شاء البوست اليديد
تامرين امر يا لوير
ههههههههههههههههههههههههه
ههههههههههههههههههههههه
ههههههههههههههههههه
ام هلال عجيبة :) موتني من الضحك حدها فاضية
و سالفه تبوس سالفه ..... انا كله اضيع ناس صوب واحد مليون مرة و ناس يمين يسار و ناس ثلاث مرات ....... و اشوه الحريم ما يبوسون خشوم جان توهقت
حيا الله دكتورتنا الغالية
دنتال
عساج دوم مستانسة و تضحكين
التبوس سالفته سالفة ... وايد مرات يحصل مداعم بالخشوم و السبة هالتبوس
تو ما نورت جبلة بمرورج
و لاتقاطعين
البارت اللي عجبني "شرفوه" مادري حسيت اعرفها بشكل ما
شخبارك يا القاطع؟
3thmanyyyyyyyyyyyyy saba7 ilkhaaair .. tara min amsss o ana abi a7e6 Comment bssss kila im3allig mo gaddra adish 3ala il Comment malikk,, bs ilmoheeeem abashreeek Ghashaaw mn il The7eeeek LOOOOOOOOL.. obooy ygol Min Katbaaaaaa??? getlaa yuBaa hatha 3ithmaany ma ghaaira ili Garaaitlek salfeta malat Masssir oo malat Om jabir o Bo Jabirrr,, Thekartaa???
Chan yfakkir shway o ygol Eeeeeeeeeee mashallaaa 3alaaaaaih .. omi tad3eelek 3ala hal Mawathee3 ili teshra7 il saddir o tMawitna the7ek :P
shooKraaan jaZeelaaaaan !
take care
byeeee
صبحك الله بالخير عثماني
خوش سوالف صاج والله على الاشكال اللي نشوفها في العزا
يا دافع البلا هوايل بالقوايل
LOOOL.. 3ala 9a7eb el sa3adah!!
eeeee el booos shay ghareeb bil 3aza... hdooo2 o bas tesma3 9oot bachy mamzooj eb 9oot boos!! shay ghareeb wayed!!
اخيتي الغالية
AuThoress
تو ما نورت جبلة
شرفوه تجدينها في كل الاماكن
في كل داعوس ..هناك شرفوه
لا تقاطعين
حيا الله اخيتي الغالية
Very.Q8ya
يا مسا النور
اول شي انتي المشكورة اللي اتابعين مدونتي المتواضعة
و الله يحفظ الوالد و الوالدة لج ... و لي انا بعد... فعلا اشعروني بالفة و راحة لما اعرف انهم مستانسين على كتاباتي
نورت جبلة بهلتكم عليها ..و لا تقاطعون
حيا الله اخيتي الغالية سويلفاتي
الله لا يصبحج ولا يمسيج الا بالخير
اللي يعيش ياما يشوف
نماين و اشكال
يا الله العافية
تو ما تباركت جبلة بمرورج... لا تقاطعين
حيا الله اخيتي الغالية نعناعة
فعلا ... تناقض كبير
بوس ... و حزن
لكن هي مجتمعاتنا العربية كذلك
تجمع المتناقضات في زمان و مكان واحد
دمتي سالمة نعناعة ..و لا تقاطعين
هههههههههههههههه
كلشي ولا ربطوا مينونكم عشان صاحب السعاده لا يخترع ههههههههه
ذكرتنا بسوالف الأهل عن شيخه العضاضه أول هههههههه
أي والله عنه مااا عزانا ههههههه
بووست تحفه .. خف طينه ما صارت
وسعت صدورنا أخوي عثماني .. الله يعطيك العافيه
:)
مساك الله بالخيسر اخوي عثماني بوستك إينن وموتني من الضحك لووووول
وصح كلامك في حريم يغثوون واااااي صج ج ما ينعطون ويه .. بس حرام عليك مطلع ام هلال شوية ترااحبها وما أرضى عليها
عفية المرة الياية طلعها خو مرة لأنها خالتي وما تستاهل تقول عنها جذي
هيهي
يعطيك العافية على البوست العجيب
3thmanyyyyyyyy.. iktib 3an naQeeeth il 3aza .. ili ohwa il Zawaj .. enna shkether il ahal allah khair yege6ooon flos ildenya 3ala 7afla bo 4 sa3at oo kelha 3ashan hal nas oo wajha o manthar lehom, shay efashel sara7a ;/
ako mathal yegoool (Ye3risooon athnaain o eyennoon alfain) lol fa hatha ili 7aassil .. ilsa3ada wil tawfeeej min rab il3alameen mu ib hal 7aflat ili 6ayreeen 3alaiaha:S
oooo bsss yallah m3a ilsalama:P
ماصار عزاااااااااا ما خلص
تكفوووووووووون بلوقر لا تعلقون
جووووووووود يمل و يحط بوست يديد
يالله عثماني ادري طحنت على قلبك بس بساااااااافر
و ابي بوووووووووووووست
حيا الله اخيتي الغالية ديللي و ميللي
مشكووووورة ديللي على الكلام الطيب في حقي
و عسى دوم مستانسة و تضحكين ان شاء الله
و تو ما نورت جبلة بزيارتج ...لا تقاطعين
حيا الله اخيتي الغالية سارة
الله لا يمسيج ولا يصبحج الا بالخير
و لا يهمج ... و لا اتكدرين ... عاد كلش و لا الخالة
:)
ترى حتى انا احب ام هلال .. بس الله يهديها على لقافتها
و البوست الياي ام هلال راح تكون الطيبة و الحبوبة .. و ام خزنة اهي محمود المليجي مال البوست
نورتي جبلة بمرورج ... لا تقاطعين
حيا الله اخيتي الغااالية
Very.Q8ya
و الله صدقتي باللي قلتيه
الناس ينت .. و مو عارفة شسوون بالفلوس
و السوالف اللي تصير بعرس الحريم ما تنقال.. تفشل
بس و لا يهمج ... تامرين امر... راح اكتب ان شاء الله عن هالسالفة
سلمتي على امج و ابوج ؟؟
:)
حيا الله اخيتي الغالية لوير
الله يهديج لوير أي سفرة هالحزة ؟؟
ما بقى شي على رمضان
و انا مستانس على التعليقات ... جود اطق ال 100 تعليق
:)
و ان شاء الله البوست الياي قريبا جدا
ترقبووووه
ناطر زيارتج القادمة...لوير
afa 3alaaaaik Salaaaamik waassil ya Bo-3atJaa :P walawwww, ilsalaam amaaNa..
eey wallah sidagt il awadem moo 3arfa shtsawey biflos'ha, ana agool khal ya36ooney hal cham Baiza ili mo 3ajbat'hom ooo ana ra7 asaweelohhum mashro3 illi yaM6erluhhhom thahab :p
yaaallah irzigna :p
yallah na6reeen postik il thanyyyyyy o yalla ma buga shy 3al 100comments 3al baraka LOL
اناااا
ال 100
حققت لك رغبتك اشتبي بعد :)
هلا و غلا
Very.Q8ya
الله يبارك فيج ... طقيت ال 100 تعليق :)
و الله يرزقنا وياج ... الناس ينوا و انا اخوج
و هذا شنو المشروع اللي عندج و يمطر ذهب؟... انا اشاركج ...بالنصيفة
:)
ان شاء الله البوست الياي قريبا جدا جدا .... ترقبوه
و لاتقاطعين
اخيتي الغالية وااااايد لوير
مشكووورة لتحقيقج رغبتي المتواضعة
:)
هذا ثاني بوست اكسر فيه حاجز المئة تعليق
لا لشئ .. فقط لاشعر بحبك .. و حب جميع من احاطوني بتعليقاتهم الدافئة
دمتي .. ودام جميع من علق .. احبائي
لولل مضحك للغاية، لكن شلون تعرف هالتفاصيل اللي تدور في مسجد الحريم و صالات العزا؟؟
سؤال: هل انت كثير التهكم و "الطنازة" بشكل عام؟؟
هالبوست فلم
بالله انت شدراك بعزا الحريم
انا نادرا اروح عزيات
لكن صج نص الاحداث موجوده
اما على سالفه صاحب السعاده
معقوله في ناس جذيه؟
هالبوست فلم
بالله انت شدراك بعزا الحريم
انا نادرا اروح عزيات
لكن صج نص الاحداث موجوده
اما على سالفه صاحب السعاده
معقوله في ناس جذيه؟
حيا الله اخيتي لورا
بالنسبة لسؤالك الاول ... فهناك مخبريني الخصوصيين اللاتي ينقلن لي ما يدور في الساحات النسائية
:)
اما السؤال الثاني ...فاجابتي : لا
قد اتهكم على وضع معين ...و اتناولة بقالب ساخر
و لكني امقت الطنازة ... و شتان بين الطنازة و تناول القضايا بشكل ساخر...و لا يخفى عليك قوالب الادب الساخر التي نتناولها بالقراءة بين حين و اخر
شكرا جزيلا لمرورك على مقالاتي و اشادتك بها
حيا الله اخيتي سنعة
اعتقد ان هناك بشر بهذه العقلية
هناك من يعشق البهرجة الكذابة و يموت فيها
و بالنسبة لموضوع اشدراني... فانا مطشر مصادري بين الحريم
:)
نورتي جبلة بمرورج
فهمت قصدك، هناك نوع من الأدب (نسيت مسماه) لا يقصد به الهجاء ولكن تسليط الضوء على قضية ما.عموما أنا أمقت الناس المتذمرة ومتشائمة دائما، وخصوصا هؤلاء المستخفين بالغير. و يا كثرهم بالكويت حتى أصبحت "الطنازة" جزء من العادات و التقاليد الكويتية.
أتحفنا بمزيد من إبداعاتك.
حيا الله لورا
والله و انا اشاركك هذا الكره لهؤلاء الناس... لديهم قناعة بانهم الكاملون ...رغم النواقص التي تعتريهم
سؤال ,,, اهذه مونيكا بولوتشي!!؟
yes, its Monica Bellucci, most men know her lol.
6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲
言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO
情趣用品,情色,成人,A片,自拍
情趣用品,色情,成人影片,色情影片,免費A片
情趣用品,成人網站,A片下載,日本AV,做愛
情趣用品,美女交友,A片,辣妹視訊,情色視訊
情趣用品,色情聊天室,聊天室,AV,成人電影
إرسال تعليق