سيداتي آنساتي سادتي مستمعي قناة جبلة إف أم .. نقدم لكم الآن برنامجكم الأسبوعي .. جناسي و أغاني
أخواتي و أخواني المستمعين ، انتقل ميكرفون البرنامج إلى الإدارة العامة للجنسية لنلتقي مع المواطنين الجدد ( بقراطيسهم ) ، الذين نالوا الجنسية الكويتية مؤخرا ً ، و نلتقي أولا ً مع المواطن .. إسمك لو سمحت ؟؟
عويعان طعيس جودان صادور شلاقة فلفل خشم دوشق غاطي عبعوب هنيهن مرش
و النعم .. أخوي شنو شعورك و انت رايح تستلم الجنسية !!؟
والله يا خويه .. آني كنت هوايه أريد أكون كويتي .. ما تتخيل شقد تعبت على مود أحصل هالجنسية
ليش !!؟ شسويت ؟؟ شنو الأعمال الجليلة اللي قدمتها للكويت !!؟
شقول شحجي .. آني لقـّحت نخل الشيخ فلان.. و كنت أصب قهوة في ديوانية الشيخ علان .. و كنت أظبّط قعدات للشيخ فلنتان
بس بس .. كافي يا خوي .. يعطيك العافية على هالخدمات الجليلة ، الله يجعلها بميزان حسناتك .. و بميزان إلـّي جنسك
و نلتقي أعزائي المستمعين مع المواطن .. اسمك بالخير !!؟
ثجيل قطنة محروت لوقان جربوع مثقال جاعد مبرد شخيب عزارة شفلح
اخوي ثجيل .. شنو تشتغل !!؟
عازف كاسور
يعني فنان !!؟
إي .. آني موسيقار .. بس هسة خلاص .. هو قابل كويتي دا يشتغل دمبكجي !! هسة عيني ناوي اشتغل تاجر اقامات .. على مود ندخل جم دينار ، ومنها أجيب الجماعة من البصرة .. خطية ، إن شاء الله اجيبهم و كلها جم سنة و ننطيهم الجنسية
طيب اخوي .. انت الله يهديك ليلحين السانك عَوي .. و إيدك كلها دقات !! ماكو كويتي جذيه !!؟
هسة إجت عليـّة !!؟ باوع لنواب مجلس الأمة .. بذمتك أكو كويتي اسمه " عوّاد برد " !!؟ قابل اكو كويتي اسمه " خضيـّر" !!؟
والله تبي الصج !!؟ معاك حق ..ما يت عليك انت ..انزين قول لي .. شنو أمنياتك و تطلعاتك لخدمة بلدك الكويت !!؟
شوف عيني .. آني من استلم الجنسية بوجهي على الإسكان .. على مود أقدم طلب بيت حكومة .. و بعدين أروح عبنك التسليف على مود آخذ جم دينار .. مو هسة آني كويتي .. والا ّ لا !!؟
كويتي ونص .. أفا عليك .. أخاف إيي يوم تصير انت الكويتي و آنا الكاولي
و نلتقي الآن بالسيدة المواطنة خاتون ايراج فرزند فرتاج سلاتين عاليوند
مفتاح لغة المواطنة خاتون
أ = ع
ت = ط
س = ص أو ث
هـ = ح
ز = ذ أو ض
مساج الله بالخير حجية !!؟
هلا هبيبي
مبروك الجنسية !!؟
الله يبارك في هياتك
شتقولين بهالمناسبة السعيدة !!؟
آنا يقول مشكور وايد هق شيخ سباه .. شيخ سباه هازا وايد زين ..آنا إن شا الله لما يروه هوسينية يدإي هق شيخ سباه .. الله يتوّل بأ ُمره
حجية خاتون .. شنو الأعمال الجليلة اللي قدمتيها للكويت !!؟
جليلة منو !!؟ آنا ما يأرف جليلة
أقصد انتي شنو سويتي للكويت علشان تاخذين الجنسية !!؟
شوف هبيبي .. آنا 20 سنة داخل كويت يسوي آجار .. يعني ترشي ( أي طرشي و مخلل لمن لا يجيد اللهجة العيمية ) و يبيع باستوك مال آجار 20 دينار .. يبي باستوك آجار هبيبي !!؟
لا مشكورة خاتون .. طيب شنو راح تسوين أول ما تستلمين الجنسية !!؟
أول شي .. آنا يبي يسوي مسنع مال ترشي .. و بأد انا يبي يتلـّع رخسة مال سالون هريمي .. منشان يسوي مسل سالون هنان دشتي .. و يسميه خاتون بيوتي سنتر ..بأدين آنا يبي يروه هق وزيرة مال داخلية منشان يسوي جنسية هق سديقتي
بعد !!؟ ومنو صديقتج !!؟
هازي فنانة كبيرة .. أمل أباس
والله ما طاح إلا ّ انبطح .. إذا انتي صرتي كويتية .. ما يت على أمل عباس
أخواتي و أخواني المستمعين ، انتقل ميكرفون البرنامج إلى الإدارة العامة للجنسية لنلتقي مع المواطنين الجدد ( بقراطيسهم ) ، الذين نالوا الجنسية الكويتية مؤخرا ً ، و نلتقي أولا ً مع المواطن .. إسمك لو سمحت ؟؟
عويعان طعيس جودان صادور شلاقة فلفل خشم دوشق غاطي عبعوب هنيهن مرش
و النعم .. أخوي شنو شعورك و انت رايح تستلم الجنسية !!؟
والله يا خويه .. آني كنت هوايه أريد أكون كويتي .. ما تتخيل شقد تعبت على مود أحصل هالجنسية
ليش !!؟ شسويت ؟؟ شنو الأعمال الجليلة اللي قدمتها للكويت !!؟
شقول شحجي .. آني لقـّحت نخل الشيخ فلان.. و كنت أصب قهوة في ديوانية الشيخ علان .. و كنت أظبّط قعدات للشيخ فلنتان
بس بس .. كافي يا خوي .. يعطيك العافية على هالخدمات الجليلة ، الله يجعلها بميزان حسناتك .. و بميزان إلـّي جنسك
و نلتقي أعزائي المستمعين مع المواطن .. اسمك بالخير !!؟
ثجيل قطنة محروت لوقان جربوع مثقال جاعد مبرد شخيب عزارة شفلح
اخوي ثجيل .. شنو تشتغل !!؟
عازف كاسور
يعني فنان !!؟
إي .. آني موسيقار .. بس هسة خلاص .. هو قابل كويتي دا يشتغل دمبكجي !! هسة عيني ناوي اشتغل تاجر اقامات .. على مود ندخل جم دينار ، ومنها أجيب الجماعة من البصرة .. خطية ، إن شاء الله اجيبهم و كلها جم سنة و ننطيهم الجنسية
طيب اخوي .. انت الله يهديك ليلحين السانك عَوي .. و إيدك كلها دقات !! ماكو كويتي جذيه !!؟
هسة إجت عليـّة !!؟ باوع لنواب مجلس الأمة .. بذمتك أكو كويتي اسمه " عوّاد برد " !!؟ قابل اكو كويتي اسمه " خضيـّر" !!؟
والله تبي الصج !!؟ معاك حق ..ما يت عليك انت ..انزين قول لي .. شنو أمنياتك و تطلعاتك لخدمة بلدك الكويت !!؟
شوف عيني .. آني من استلم الجنسية بوجهي على الإسكان .. على مود أقدم طلب بيت حكومة .. و بعدين أروح عبنك التسليف على مود آخذ جم دينار .. مو هسة آني كويتي .. والا ّ لا !!؟
كويتي ونص .. أفا عليك .. أخاف إيي يوم تصير انت الكويتي و آنا الكاولي
و نلتقي الآن بالسيدة المواطنة خاتون ايراج فرزند فرتاج سلاتين عاليوند
مفتاح لغة المواطنة خاتون
أ = ع
ت = ط
س = ص أو ث
هـ = ح
ز = ذ أو ض
مساج الله بالخير حجية !!؟
هلا هبيبي
مبروك الجنسية !!؟
الله يبارك في هياتك
شتقولين بهالمناسبة السعيدة !!؟
آنا يقول مشكور وايد هق شيخ سباه .. شيخ سباه هازا وايد زين ..آنا إن شا الله لما يروه هوسينية يدإي هق شيخ سباه .. الله يتوّل بأ ُمره
حجية خاتون .. شنو الأعمال الجليلة اللي قدمتيها للكويت !!؟
جليلة منو !!؟ آنا ما يأرف جليلة
أقصد انتي شنو سويتي للكويت علشان تاخذين الجنسية !!؟
شوف هبيبي .. آنا 20 سنة داخل كويت يسوي آجار .. يعني ترشي ( أي طرشي و مخلل لمن لا يجيد اللهجة العيمية ) و يبيع باستوك مال آجار 20 دينار .. يبي باستوك آجار هبيبي !!؟
لا مشكورة خاتون .. طيب شنو راح تسوين أول ما تستلمين الجنسية !!؟
أول شي .. آنا يبي يسوي مسنع مال ترشي .. و بأد انا يبي يتلـّع رخسة مال سالون هريمي .. منشان يسوي مسل سالون هنان دشتي .. و يسميه خاتون بيوتي سنتر ..بأدين آنا يبي يروه هق وزيرة مال داخلية منشان يسوي جنسية هق سديقتي
بعد !!؟ ومنو صديقتج !!؟
هازي فنانة كبيرة .. أمل أباس
والله ما طاح إلا ّ انبطح .. إذا انتي صرتي كويتية .. ما يت على أمل عباس
أعزائي .. بعد هذه الحوارات الشيقة مع الكويتيين الجدد ، نختم حلقة اليوم بأغنية " خدري الجاي خدرية " و نهديها لشعب الكويت
و بعد مرور 20 عاما .. تم تحويل شارع العم يوسف الفليج الى شارع عويعان مرش نظرا ً لخدماته الجليلة التي قدمها للوطن ، و تم تعيين السيد سيحان ابن ثجيل وزيرا ً للمالية ، و تم افتتاح خاتون مول لصاحبته سيدة الاعمال خاتون ايراج
الخاتمة : جميع الأسماء الواردة بهذه المقالة نقلت حرفيا ً من سجلات المجنسين الجدد... ولا عزاء لأهل الكويت
158 التعليقات:
شر البليه ما يضحك !
قواك الله جبله , عالجرح والله ..
اقسم بالله
اقسم بالله
اقسم بالله
اني اصادف يوميا ناس جذي..دقات بالويه مالها اول ولاتالي والاسامي خاتون وجبار واسامي ما انزل الله بها من سلطان والكلام عراقي او ايراني قححححححححححح ومع ذلك الجنسيه كويتيه اصليه وعيالها تشوفهم وتشوف سكبتهم ماتصدق ان هذي امهم كويتيين حالهم من حالنا
خلها على الله لا اييك واحد الحين مايفهم الزبده والمقصد من الموضوع ويقول عنا عنصريين
ما اقول الا يصبر قلوبنا
ويعين عيالنا على زمنهم
ولا حول ولا قوة الا بالله
زادت الغثه مليون مرة......!!!!!ء
معقول ما يحبون الكويت والا يشفون شيئ حنا ما نشوفه.....؟؟؟؟؟؟؟؟؟؟؟؟؟؟؟؟
اه اه اه اه عليج يالكويت
هذا بس اللى اقوله
واى مادرى عيالنا اش بيصير فيهم عقب 20 سنه من الحين
ودى ابكى
لا الحين بطقها بجوة
صج صج
شر البلية مايضحك
تسلم إيدك يالعثماني
على هالبوست اللى مصوّر الواقع 100%
كل اللى حصل على الجنسية يستحقها
وعنده ثبوتيات تأهله للحصول على هالجنسية
لكن يوم نطالع هالأسباب اللى خلت البعض ياخذها وحط تحتها مليون خط
ينبط الجبد مليون مره !!
بس بصراحة
صياغتك للبوست عجييييييييبة
يعطيك العافية :>
eeeeeee ya 3ethmaany yebt'ha 3la aljar7 w jenek madareet :S
tra al'lahja b3d gamat at'9ee3 mena bseebat aljeel alydeed elle ieste7y ietkalam 3araby o daiman 3aween alsanhom bl English i3ne ma7ad i3areef ietkalam kether'hom :(
walla shoof 3eeny o sam3 2ethny: te5aial in al avenues shabab labseen deshdasha o '3etra w 3gal ma b'3eena nshoof'hom labseen alzaay alwa6ny maleena mn alashkaal al'3ala6, almohem gelt a5eeran ma b'3eena nshoof'hom q8eyeen 7aa2 o 7a2ee2y ;P ag3adaw iamna bl ma63am walla al3a'6eem wa7ed fehom wla wla wla kelma ga6ha bl 3araby @@ te5aial 6ool alwagt yetkalam english wanna mo m9adga laa mn 9eeja ... anzain al7een i'3alee6 o ietkalam law isaleem baas bl 3araby makoo kelesh .. bas wa7eed mn alshabab tekalam o gaal shay bl q8y gelt al7emdella al7emdella ma ba'3aw :S
walla shaay i7eer alwa7eed al'lahja alq8eya '9ai3a o kalematna al7elwa ga3da tendetheer :(
a6aleeb bestejwaab wazeerat altarbeeya .. laish ma tsaweey maadaah ma59oo9a adarees feha alshabaab o alshabaat alkaleemat alq8eya alqadeema + alamthaal ;) b3d alnowab iaboon alshara 3leeha hatha 5oosh me7war lehom :P
asfa 3la al2e6ala w al6owala :)
خوووووش كويتيين
يا سلااااااااام عليهم
يعطيك العافيه على البوست القوي .. والمقابلات الأقوى
عثماني انا كويتي قح. مطموق. فتحمل كلامي ولا تفسره تفسير غلط!
شالفرق بين الى جنسوهم من قبل من بدو وعيم ولائهم للسعودية وايران والى جنسوهم الحين؟
تدري ان في مؤسسات "كويتية" حكومية يديرها "كويتيين" وفقط لانك عيمي يمشي شغلك واذا انت اصيل انسى تمشيلك ورقة؟
انا اقول نطلع الاولي والتالي مو حاطين دوبكم دوب 500 واحد توهم مجنسينهم ونسيتوا الالالاف ...
والى يقهر زود عثماني ان "كويتيين" من الى ولائهم لايران والسعودية قامو ينتقدون التجنسي الى صاير حاليا!! انا اقول الله لايسامح الى خلاكم اوادم ولاانتو حدكم (...)
الحين يوم انك سويت مقابله معاهم جان ساحبهم وزانطهم عن حرتي فيهم؟
اخخ عليج ياديرتي بعد ماكنا اصيليين وعيال ناس ينذكرون ..دشوو علينا فلان وعلان مو عارفين حتى نقرا اساميهم
مانقدر نسوي شي ياخوي :(
عثماني
سنرمى بالعنصرية و الإتهامات الباطلة لكن مو مشكلة و لا مهم .. كلمة الحق ما ينزعل منها
أبدعت في كتابتك .. و مقابلاتك
الله يستر من كشف ال 2000 و الأسماء الي فيه
مرة ثانية يا عثماني انت تامر :)
السلام عليكم
ذكرتني بسالفة صارت معاي بأيام التجنيد , كان فيه رقيب بدون وهالرقيب ريال كبير , المهم كان يتكلم عن الكويت وامعصب انه ليلحين بدون و طبعا الدقات من حنجه ( تحت براطمه ) لي ايده , وكان يقول هاي خطية ليييييش ما يعطونااا الجنسيية , موحرام !!!
ملاحظة : كلامي هذا مو على كل البدون اللي خدموا الجيش والبلد ولكن على بعض النوعيات الموجودة واللي تبي شيء مو لها
صدق من قال : اذا اوسد الامر الى غير اهله يا خوي عثماني
لك مني كل تحية
مساك الله بالخير اخوي عثماني
اول شي انا شرهانه
على شغلتين
الاولى انك وايد تغط عنا ليش؟؟
ثاني شي الحين انت تقابل هالانتيكات ما تناديني اصور معاهم
:(
هذولي باجر بتلقاااهم على الكراسي فوق
مو و انا اخيتك العصاعص قامت و الروس نامت
حسبي الله و نعمه الوكيل
و تعال بقول لك انت مو خايف على عمرك؟؟
هذولي الحين كويتيين حالهم حالك
مبرووك
P:
يرفعون عليك قضيه تشهير و ما ادري شنو
:(
جني بزهب العيش و الحلاوه عشان لما نزورك
:(
ههههههههههههه
ههههههههههههههههههه
مصخره الوضع ااااخ بس ااااخ
شر البلية ما يضحك
مبروك على الحلويين الجنسيه
وعماار يا كوييت
:(
تسلم على هالبوست المضحك المبكى الى يعور القلب
تصبح على الف خير يا عثمانى :)
البنت : يمه يمه اليوم وحدة معاي تقولي باوعي.. يعني شنو ؟
الام : اييي... خليها على الله
مشهد من المستقبل
!
عثماني شرحت الواقع
شي مؤلم
المشكلة لو نرجع للولاء .. الله يستر
وبعض، بعض من يستحقها لم تحق له بعد!
وبعض من استحقها اخذها ، مبروك عليه
أثناء قراءة الحوارات ،، أجمل شي تغيير قوة الصوت مع اللكنة ،، يضبط الدور
:)
حيا الله اخيتي الغالية ريم
الله يقويج
عالجرح ... بس الجروح زادت يا اخيتي
حافظج الرحمن
والله و انا اقرى عبالي اتطنز على الاسامي ..
بس الملاحظه اصدمتني رديت اقر الاسامي مره ثانيه .. ماكو شي راكب على شي.. قرقيعان
بس شنقول .. صبرا جميل و الله المستعان ..
حيا الله اخوي عرزالة
الله يعينك على شغلك
مو علشان شي هالدعوة ... بس فعلا احس بالمرارة اللي تحس فيها
يا خوي اللي وده يتهمنا بالعنصرية ..كيفة
اذا حتى راينا يبون يصادرونة ...مشكلة
سعيد بمرورك و لا تقاطع
حيا الله اخيتي بنت الشامية
هذول يبون يمحون الكويت يا اخيتي
ما اقصد اللي خذوا الجنسية
اقصد اللي منح الجنسية
ساعات اشك بان عيالنا راح يكون لهم بلد اصلا يعيشون فيها
و آآآآآآآآآآآآآآآه يا كويت
حيا الله اخيتي براقش
ابكي
انا اضحك .. بس بعد ما اضحك ... الدمعة تفر من عيني
عيالنا بانتظارهم زمن اسود
الله يستر
لوووووووول استغفر الله يعني صج شر البليه ما يضحك
لا لا بس خاتون و الحسينيه لووووول بدعت فيهاا الصراحه
بس امبي يعني هذيل باجر عيالهم نا بدرسهم
واااااااااااااي لا ماقدر مستحيييل لوول انا اقول ليش اهم ما ياخذون اشغالنا و انا بحول فراشه مدرسه اهون الصراحه
اذا باجر خاتون و ثجيل بحاججوني على الدرجات و يزفوني صج اتازم لوول
كفايه اليوم ساندرا الي الله يسامح الكويتي مالقه غير انه ياخذ خدامته و يتزوجها يايه تزفني و لا بالكويتي بعد حلايه الويه
تقولي انا يقولج انتا ليش بنتي يحطلها درجات جيد اهي متعوده تاخذ امتيازات
لذكرت داود حسين والله لوووول
:/
tara 9ij te2aazamt lol
salamz dear....
حيا الله اخيتي نجمة
يضحك .. بس فعلا بعد ما نضحك
نموت من البكي
الله يستر على هالبلد
حيا الله اخيتي الدنيا
الله يسلمج اخيتي
انا فعلا ودي افهم ...شنو معيار التجنيس؟؟
من حقي اعرف
مشكورة الدنيا على كلماتج الحلوة
و لا تقاطعين
حيا الله اخيتي الغالية كويتية
مثل ما قلتي اخيتي
هويتنا شوي شوي قاعدة تروح
لابد من وقفة
او حتى ثورة وطنية اخلاقية لاستعادة هويتنا
سعيد لمرورك كويتية
حيا الله اخوي كويتي بلوقر
الله يعافيك يا خوي
وبيني و بينك نص البوست ما نشرته خوفا من الرقابة
:)
حياك الله
و لا تقاطع
حيا الله اخوي كويتي قح
افا عليك اتحمل كلامك و كلامك كلة عدل
اللي بقلبك انا فاهمة و مقدر حرتك على الديرة
اصابع ايدك مو سوى ... تلقى ناس اصلهم من غير الكويت
بس تلقاهم اجدادهم عاشوا على هالارض و صار ولاؤهم لها
و هذول محل ترحيب و تقدير
بس نرجع للسلطة
السلطة و باسلوب خسيس لضرب القوى الوطنية و التي كانت بكاملها من العوائل الكويتية الاصيلة
في منتصف القرن الفائت جنست المتردية و النطيحة اللتي تكلمت عنهم في تعليقك الكريم
اللي حاليا عيالهم يحتلون المناصب و الوزارات و صارت حكر عليهم
سعيد بمرورك يا خوي
و لا تقاطع
حيا الله اخيتي الغالية سيليزية
فعلا يا اخيتي ..ما نقدر نسوي شي
كل شي ضاع ..حتى الاصل بيضيع
هذول ما عليهم شرهة سيليزية
الشرهه على من جنسهم
حافظج الرحمن اخيتي
حيا الله اخوي العزيز بوصالح
ما يامر عليك عدو بو صالح
عنصرية ...عنصرية ...كيفهم
الواحد يحكم ضميرة قبل لا يكتب
ولله الحمد احنا ضميرنا مرتاح و ما تجنينا على احد
و كيفهم خل يقولون اللي يبونة
و صدقني ..كل كشف راح يكون العن من اللي قبلة
حافظك الله بو صالح
حيا الله اخوي someone - q8
و عليكم السلام و رحمة الله و بركاتة
اشهد انك اصبت كد الحقيقة
اذا اوسد الامر الى غير اهلة
وهو كذلك
الامر و الحكم و الحل و الربط اوسد لغير اهله
و هذه النتيجة
ترى احتمال ان هالرقيب اللي تكلمت عنة ينزل اسمة في كشف الالفين القادم
:)
حافظك الرحمن يا خوي
حيا الله اخيتي الغالية داركنس
الله يمسيج و يصبحج بكل خير
الله يهديج داركنس ..شتبين فيهم تصورين وياهم !!؟
أي والله ..هذول اللي بصيرون واجهة الكويت بعد جم سنة
لا لا ..لا تخافين علي
عندنا واسطة ... الاهوازي اللي يجابل النخل في بيتنا اخليه يتفاهم وياهم
انا ما ودي اغط .. بس هم ما احب اثقل عليكم وايد
اتغلى عليكم
:)
حافظج الرحمن
حيا الله اخيتي الغالية كاريزما
أي والله مسخرة
والله يستر على هالبلد
الله يسلمج .. و ترى ناطرين البوست اليديد
حافظج الرحمن
حيا الله اخيتي الغالية قصة خيال
ليش لا ؟؟؟
ترى وارد هالحوار ..صدقيني
لا اعلم لماذا انا مستبعد جزئية الولاء لدى من نال الجنسية
جميل تفاعلج مع الحوارات
:)
سعيد لمرورك
حيا الله اخيتي الغالية الخيلاء
لا و الله ما اتطنز
قريت كل الاسامي الواردة في كشف التجنيس
و لقطت منها هالاسامي
والله المستعان حقا
:)
سعيد لمرورك
حيا الله اخيتي الغالية خروفة
عيل شلون !!؟
اكيد بتدرسينهم
و تييج خاتون و عويعان و ثجيل و يتفلسفون على راسج
بعد كويتيين حالهم حالنا
بس بذمتج .. شنو قلتي حق ساندرا ؟؟
:)
حافظج الرحمن خروفة
خووش لقاء .. :)
الله يستر على الكويت .. كل يوم وإحنا من أردى لأردى ..
وهممم الله يستر من التجنيس القادم
اليمينه يزعلون الحين
اليمني مال قلوبل يزعل ليش ما سويت لقاء معاه ؟
واليمني الي يشتغل عند ناصر المحمد يزعل شنو عبالك كهربجي شويه ؟
واليمني سايق االبصيري يزعل واخوانه اثنين يزعلون وياه ليش ما طريتهم ؟
بس تبي الصج .. للأسف هذا الواقع
للأسف الجنسيه صارت رخيصه
عند الكبير قبل الصغير
لما يتوسط خضير وعواد وصعفق ومطوطح عشان الجناسي ما ينلامون
شيوخنا عطوهم مجال
جود احمد المليفي يسويها ويبط الجربه
ان شاء الله
سالفة عواد وخضير حلوة
بس القويه
خاتون بيوتي سنتر (:
ولما تقولك تبي باستوك ترشي؟
يا عثماني العزيز بوست جدا رائع وبه من الغيرة على الديرة الشيء الكثير
نحن ليس عنصريين ولكن يجب أن يكون للجنسية والتجنيس ضوابط مدروسة وحدود معقولة .
و الأنكي يا عزيزي زيجات بعض الاخوان الرجال مع احترامي لهم وللانسان من آسيويات وبالتالي تعال شوف أشكال ابناءهم العيون المنحرفة والبشرة الصفراء وغيرهامن أشكال لا تمت للشعب الكويتي بأي صلة ( جاكليت يعني ) جيل جديد كويتي/ آسيوي
ويحمل الجنسية الكويتية ... والزوجة الآسيوية حالها حال بنات الكويت تحمل الجنسية الكويتية... يفرقهما شكل العيون والسحنة و الطلة .
وهذه الزيجات مع الأسف زادت و أصبحت ظاهرة تعور القلب
و ما نقدر نقول إلا الله يحفظ الكويت من كل مكروه .. قول آمين .
ماتوقعت التنويه
معقوله الاسامي صجيه؟
المشكله انتو ماشفتو اللي شفته
انا كنت بمدرسه خاصه
شي فلسطيني
على شي لبناني
على شي يمني
وعلى شي اردني
باول يوم
بكشف الاسامي
نتفاجأ بالاسم
وتزيد الفجأه لما يقولون كويتيه
او كويتي
غيض من فيض يبا
ماشفتو شي
اني وي
ان شاء الله
بهالجناسي
يسوون اللي ماسووه الكويتيين الصج
ماتدرون
اي خير
وبعدين الفساد موجود بالكويت
مو واقفه على هذيل
وهذيل مانحط بذمتنا جايز اكثر من نصهم يشتغلون للديره بضمير وحب اكبر من 5 الاف كويتي باقو واختلسو وخانو الامانه
الجرايم مالها جنسيه
لكن جايز الدافع لهالجرايم يكون جنسيه
الله يهنيهم بجنايسهم
والزمن يتغير ماكو شي يثبت
الله يعيننا ويعاوننا
ما اقول الا الله يحفظ الكويت
ما ادري شنو بنوصل له
الله يستر بستره
شر البلية ما يضحك
آه يا كويت
عمار و الله عمار
و على قولت أخوانا اللبنانين "رزق الله على أيام زمان"
شي مضحك و مبكي بنفس الوقت...
"كلنا اهل قرية و كلن يعرف أخيه" هذا المثل راح يضيع بالزمن الي نعيشه
قهر و الله قهر
حيا الله اخيتي حياتي هدف
أي و الله ..الله يستر عليها
كل مالنا بالنازل
الله الحافظ
حيا الله اخوي بوحامد
عاد كل شي ولا اخوانا المهارة
بو يمن صاروا كويتيين ...حق السمرات والوناسة
:(
والله ان شاء الله المليفي يطلع بيدة شي ... بس اذا الجماعة مشتهيين شي يسونه .. مو رادهم المجلس
مو بس الجنسية يا خوي اللي صارت رخيصة
البلد كلها صارت رخيصة
حافظك الله يا خوي
حيا الله اخوي يعقووبوو
لازم نظبط الاكسنت يا خوي
:)
الله يحفظ هالبلد
حافظك الله يا خوي
حيا الله اخيتي برنسيس ايكاروس
عزيزتي برنسيس ... آآآآآآمين
ما تفضلت به وضع اليد على الجرح
نعم هويتنا تتلاشى شيئا فشيئا
قد تطابقت وجهة نظري مع وجهة نظرك في جزئية الزواج من الاجانب
حيث قد كتبت حول هذة القضية و لكن لم انشر ما كتبت حتى الان
دائما برنسيس تحميلين الرقي بتعليقاتك
حفظك الله
حيا الله اخيتي الغالية سنعة
أي والله كل الاسامي صجية
صرنا قرقيعان يا اخيتي
معاج حق ان الفساد موجود بالكويت
بس ما يوصل الى هالدرجة
ان نجنس المتردية و النطيحة
هذول شراح يضيفون للبلد؟؟
صدقيني سنعة هذول عالة على البلد ... لا ولاء ..و لا فايدة
حافظج الله
حيا الله اخيتي مملوحة كويتية
آآآآآمين
ما لنا الا الدعاء
حافظج الله اخيتي
حيا الله اخوي eng-q8
أي والله شر البلية ما يضحك
:)
الحافظ الله ياخوي
و لا تقاطع
حيا الله اخيتي دندش
أي و الله عماااااار يا كويت
خلاص يا اخيتي ..اختلطت الحين
صرنا قرقيعان
وعلى وقت عيالنا ..الديرة بدون هوية
الحافظ الله
والله ما قتلها سويت نفسي ما افهم اهي شنو تقول و اقولها شنو
ها؟ مافهمت مره ثانيه؟
لا شنو اخر كلمه?
لووووووول لمه عصبت و مشت
P;
شرايك فيني خوش ابله؟
salamz dear....
امبيه صج عاد
لا مستحيل
صج عاد هذي الاسامي
ماعرف اقراهم اصلا
لوووووووووووووووووووووووول
لالا مايضحك يبجي
مادري اضحك مادري ابجي
أنا شكلي بشك فيك ! جدت اللهجة العراقية! أتغشمر
بس وايد زين في الوقت الحالي إنتعلم هاللهجة لأن قريبا راح تسمى باللهجة الكويتية !!
حسبي الله و ننعم الزكيل فيهم و باللي عطاهم الجنسية .... بعد جم سنة ماكة كويتين ماكو هوية
آخ عليج ياديرة هلي
الله يستر بس من الياي
hehehe
قهرى زاد
مادرى شالله محدينى ارجع اقرأ
و احتر
أناباحفظ عيالي " خدري الشاي خدريه "
اخاف تصير النشيد الوطني جود اهم حافظينه و عارفينه
هلا و غلا بخروفة
عدل شغلج
الاستعباط يفيد و انا اخوج
:)
حافظج الرحمن
حيا الله اخيتي الحساوية
وينج مختفية من زمان ؟؟؟
أي والله صج
لا ..ضحكي و انا اخوج .. شر البلية ما يضحك
حافظج الرحمن
حيا الله اخوي حمودي
لا يا خوي ...اضحك
اذا بنبجي ..راح نبجي على شغلات وايد
الديرة متروسة شغلات تبجي
:(
حافظك الله يا خوي
حيا الله اخيتي شهد
الله يهديج شهد .. عاشرناهم 7 اشهر
شلون ما نعرف كلامهم !!؟
و مثل ما قلتي .. تفيد اللغة عقب التجنيس
حافظج الرحمن اخيتي
حيا الله اخيتي سدرة العشاق
أي و الله .....الله يستر
قوائم تجنيس الالفين ياية
ولا عزاء لهوية الكويت
حافج الرحمن اخيتي
حيا الله اخيتي شذر
عسى دوم هالضحكة
فشر البلية ما يضحك
حيا الله اخيتي براقش
اقولج شللي محديج
حبج لهالديرة ... هو اللي يعور قلبج
حافظج الرحمن اخيتي
و سلامتج من الحرة
عسى الحرة في قلوب اللي دمروا الديرة
حيا الله اخوي متفائل
أي و الله .. و حفظهم بعد اغنية " خاله يا ام علي ..يا ام علي خالة "
و اغنية " الا يا طير يا الاخضر "
و شكلنا بنحفظهم وايد اغاني اذا هالتجنيس شغال
حافظك الله يا خوي
مـن راح المقبور صدام حسين ، والكويت مفتوحـه للعراقيين !
الحين اللجنه مالت الـبدون لهدرجه مايفهمووون !
مع احترامي من تقرا اسمه تعرف هذا من ويين ! والبعض حجيه عراقي غلج
هذا ويين والجنسيه ويين !!!
ولا الايرانيه ! عربي مكسر
ولا بو يمن وبوهناد وغيره !
اذا على جذيه بعد 10 سنييين تركيبتنا السكانيه بتغيير 180 درجه
وحتى لهجتنا شكله بتندثر ! :(
الله كريم
مختفيه لاسباب قهريه
الناس يجنسون اللي تستفيد منهم ديرتهم
واحنا نجنس عوير وزوير والمنتف اللي ما فيه خير
حيا الله اخوي كويتي اصيل
اشهد ان كل كلمة تفضلت فيها بتعليقك صحيحة
احساسي ان هالعملية متعمدة
مجرد احساس
والا ماكو احد بهالغباء اللي يمارسونة الجماعة
حافظك الله اخوي
حيا الله اخيتي الحساوية
عسى هالاسباب تزول
و تردين لنا سالمة غانمة
قولي امين
:)
حيا الله اخوي نهاش فتى الجبل
عدل كلامك و الله
الديرة ناقصة يعني هالنماين ؟؟
اللي فيها كافيها
ديرة بطيييييخ
حافظك الله يا خوي
fi3lan i'7tala6 il7abil bilnabil,
tithakart wallah mosalsal 7yat ilfahad lama 6alla3t ilkowawlah ili yaskinoon bil3asheesh
akeed hathela ba3ad 3a6ohom janasi
allah yastir min ili jay
الله يا عثماني
عثماني ضاع الحجي البوست يبجي
اااااااااااااااااالله
باجر بعد عشرين سنه عيالنا ييون يقولون لنا
المرة اللوخ بدل المره الثانية
انطيني بدل عطيني
ويختمونها بموال
إيه إلا يابا يابا يابا
ويايما انطيني الدربيل انظر حبي واشوفه
منو وزير أشغالكم منو وصوه يا عثماني
يكثر البواليع عزكم الله عشان يوم مثل هذا ادفن عيالي هناك وإلا الحجي بصراوي
عليك الله يعني هذول خلاص ينتمون للكويت
حسافه
واشمالج يا بعد الروح مكدره
واترك الموقد وعوف السنقنه
يا رب رحمتك الديرة ما تستاهل جذي
Very nicely said.. well done.. those new kuwaities are ... well i can't really talk about them cause i don't know them for real, but i dont agree with this new move by the government.
I didn't like what u said about 3awad and the another one.
Good job.
هههههههههههههههههههههههههههههههه
حسبي الله على ابليسك......في احد قالك انك مبدع!!
احلف انك ماخذ الاسامي من سجلات التجنييس......اذا صج اساميهم جذي لا بالله هذي الكويت صل على النبي!!
مساالورد والجوري
اخوي الغالي
والله اني ماجذبت لين سميتك الفلته
@@@
وانت احلا فلته
والله انك فطستني من الضحك
هذا اليوم
وبكره الله المستعان علي البلوه هذي
دمت يااخوي
الغالي
:)))))
عثماني
احنا مو معارضين علي اللي خذوا الجنسيه اذا كانو يستحقون وعندهم الاحصاء وعندهم اقارب كويتيين من الدرجه الاولي ومستوفين باقي شروط التجنيس لكن اللي يقهر واللي يبط الجبد وييييييييييييب الضغط ويرفع السكر صدمتنا بويمن والبنجرجي والباجي
ايه والله صرنا قرقيعان
ومثل ما تقول مديم الحافظ الله
لووووووووووووووووووووووووول
انا سافرت اسبوع ورجعت امس
اثاريك منزل بوووووووووووست من وراي
كنت ناويه امر اسلم
قصدي
مالي شغل بالسوووق مريييت اشووووفك
على مود الاغاني اليوم عراقيه
لوووووووووووووول
واي عثماني على كثر ما ضحكت بس والله والله مع الضحك على الحوارات قلبي يعورني
لانه هذا الصج
انته اللي كتبته مو تنكيييت هذا الصج للاسف
اي اي باجر بياكلونه الكواوله
وصااااج
اوووول ما يفكرون يفكرون اشلون يشفطوووووون
وفوق هذا يدخلون التجارة وينافسون ولد البلد وباجر يصكون عليه بعد
اااااااااااااه
اما خاتوووووون يبتها يييييب
هاهاهاهاهاها
سباه
لوووووووووووول
اتصدق مره من المرات
قعدت مع وحده تقلب الريال مره والمره ريال
ومع هذا كوييييييييتيه
:(
بوووووووووووووستك مضحك مبكي
بس نسسسسسسسسسسيت شيء عثماني
من الخطط المستقبليه اللي كل واحد ذكرها
نسيت تحط يشتغلون جواسيس علينا بالمستقبل
حق ديرهم الاصليه
والا نسينا مبيريجووو الكلب
وزينبو خضير
؟؟
well done Othmani
:)
اقول اخوي متى بتشرفنا
عشان افرشلك مطار كندا بزوليه حمراااااا
:)))
حيا الله اخيتي سالفة عجيبة
أي والله... الله يستر من اللي ياي
و شكل اللي ياي اردى من اللي فات
حافظج الله اخيتي
حيا الله اخيتي هذيان
مثل ما قلتي ... لازم نعلم عيالنا شلون يتعايشون مع مواطني المستقبل
:)
لعبوا بحسبة الديرة حسبي الله عليهم
حافظج الله هذيان
حيا الله اخيتي لورا
مع تقديري لانسانية المجنسين الجدد
لكن اعتراضي مو عليهم ..اعتراضي على الاسلوب السخيف اللي استخدمته السلطة في التجنيس
نبي نعرف ..على أي اساس تمنح الجنسية ...؟؟
وبالنسبة لعواد برد و خضير العنزي و خالد العدوة .. و غيرهم
فرايي واضح فيهم .. مافي ديرة في العالم تسمح لشخص تم تجنيسة قبل سنوات قليلة ان يمثل الامة و يشرع القوانين
و الجماعة اللي ذكرتهم تم تجنيسهم قبل فترة قصيرة .. بالسبعينات على ما اظن
وليس القصد اختي العزيزة الانتقاص من انسابهم
حافظج الله اخيتي
حيا الله اخوي بو سعد
والله العظيم اني ماخذ كل اسم من سجلات التجنيس .. كل اللي سويتة اني ركبت اسم على اسم
:)
عسى دوم هالضحكة يا خوي
والله يستر على الديرة يا خوي
حافظك الله و لا تقاطع
حيا الله اخيتي الغالية فراولة
يازينج فراولة .. و يا زين مرورج ... و يازين كلامج العذب
شر البلية ما يضحك
بس فعلا ..الخوف من باجر
حافظج الله يا الغالية
حيا الله اخيتي الغالية هدب
و انا معاج ... ابدا ما اعارض اللي يستحقون الجنسية
بس هاللي طلعت اساميهم بالكشف... شنو اعمالهم الجليلة ؟؟؟
و ارد و اقول ..الحافظ الله
نورتي جبلة بمرورج .. ولا تقاطعين
يا هلا و غلا باخيتي فانكوفر
انا اقول !!.. شسالفتها البنت .. ما مرت علي من زمان ؟؟
شكلج طايحة له ..طا طاو ... اغاني عراقية
:)
أي ما تنلامين ... صارت من تراثنا الكويتي الحين
بس عاد ما اوصيج ... اليهال لا تعلمونهم انجليزي ..ترى ما يفيد
هالله هالله بلغة الهجع .. أي اللهجة العراقية .. لهجتنا مستقبلا
و لا والله ما نسينا مبيريج .. و زينبو .. بس هذول اصلا جناسيهم عراقية
فما بالج اذا جواسيسنا جنسيتهم كويتية !!؟
ان شاء الله بييكم .. بس زهبوا لي مرة كندية ... ابي اتزوج
عاد هالله هالله بالمرة السنعة .. اللي تخاف ربها
مع ان ما اظن عندهم وحدة تخاف ربها
:)
حافظج الله اخيتي ... و سلامي لابو العيال
أخوي عثماني أغلب الكويتيين احصلوا على جناسيهم في ذيك الفترة، الأشخاص اللي ذكرتهم من آصلها،عوا و خضير عنوز وخالد عجمي، آل صباح اللي هم شيوخنا من عنزة. لو ترجع تشوف أغلبية شهداء الكويت من الأصول هذي. و نعم فيهم و فيك.
هسة إجت عليـّة !!؟ باوع لنواب مجلس الأمة .. بذمتك أكو كويتي اسمه " عوّاد برد " !!؟ قابل اكو كويتي اسمه " خضيـّر" !!؟
LOOOOOOOOOOOOOOOOOOOOOOOOOOOOOOOOL!
Jeeblaaa yaa Jeblaaaaaaaaaaaa MISS U
صح لسانك والله بردت جبدي الله يبرد جبدك قوووول امين!
الللللله يخلييييييك اكتبها اب جريده .. أبي اللي ما يستحون على ويهم اللي خبري خبرك .. أبييييييهم يفهمون ان احنا مو راضين على الوضع المخزي.. أمبييييييييييييييييه شنوووو يعنييييييييييي عبدالناصر درويش كويتي؟!؟!؟!؟! وااااااااااااااااااي قهر!!!!!
حيا الله اخيتي الغالية لورا
الله ينعم بحالج و حال الجميع
اخيتي لورا ... الجنسية الكويتية ظهرت في حقبة الخمسينات
و كانت عبارة عن ورقة تصدر من المعتمد البريطاني في الكويت
والكويتيين المقيمين في الكويت في ذلك الوقت لا خلاف على احقيتهم بنيل الجنسية
و لكن من تم تجنيسة بالسبعينات و الثمانينات فالوضع مختلف للغاية
و المعيار الذي تفضلتي بذكرة كون من ذكرتيهم ابناء قبائل بما فيهم ال الصباح فيجب تجنيسهم معيار اختلف معك به
فلو كان هذا المعيار لصار من حق عجمان و عنوز ورشايدة و شمر و غيرهم من سكان سوريا و العراق و السعودية و السودان و ليبيا و الاردن نيل الجنسية الكويتية
و هذا امر غير صحيح
فابناء القبائل منتشرين على رقعة واسعة من الوطن العربي
و الشهادة اخيتي العزيزة لورا لا تعرف اصل
فالرحمة لجميع شهداء الكويت حضر و بدو و شيعة و سنة
صدقيني اخيتي اني سعيد بالتحاور معك
حفظك الله
حيا الله اخيتي الغالية فيري كويتية
ما يخلوني يا اخيتي
انا مغضوب علي في الصحافة الكويتية
مسموح لي اكتب برة الكويت
وبيني و بينج ..ما احب اطب في ديرتي برة
:)
صدقيني ..يدرون ان مو عاجبنا الوضع .. و هذا اللي يبونة
بالنهاية .. سلامتج من القهر
و تحياتي للاهل
ولا تقاطعين
أنا أسعد يا خوي، ولكن أنا أبدا ما قصدت ان تمنح الجنسية بناءا على الأصول، وماأتصور انك تظن إن تفكيري يوصل لهالمستوى، أنا علقت على كلامك ان أسامي هالأشخاص المحترمين لا تخولهم لهم ان يمثلوا فئة من شعب الكويت، ماذا تعرف عنهم شخصيا؟ هل تعرف أن الأخ الفاضل خالد العدوة قاد مقاومة أثناء الغزو؟ عموما أن ذكرت الأنساب فقط للرد على ما كتبته أنت أخي العزيز. بالنسبة للشهداء لا نختلف على أن الشهادة لا تعرف تلك المعايير ولكن سبب ذكري لموضوع الشهداء وأن غالبيته هي من تلك الأصول، كي لا نطعن في وطنيتهم ووطنية أولاد عمومتهم.
واصل التميز. طريقتك الفريدة في طرح قضاياك وقضايا المجتمع متنفس للكثير من قراء المدونات. شكرا.
مراسلنا الفاضل احييك واحيي قلمك الفريد من نوعه الفكاهي وعلشان جذي راح ابلغ عنك واخليهم يسحبون جنسيتك
حيا الله اخيتي العزيزة لورا
لاصدقك القول اخيتي العزيزة ..ذكري لاسماء عواد برد او خضير هي للتدليل على ان التخبط في التجنيس لم يكون وليد اللحظة ..بل هناك تخبط بهذا المجال منذ مدة ..و لم يكن القصد التقليل من شأنهم كاشخاص او كأصول .. بل هي للدلالة على هشاشة اساليب التجنيس المتبعة ..بمعنى اخر ليس المقصود نقد هؤلاء ..بل المقصود نقد من جنسهم ...و ان كنت سانتقدهم فصدقيني اخيتي ..سأنقدهم لعملهم لا لنسبهم
مشكوووووورة على كلماتك الجميلة بحقي ...فان كنت متميزا و فريدا فذلك لان لي قراء بروعتك
حافظك الرحمن
حيا الله اخيتي شيما
هيهيهيهي
يا معودة ...بروحهم يبون الشارة ..لو راده عليهم جان سحبوا جناسي نص الكويتيين و بدلوهم بمواطنين من فئة ثجيل و خاتون
حافظج الرحمن اخيتي
شرايك باسم هلال؟
شرايك باسم فجحان؟
هلال فجحان المطيري غني عن التعريف، حيث ساند حكام الكويت ماديا قبل ظهور النفط. الموضوع ما هو موضوع أسامي وأنا فهمت فكرتك عدل وأتمنى انك ما تكون من أصحاب الصيحة الجديدة عيال بطنها و برى السور.
شكرا و آسفة على الإطالة، ما أحب أخوض في موضوع كثير بس أوصل وجهة نظري وأمشي لول، دمت بخير أخي العزيز.
إنا لله وإنا إليه راجعون
اللهم آجر الكويت في مصيبتها واخلف لها خيرا منها
أوكي ... صح إن مافي شي إسمه سكان الكويت الأصليين... بس عيال الكويت معروفين
يعني إحنا يا نيادة من السعودية ... يا عيم من بر فارس ... يا حساوية ... يا جناعات
بس كلنا في النهاية صرنا كويتيين من بعد ما آباءنا واجدادنا حفروا بالصخر علشان يبنون الديرة, فتكوتوا وصرنا كويتيين من بعدهم وكملنا مسيرتهم لخدمة هالبلد الطيب, وخذينا من بعض والعوايل دشوا في سلسلة نسب يديد لي الحين مستمر
لكن إن كل زوير وعوير ومنكسر وما براسه خير قزر كل عمره بالديرة ينعطى جنسية؟ ليش؟
ياما ناس تقعد لها بالثلاثين سنة وزود وما فادوا البلد بشي يسوى
والله يا عثماني ياخوي ضربت الموضوع عالوتر ... الله يعافيك ويقويك ويعيننا عاللي ياينا
I totally agree with you elzain kila.
Jeeblaa هلا والله! أولا أهلي يسلمون عليك واايد و أبوي قالي نفس كلامك , ان راضين على الوضع ويدرون شقاعدين يسوون و يبون جذي الوضع! و لما عرفت فعلا انصدمت وضاق خلقي على ديرتي وأهلها :( بس للأسف شنو بيدنا نسوي؟؟؟
و ثاني شي والله عفيه عليك صج وطني وتحب ديرتك... الله ينصرك على اللي بقلبه شي عليك يارب
الله يستر على هالديره
يا رب تحفظها من كل سوء
سواء من اهلها او من بره
!!!
تدرين هذي المره الرابعه الي امر فيها على مدونتك
واقرا البوست والتعليقات القديمه واليديده وردودك عليهم
بقلبي حجي وايد وراي يتفق مع الاغلب ويعارضهم بعد
يعني لو بتكلم ما راح اوقف ولا راح اسكت
والي قاهرني اكثر من كل شي ثاني انه هالشغله على كثر ما ضايقت الكل على كثر ما خلتني اشوف معادن ناس وايد الي للاسف ما يعرفون شي عن الكويت ومسوين ارواحهم فاهمين وقاعدين يتحجون بثقه ويسوون حزازيات بين الموجودين
عثماني انت لما كتبت البوست عبرت عن الي بنفسك بس كشفت وايد اشياء انا وغيري كنا نتجاهل وساكتين رغم انه الجرح مؤلم والي خلا الجرح ما يبرا انه اغلب الي علقوا ما شافوا الموضوع من وجهة النظر الصحيحه وقعدوا يفرقون بين اهل الكويت وعلى بالهم انه الي يقولونه صح
تدري شلون خلني ساكته
والله العظيم نزلت مني دمعه قهر على حال الكويت وعلى طريقة تفكير الناس الي توقعتهم يفكرون صح
انا اسفه على الاطاله
حيا الله اخيتي الغالية لورا
المرحوم هلال فجحان المطيري فعلا غني عن التعريف
لكن لورا شتان بين هلال المطيري و الجماعة ( العدوة +عواد +خضير)
فما قدمه الأول للكويت لا يمكن حصره
بينما ما قدمه الاخرون لا يوازي عشر ما قدمة هذا الرجل.. هذا ان قدموا شيئا اصلا
و من هنا ينتقد الرجال
اكرر يا اختي ...المسألة ليست مسألة اسماء
المسألة مسألة عطاء
لو كان من تجنس في السبعينات من النواب قدم للكويت و خدمها لكنت اول المادحين له
و لكن هؤلاء لم يكن همهم خدمة البلد ..هدفهم خدمة مصالحهم الضيقة و خدمة ابناء قبائلهم
وكي لا اكون متطرفا ..ازيد و اقول هناك من الحضر و من ابناء بطنها كما تفضلتي
اساؤا للبلد و خدمو مصالحهم التجارية و العائلية
اخيتي لورا ..تأكدي باني لست من هؤلاء المتعصبون العميان
كل ما هنالك اني قصدت ما نفع تجنيس من لا ينفع البلد
حافظج الله اخيتي الغالية
و اتمنى ان اكون قد وضحت وجهة نظري
:)
حيا الله اخيتي الزين كله
صحيح كلامج مئة في المئة
و اشهد بان كل كلمة ذكرتيها حقيقة
الله يعافيج اخيتي
و فعلا الله يعيننا على الياي
حافظج الله اخيتي
حيا الله اخيتي فيري كويتية
يطلع بيدنا وايد شغلات ...بس احنا تعودنا على التطنيش
المادة عمت عيوننا عن الحق
اهم شي صار عندنا ان نيمع هالبيزات و مو مهم الديرة
يزاج الله خير على هالدعوة الحلوة
و الله يوفقج دنيا و اخرة
و تحياتي للوالد العزيز
حيا الله اخيتي بيس
آآآآآآآمين
واصلي الدعاء اخيتي الغالية
البلد تستاهل من يدعي لها
حافظج الرحمن
حيا الله اخيتي الغالية مجنونة
اخيتي مجنونة ..الناس فيهم الزين و فيهم الشين
و اصابع ايدج مو سوى
و طبيعي اختلاف الاراء
بس عندي احساس ان الجميع يهدف الى مصلحة الكويت
ولكن كل حسب وجهة نظرة
مجنونة... اتمنى اني اسمع رايج ..و هو بالتأكيد محل تقدير و احترام
و صدقيني اني ما زعلت على أي تعليق ياني
و انا عارف عنج الصراحة ..فلا تبخلين علينا بوجهة نظرج
و ان شاء الله ما تنزل أي دمعة من عيونج
و الله يحفظ هالديرة
حافظج الله اخيتي
مو بس بالكويت حتى نحن بالإمارات نفس الحالة
تلاقي الواحد مو عارف شلون يتحجى وعاطينه الجنسية
طيب ليش ..؟؟
في ناس غيرهم يستحقون اكثر منهم
بس شنقدر نسوي
أول اثنين، بس يضبطون قعدات وإلا ياخذون القعدة باكيج كامل
وإذا ممكن رقمهم على الإيميل تكفة
لحظه انته منووو
اكيد اللي رد علي اخر واحد مختطف عثماني
اخوي العزيز ويييينك
ليش خااااطفة
مااااااااااااااا اصدق
عثماني يقول باتزوج دورولي مره
كلولوووووووووش
والله يابختها اللي بتصير حرمك
كفااااايه خف طينتك
لالا اكيييييد الجو الحلو عامل عمايله
والله هذي الساعة المباركه
بس اترك عنك الكنديه
ماكو مثل بنت ديرتك ستر وغطى عليك
وفوق هذا تربي عيالك مثل تربيه اميمتك
يعلك العافيه ونستني اللي يقول دازلي بطاقة العرس
هههههههه
الله يوفقك ببنت الحلال اللي تستاهلك عثماني
عاد تبي الصج عوّاد برد سوى اعمال جليلة ولو انها بعد حصوله على الجنسية والمتمثّلة في التصويت مع اعطاء المرأة حقوقها السياسية وكل شي بثمنه
عوّاد وديّن شلون ما ادري
بلى بلى نسيت ان
الاسلام يجب ما قبله
أخيييييييه ياكويت
أخييه
ماني قادرة اعلق ياعثماني
نفسي مكسوره
يعين الله
حيا الله اخيتي بنك قيرل
حيا الله اهل الامارات
أي والله يا اخيتي ... الحالة تقهر
بس ما نقول الا
انا لله و انا اليه راجعون
حافظج الله اخيتي
حيا الله اخوي فهد العسكر
هههههههههه
لا .. الجماعة ياخذونها جكي
المزات و العرق المسيح ...و الذي منه
بس خل عنك اخوانا الكواوله
الحين احسن من يظبط قعدات اشقائنا من الشام
أي لكان شو !!! اخيييي
حافظك الله اخوي
حيا الله فانكوفر
انتي صدقتي ؟؟؟
يحليلج
ادري يا بختها اللي بتصير بعلتي
:)
بس الحمدلله ...مازلت متمتعا بكامل قواي العقلية
ولا ابي لا من ديرتي و لا من برة
ما طاح الا انبطح
حافظج الله فانكوفر
و مرة ثانية لا تصدقين أي شي اقولة
:)
حيا الله اخوي ولد فريج سعود
ههههههههه
ضحكتني والله
أي والله ..عواد و دين ..مو راكبة
بس بهالديرة كل شي يصير
حافظك الله اخوي
حيا الله اخيتي الغالية زوزوتا
سلامة نفسج من كل شر
عسى نفس اللي يبي مضرة الكويت هي اللي تنكسر
ودنا نتفاأل ..بس ماني قادر
الله يستر على هالديرة
فااااااااااااااااولت على نفسك بالضحك
ان شاءالله تصير صج
هاهاهاهاهاهاهاهاها
كثر الدق يفج اللحام
انا بحن علييييييييك لما ترضخ
هههههههه
لوول
شي مضحك مبكي !!
انت فنان حتى بنقد المشكله وتصويرها
خلها على الله
حيا الله اخيتي فانكوفر
كل شي جايز و انا اخوج
تييك تهايم و انت نايم
حني على راسي ... احب الحنة و اللبحة
تعودت عليها
:)
حيا الله اخيتي الغالية بعثرة مشاعر
أي و الله
و شر البلية ما يضحك
حافظج الله اخيتي
حيا الله اخوي براك
هذا بعض ما عندك يا خوي
تسلم حبيبي
والله يستر على هالبلد
حافظك الله اخوي
و يقووووووول انا ليش عانس !!
اكوووووووووووووو كويتين !؟؟ ماكوووووووووووو
واااااااااي الله لا يبلينا يتجنسوووووووون الله ياخذهم و يفكنا من شرهم
اشلفاااااااا هالكواوله علينا غير الكاوليه الي بمشررررررررررررررف
اذا اولياااااااااااااااااااء الامر عندناااااااااااااااااا
حريمهم كواوله
و شيووووووووووووخنا خوالهم كوااااااااوله
ما تبيييييييييي ديرتنا تصييييييير كلها دقوووووووووووووووووق!!!
حيا الله اخيتي لوير
اول شي يلعن خير اللي يقول عنج عانس
من يقول انج عانس ؟؟؟ اشق حلجه :)
النصيب ياي يا اخيتي
ثانيا الحين احنا ياينا غزو من ذوي الدقات .. و السبب بعد ما يحتاي
ما صار في احساس بالهوية الكويتية
حتى لما نفتح على تلفزيون الكويت .. ماكو لهجة كويتية :(
خليها على الله يا اخيتي
و حافظج الرحمن
ترى ما عندي سااااااالفة
يايه اسلم عليك
واتطمن على اخوي
عثماني
اشرب عنده جويه
واحننننننننننننننننن على رااااسه
متى يا اخوي بتشوفلك بنت الحلال
اللي تسعدك
وتكون ستر وغطى عليك
ترى العمر يركض وانا امك
قصدييييي اختك
لووووووول
وانت الف من تتمناك
ودنا نفرح فيك وبعياااااالك
مااااااااا عندي شيء ابد
بس داشه احن على راسك
:)))
عثماااااااااني
ولهت على جبلة
عثماني أنا متعوده (بس مو دايماً) هههههه أعلق عندك تعليق فريشششش يعني أول ما أقرا البوست سيييييده اعلق ما أقرا و انطر جم يوم تالي اعلق نوووو
المهم قريت البوست أكثر من مره و انا مو في مود التعليق
الحين يايه أبي أعلق ماني عارفه شقول
بس اليوم شفت مقطع من اوبريت اللي يقولون: " أنا الذيب باكلكم ... وين أمنا تحمينا" الذيب بياكلنا يا عثماني و أمنا قاعده تتطمش
:((
____________
عثماني ما يصير ترى لازم تتزوج و تييب عيال تربيهم على ايدك عشان يواجهون هالجيل اللي الياي الله يستر منه و لا ترى راح ينشرون مثل الجراد و ياكلون الأخضر و اليابس
و اذا تبي تاخذ أربع حريم زين على زين
تساهم في حل مشكلة العنوسة مره وحده
لووووووول
____________
الله يحفظ الكويت و أهلها و يعز شانها و يحميها من كل شر
آمييييييييين
حياكم الله في مدونة المنتدى الشبابي الثالث, لمؤتمر شركة الإبداع الأسرية
الحرية طريق الريادة
http://q8muntada.blogspot.com/
علماً بأن المؤتمر بقيادة: أ.بثينة الإبراهيم, وإشراف د.طارق السويدان
وتنظيم مركز مرتقى للتدريب القيادي للفتيات, ومركز الرواد للتدريب القيادي
الى جانب صناع الحياة’ ودرر
حيا الله اخيتي فانكوفر
سبحان الله
امي مقعدة
نفس الحنة
نفس اللبحة
فانكوفر ... افتكر قلتي الحجوتين اللي عندج
و جايج و شربتيه
يا الله توكلي على الله ... و تسهلي
روحي حني على راس ريلج ..لا تحنين على راسي
عيل ليش عندج ريل ..مو حق اللبحة على راسة!!؟
:)
ترى اتغشمر .. مو تاخذينها صج
:)
كل شي بوقته حلو
و كله على الله
حياج الله فانكوفر
و كل ما حسيتي ان فيج حنة .. حياج الله
حني على راسي .. و توكلي على الله
:)
حيا الله اخيتي الغالية فانكوفر
الحين نبيج عون ..صرتي علي فرعون
:(
توهه فانكوفر مارتني ..شاربة جاي عندي
و استلمتني حنه
هذيج من زمان حنة .. و تحب اللبحة ..معذورة.. من صغرها وهي على هالطبع
انتي ليش تصيرين مثلها ؟؟؟
هذا و انا اقول بربل السنعة
بربل العاجل
صرتي اردى منها
الله يهديج ..بس
:)
والنسبة لتعليقج ..ما اقول الا
آآآآآآآآآآآآآمين
تم تغيير رابط المدونة وذلك بسبب
تطفل بعض الاصدقاء و زملاء العمل عليها
http://jacoQ8.blogspot.com
والحاضر يعلم الغايب (:
6awalt 3alaina ya5ook naby new post.
لوووووووووول
عثماني
علامك تخربطت بينا
انا بربل مو فانكوفر
ههههههههه
بس معذور انك ما عرفتني لأن الكلام اللي قايلته صح كلام فانكوفر
ترى اهيا خاطفتني و هددتني اقول هالحجي
تصدق
!!!
تحت تهدييييد السلاح بعد شسوي لازم أسمع كلامها و لا تذبحني
هههههههه
لا بالعكس .. حياهم الله أصدقائنا الكويتيين الجدد .. احنا كلنا واحد, خالد وحصة وعطوان ومرضية وشخيب ومهراد وخاتون .. كلنا كويتيين وإيد وحدة !!
يعقووبوو
علم
و تم تعديل العنوان
:)
حيا الله الغالية لورا
اليديد قريب ان شاء الله
والله لا يحرمني من سؤالج
:)
بربل
عذريني يا وخيتي
دودهتني بحنتها هالفانكوفر
والا انا اقول ... بربل سنعة.. ما تقول هالحجي
طلعت تهددتج !!؟
حسبي الله على ابليسها من بنت شرية
وصلت فيها المواصيل للتهديد !!؟
ماكو الا اكلم ريلها يشوف لها صرفة
:)
حيا الله اخوي الحارث
الشكوى لله يا خوي
ما لنا الا ان نرحب فيهم
شنسوي بعد !!
حياك الله يا خوي
madawأي نحن من هذا كله يا عثماني
فأنا أجهل المصير؟؟؟؟؟؟؟
عثماني الوضع مغم واصبح ينعكس على اخلاقيات الناس
رايي ما يختلف عن رايك الي له حق بياخذه والله ما يضيع حق احد بس الي ما يستاهلها تأكد ان الله ماراح يهنيه فيها
:)
وين الغيبه
لو سمحت اذا ممكن نبي بوست يديد
بصراحه فاقده سوالفك
ابي بوست يديد
بليز
:)
عثمانى والى يسلمك غير هالبوست ترى لوع جبدى هالى رازه
استغفر الله يا ربى هههههههه
كله منك
ونبى صوره تفتح النفس
حيا الله اخيتي هذيان
فعلا
كل هاللي يحصل تشوفين انعكاسة على تصرفات البشر
كل شي مرتبط بالثاني هذيان
واذا استمرينا على هالحال ... فالمصير يخرع
حافظج الله اخيتي
حيا الله اخيتي مجنونة
صحيح.. اللي يستحق الجنسية نحطة على راسنا
بس اللي ما يستحق.... تكون الشرهة مو عليه ..الشرهه على من جنسة
البوست اليديد قريب و انا اخوج
تامرين امر
:)
حافظج الرحمن
هلا و غلا بمن حبا و دبا ..هلا بكاريزما
افا عليج.. اغير ابوه
صورة تفتح النفس .... ممممممم
صورة تفتح النفس .... ممممممم
صورة تفتح النفس .... ممممممم
(عثماني قاعد يفكر )
ماكو الا صورتي
:)
احطها في البوست الياي .. ولا يهمج
حافظج الرحمن
عاااااجل
"""""""""""""""""""""""
لاخواني الاحبه المدونين
تم سرقة اسمي
اجار الدين كشمش
من احد الحراميه ويبدو
من لهجته انه غير كويتي
ويدور بين المدونات
لاشعال الفتنه بيننا
وخااااصة اخواني الاحبه
في البلوغات
اللذين اختلف معهم
بالراي واللذي لايفسد لمحبتنا للكويت وودها
قضيه
""""""""""""""
اهيب بمن يريد ان يطفأ
الفتنه ...ان ينشر
وشكرا للاخ مطقوق الشاب في عمره والرائع في عقله
وشكرا ل احلى مهندسه
ولجميع من كشف اللص
الفتني
ونقول للص وايد عليك
اجار سطوح الكويت المتماسكه ..بحب الكويت
""""""""""""""""""""
فمالله
من اراد التأكد بروفايلي
غير بروفايله
اووووووه @@
بيييييييييييييييييه ،،انا صج مبطي عن هالفريج
،،صبحك الله بالخير مختار
انا اقول اخيي الواحد يحسن علاقته بهالاسامي وهالنوعيات
احسن،،يمكن يحوش له قسيمه صناعيه والا طشار مناقصه!!؟
لان هذول للاسف مستقبل البلد
تقولي شلون ؟
اقولك من متى قمنا نسمع بشخص اسمه صاهود ؟؟؟؟
شرا ربع الكويت ليه الحين ؟ :(
وغيره وغيره
مو هذا السؤال ؟؟
سؤالي طال عمرك شنو سر تعلقهم بالدشداشه العنابيه
والسوده ام نقط بيض ؟سواء كان الفصل شتاء ام صفري ام قيييييييييييض؟
لا سيما المكسر الاصفر اللي طالع من تحت الدشداشه؟
وتسلم عمو على هالحجي ،،مواه
:)
لووووووووووووووووووووووووووووووووووول
حياالله اخوانا النشااامه الي صارو كويتيين
وهااا خوتي هااا
طولت علينا
ياخوي
على هالنطره
لازم البوست الياي يكون
طوييييييل
مو نتفه
:)
شاخبار احمدو حلتيته
؟
كل عام و الكويت و اهلها بخير
:)
اجار الدين كشمش
لعن الله خير اللي باقك
حسبي الله عليه وجعله ما يتوفق
حيا الله اخوي سليمان
وينك يا خوي من زمان مختفي
يا خوفي يا خوي يكون كلامك صحيح
الديرة صارت قرقيعان
يالله سترك
حيا الله q8 disaster
ها خوتي ها
راح يكون نص الكويتيين مدققين
و النص الثاني يرطنون
الله يستر
حيا الله اخيتي فانكوفر
طولت ...معاج حق
مادري شفيني و انا اخوج
صاير كسلان
بس هذا هو البوست اليديد خاص بالعيد الوطني
و يعقبه بوست خفيف ان شاء الله
:)
حيا الله اخيتي داركنس
و انتي والديرة الطيبة بالف الف خير
هههههههههههههههههه
خووووووش مقااابله الله يخليهم لنا هالمتجنسين اليدد
لووووووووول جد جد شر البلية ما يضحك
بكل فخر صارو كويتين وعلى قولتك باجر هم الي ماسكين اقتصاد البلد واحنا نحوس وراهم ونبي واسطتهم لكن هيهات ثم هيهات
لن يحصل هذا الشي
اااخ لو انا الي ماسكه الجنسيه جاان علووم
ماقول الا الله يحفظ ديرتنا ويبعد عنا المتجنسين هذيلااا
كل عام وانت بخير عثماني والشعب الكويتي بالف خير
واعذرني على اطالتي بالحجي :)
حيا اخيتي
swan beach
كل عام و انتي بالف خير
و ما قلتي الا اللي في قلوبنا يا اخيتي
سعيد لمرورج
ولا تقاطعين
و ياليت تمرين على البوست اليديد
ليس الخطأ بالتجنيس نفسه
بل بمن مُنحوا الجنسية
لك هذا السؤال
والذي ينطبق على حال الكثيرين
" إن قامت بولادتك إمرأة ثم القت بك لأخرى ،، لتربيك وتراعيك والاولى في غياب ، حتى كبرت "
فلمن تراك ستقول " هذه أمي "؟
هذا هو حالي انا
لكن اتعلم أين تكمن المصيبة
أنني لا املك الحق بأن اقول للـ ( أخرى )
يا أمي أو يمه أو ماما
قد تستغرب ردي
لكنه واقع عشته وما زلت حتى الآن اعيشه
بحذافيره!!
ما هو المقياس الذي قد تعتمده من وجهة نظرك
حتى تطمئن نفسك اذا ما قالوا
"منحناه الجنسية"
**
لها ولائي ما دمت حية حتى وإن لم يدعوني اناديها
أمي
!!!!!!!
تحية ود واعجاب لقلمك
دمت
:)
Ayam awal (50-60 yrs ago), ile ya5ith iljinsiya fi3lan yistahilha.. I know this liana a close relative of mine uhwa ile kan ya36y iljanasy… amma l7een "first come, first serve"
一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載
情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍
A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛
情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色
情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室
بذمتك الاسامي من السجلات !!!!!
امبي وانا اضحك اقول شلون ألف هالاسامي العجيبه
:(( ضاق خلقي والله
إرسال تعليق