حبايب قلبي .. الله بالخير ، أبشركم .. ها قد عاد إلي ذاك الداء القديم الذي حدثتكم عنه سابقاً .. ال Bloglessation ، و جاري تلقي العلاج منه على أمل أن اصاب باسهال بوستات خلال الفترة القادمة .. كما أرجو من كافة أخواني و أخواتي المدونون و المدونات ألا " يزعلون " على أخوهم عثماني إن قصر في التعليق على مقالاتهم الجميلة .. فالله عالم باللـّوية اللي آنا فيها ..ولكن تأكدوا بأني أقرأ كل حرف يخطه قلمكم الرائع
أنا و نفسي
أعزائي .. كثيرة هي الساعات التي أختلسها لأجلس جلسة صفاء مع نفسي ، و على أن " القعدة " مع نفسي تكون ثقيلة طينة و ما تنبلع ، الا اني احتاج لمثل هذه القعدات من حين لآخر
و اتصور ان جميع من يقرأ هذه الكلمات يفعل كما أفعل ، ترى .. ماذا يدور بينك و بين السيدة " نفسك " !!؟ هل تقسو عليها .. أم تقسو هي عليك !!؟
عن حالتي .. فانا لا أقسو على نفسي .. يمكن لانها تكسر خاطري و مو ناقصة قسوة من أحد .. ولكنها تقسو علي .. و تعنفني أحيانا و تزفني و تخليني بيزة ما أسوى .. كيفها .. نفسي وهي حرة فيني
البارحة قعدت مع نفسي .. والله كانت خوش قعدة ، آنا قعدت أشرب لومي ، و نفسي ما شربت شي .. لزمت عليها .. ما بغت .. خليتها على راحتها ، ودار هذا الحوار .. الذي استقيته مما قرأت
آنا .. ليش آنا متعلق بالماضي و أحبه أكثر من الحاضر !!؟
نفسي .. عاد شدعوة كل شي بماضيك حلو !!؟ بس أقولك شي !؟ متعة الماضي انه صار من .. الماضي
آنا .. عيزت أدور على السعادة !!؟
نفسي .. ما سمعت برناردشو شقال !!؟
آنا .. شقال بالله !!؟
نفسي .. قال ان السعادة اتجاه .. و ليست مكان
آنا .. ضحكني المسج الذي وصلني من " فلانه " ذاك اليوم .. تقول لي رجاءاً انا لا أرغب أن أتواصل معك بعد الآن .. وكأنني سأنتحر إن لم تفعل
نفسي .. جميل أنك تضحك .. و لكن لا تنكر بأنك غبي عندما جعلت منها .. إنسانه
آنا .. شفتي شلون زعل " فلان " ذاك اليوم و احنا قاعدين في القهوة !!؟
نفسي .. انت متى بتتعلم !!؟ لا تصارح الناس بعيوبها .. خلهم يكتشفونها بروحهم
آنا .. إي بس كانت حجتي واضحة و مقنعة و طرحتها بطريقة سليمة ومحببة
نفسي .. شوف .. صار لنا آنا وانت أكثر من ثلاثين سنة مع بعض .. شفت أحد غيـّر راية اذا سمع راي أفضل !!؟
آنا .. آنا ليش أكتب !!؟ و ليش أقطع معظم إللي أكتبه !!؟
نفسي .. عادي ، انت تشعر برغبة بالكتابة .. فتكتب ، و في نفس الوقت لديك ملكة النقد ، فتنقد كتاباتك .. فتقطعها و ترميها
آنا .. قهرني "علان " عندما قال لي .. " آنا بهج من هالديرة وبروح أمريكا ، هناك يقدرون امكانياتي"
نفسي .. غبي .. وين يلقى ديرة مثل الكويت !!؟ فهنا فرصة أمثاله أن يكونوا وزراء و نواب متاحة .. لكن في أمريكا سيكتشفون حقيقته من أول يوم أنه .. حمــار
أقـوال
في الكويت بدأت أقتنع أن الصوت العالي .. هو الفائز دائما
" لا يا خوي .. هذا الكتاب ما يصلح لك .. احنا نحدد لك الكتب اللي تقراها .. لان أكو كتب حلوة .. وأكو كتب " كخ " مو حلوة .. اوكي بابا !!؟ "
جملة قد تصدر من رقيب يحمل شهادة متدنية في وزارة الاعلام
مازلت أعتقد بأن هناك القلة من الرجال الأذكياء و الدليل .. عدم انقراض العزاب
الكويت كما كنت أراها = منارة ثقافية + ريادة رياضية + شعب طموح + أمن وأمان
الكويت كما أراها الآن = شعب قرقيعان + قانون مغيب + سلطة بلا هيبة + انحلال أخلاقي
تسـاؤلات
ليش الشياب تصير شحمة أذانهم طويلة و متروسة شعر !!؟
هل يمكن صنع جبن من حليب الأمهات !!؟ ( اهم خل يرضعون عيالهم أول )
دائما ان صادفت من يسألك عن الساعة تجده يشير بيده الى مكان الساعة في معصمه .. إذا اتبعنا نفس المبدأ ، وسألك أحدهم عن مكان الحمام .. كيف تكون إشارته !!؟
لماذا عندما تلقي السلام على أحدهم يرد عليك بحرف واحد .. س !!؟
هل الطيور .. تتبول !!؟
لماذا سوبرمان يلبس صرواله فوق هدومه .. و ليش لونه أحمر !؟
و سلامتكم .. و تعيشون
أنا و نفسي
أعزائي .. كثيرة هي الساعات التي أختلسها لأجلس جلسة صفاء مع نفسي ، و على أن " القعدة " مع نفسي تكون ثقيلة طينة و ما تنبلع ، الا اني احتاج لمثل هذه القعدات من حين لآخر
و اتصور ان جميع من يقرأ هذه الكلمات يفعل كما أفعل ، ترى .. ماذا يدور بينك و بين السيدة " نفسك " !!؟ هل تقسو عليها .. أم تقسو هي عليك !!؟
عن حالتي .. فانا لا أقسو على نفسي .. يمكن لانها تكسر خاطري و مو ناقصة قسوة من أحد .. ولكنها تقسو علي .. و تعنفني أحيانا و تزفني و تخليني بيزة ما أسوى .. كيفها .. نفسي وهي حرة فيني
البارحة قعدت مع نفسي .. والله كانت خوش قعدة ، آنا قعدت أشرب لومي ، و نفسي ما شربت شي .. لزمت عليها .. ما بغت .. خليتها على راحتها ، ودار هذا الحوار .. الذي استقيته مما قرأت
آنا .. ليش آنا متعلق بالماضي و أحبه أكثر من الحاضر !!؟
نفسي .. عاد شدعوة كل شي بماضيك حلو !!؟ بس أقولك شي !؟ متعة الماضي انه صار من .. الماضي
آنا .. عيزت أدور على السعادة !!؟
نفسي .. ما سمعت برناردشو شقال !!؟
آنا .. شقال بالله !!؟
نفسي .. قال ان السعادة اتجاه .. و ليست مكان
آنا .. ضحكني المسج الذي وصلني من " فلانه " ذاك اليوم .. تقول لي رجاءاً انا لا أرغب أن أتواصل معك بعد الآن .. وكأنني سأنتحر إن لم تفعل
نفسي .. جميل أنك تضحك .. و لكن لا تنكر بأنك غبي عندما جعلت منها .. إنسانه
آنا .. شفتي شلون زعل " فلان " ذاك اليوم و احنا قاعدين في القهوة !!؟
نفسي .. انت متى بتتعلم !!؟ لا تصارح الناس بعيوبها .. خلهم يكتشفونها بروحهم
آنا .. إي بس كانت حجتي واضحة و مقنعة و طرحتها بطريقة سليمة ومحببة
نفسي .. شوف .. صار لنا آنا وانت أكثر من ثلاثين سنة مع بعض .. شفت أحد غيـّر راية اذا سمع راي أفضل !!؟
آنا .. آنا ليش أكتب !!؟ و ليش أقطع معظم إللي أكتبه !!؟
نفسي .. عادي ، انت تشعر برغبة بالكتابة .. فتكتب ، و في نفس الوقت لديك ملكة النقد ، فتنقد كتاباتك .. فتقطعها و ترميها
آنا .. قهرني "علان " عندما قال لي .. " آنا بهج من هالديرة وبروح أمريكا ، هناك يقدرون امكانياتي"
نفسي .. غبي .. وين يلقى ديرة مثل الكويت !!؟ فهنا فرصة أمثاله أن يكونوا وزراء و نواب متاحة .. لكن في أمريكا سيكتشفون حقيقته من أول يوم أنه .. حمــار
أقـوال
في الكويت بدأت أقتنع أن الصوت العالي .. هو الفائز دائما
" لا يا خوي .. هذا الكتاب ما يصلح لك .. احنا نحدد لك الكتب اللي تقراها .. لان أكو كتب حلوة .. وأكو كتب " كخ " مو حلوة .. اوكي بابا !!؟ "
جملة قد تصدر من رقيب يحمل شهادة متدنية في وزارة الاعلام
مازلت أعتقد بأن هناك القلة من الرجال الأذكياء و الدليل .. عدم انقراض العزاب
الكويت كما كنت أراها = منارة ثقافية + ريادة رياضية + شعب طموح + أمن وأمان
الكويت كما أراها الآن = شعب قرقيعان + قانون مغيب + سلطة بلا هيبة + انحلال أخلاقي
تسـاؤلات
ليش الشياب تصير شحمة أذانهم طويلة و متروسة شعر !!؟
هل يمكن صنع جبن من حليب الأمهات !!؟ ( اهم خل يرضعون عيالهم أول )
دائما ان صادفت من يسألك عن الساعة تجده يشير بيده الى مكان الساعة في معصمه .. إذا اتبعنا نفس المبدأ ، وسألك أحدهم عن مكان الحمام .. كيف تكون إشارته !!؟
لماذا عندما تلقي السلام على أحدهم يرد عليك بحرف واحد .. س !!؟
هل الطيور .. تتبول !!؟
لماذا سوبرمان يلبس صرواله فوق هدومه .. و ليش لونه أحمر !؟
و سلامتكم .. و تعيشون
152 التعليقات:
لوووووووووووووووووووووول
اول وحده :))
مسيك بالخير يالقاطع
مسموح و عذرك معاك :)
ياحافظ شالتساؤلات و طبعا لازم يحوشنا طشار منك :p
ماعرف ولا اجابة :(
هههههههههههههههههههههههههههه
عجيب
بالنسبة للطيور ، سبحان الله توني سمعت واحد يقول ان الطيور ما تتبول ولكنها تخرج البول مع الفضلات -يكرم القارئ- ، لذلك تكون فضلات الطيور من اجود انواع الاسمدة بسبب وجود الامونيا-مالت البول يكرم القاري- بكميات مركزة.
ولكم ولكم ولكم ولكم
أول شي ... (( الي نساك انساه ))
وثاني شي انا قريت سؤالك الأخير بصوت عالي جدام الأهل الي غص من الضحك والي فطس والي حالته حالة .. عليك اسئلة .. امبي حد أمها عبيطة لووول
عاد زور مدونتي وهالله هالله بالردود لك وحشة ياوحش ...
سوبر مان .. لابس صرواله فوق ملابسه علشان اذا كان حسران بسرعة يقط هدومه لوووول >>>> حدي ذكية
وثاني شي لونه احمر علشان يسوي اغراء .. تعرف هناك بعد لازم البطل يطلع محبوب والحريم تحبه
قطعه حميده انشاءالله
واصل بدون لا تعلق
بس على فكره
حوارك مع نفسك
ذكرني بحواراتي
:)
حتى انت نفسك نجرية
:)
خوش اسئلة اللي بالاخير
:)
لا تشغل النفس بماضي الزمان و لا بآتي العيش قبل الأوان
حب اليوم مو الامس و لا تتأمل بالغد شاللي بيدك اليوم حبة
-----
تساؤلاتك أول واحد ويع لا تخز وايد
أهما ودهم إرضعون عيالهم أصلا يحرق سعرات حرارية و يضعفون أسرع و يقوي مناعتهم و مناعة يهالهم
بس المشكلة من ربادتنا و أكلنا المبربس اللي ما منا فايدا إنشفوا البنات من الحليب
شايب يا كثر ما تتحلطم لوووول ;q
حتى نفسك ماسلمت منك D;
عثماني كيف الحال ......
ما من زعل انشالله اهم شي انك تكون بصحه وعال العال :)
انا عن نفسي لا اقسو علي نفسي
فنفسي هي صبا وصبا هي الام الحنون لنفسها ....نفسي هي روحي علي الاقل تستاهل اسولف معاها .... هي كاتمة اسراري,اثق فيها فهي جدا صريحه.. لاتجاملني ابدا
@@
بسسسسسسسسسس
بس الاولي :))
عثماني الله يخليك مره ثانيه بتنزل بوست ......دق رنه وسكره:))))
اول شي اتمنى انه حالة الbloglessation ما تطول وايد
ثاني شي ..نفسك وايد صريحه وهذا شي حلو ونادر هالايام
*في الكويت بدأت أقتنع أن الصوت العالي .. هو الفائز دائما*
عاد اليوم مسلم البراك يقول على قناة العربية انه المعارضة لازم يكون صوتها عالي!!... يعني نظريتك صح
تساؤلاتك حدها لوووول بس اخر سؤال جوابه.. المخرج عايز كده :)
بوست رائع
بس أحنا لما نسأل عنك..مو من باب التشرّه..من باب فاقدينك
و مكانك مبين من غير شر
عيل أنا عكسك كلّه أتنحش عن نفسي..ما لي خلق زفّه
تساؤلاتك ما عندي أجابه عنها
الا سوبر مان..يمكن عشان يشب بالليل؟
الجمد لله على السلامة يا القاطع
ليش الماضي احلى
لانه صار ماضي
فلسفه و لا اروع
يعني واقعنا بعد جم سنه بيكون ماضي و يصير حلو؟
هذا يدل على ان النفس لا ترضى
و لهذا علينا تدريبها و تروضها للرضوخ للواقع و التعايش معه بسلم
:)
لك وحشه يا القاطع
يا هلا بالحبيب
حياك الله
....
لكن لا تنكر بأنك غبي عندما جعلت منها .. إنسانه
....
هذا مو غباء
دمت بحفظ الرحمن
نفسي .. شوف .. صار لنا آنا وانت أكثر من ثلاثين سنة مع بعض .. شفت أحد غيـّر راية اذا سمع راي أفضل !!؟
بالضبط صااااجه نفسك صاااجه وانا اشهد
;p
الاسئله تحفه تحفه يا عثماني
بس كلها محرجه لوووووول
فقدناك يا اخوي
حسبي الله على ابليسك يا عثماني
رديت بقوة نفس سوبرمان
تصدق لما انت طرحت
ليش الشياب تصير شحمة أذانهم طويلة و متروسة شعر !!؟
شيكت على اذوني
لقيت شعره وحده
ياهلا ويا مرحبا من طول الغيبات جاب الغنايم انت يايب اسئله
انا ابي الغنايم ,تالي ارد علي الاسئله
أخي وعضيدي عثماني
يا حلوك ويا حلو نفسك
والله ما فيكم شي ينقط
وما عليك بلوقسيتيشن مالتك مثل البليستيشن ... مرة تموت عليها ومرة ما ودك فيها
تساؤلاتك تذكرني بجلسات "التجلي" مالتنا
وقتها كنا نقعد ما بعض ونقط من هالأسئلة
الحين ... الزمن فرقنا ...
آه من هالزمن
المهم ..
اهم شي نفسك
حبها أكثر من أي شي ثاني ... وما في هذا الشي أنانية
اشتقت لبوستاتك :)
اشتقت
ياحي الله العثماني
بصراحة نفسك عجبتني ممكن أتعرف؟ :)
بالنسبة للسؤال عن الشياب بعطيك معلومة
العضوان الوحيدان في الجسم اللذان لايتوقف نموهما أبدا الأنف والأذن
ترى فلانة اللي دازة لك المسج ذاك اليوم قالت لي إن يالك بالغلط
كانت دازة لي، بس رديت عليها إنك محل النفس، قلت لها عثمانو قال اللي في بالي "وكأنني سأنتحر إن لم تفعل"
سروال سوبرمان الاحمر خط احمر
لا تييب طاريه
البوست كله على بعضه حلو وحده شي
بس لو سمحت لا تمدح نفسك وتوصف نفسك بالذكاء P:
لا يسعني التعليق على كل ما فيه بس الاسئلة..
لم استطع كبح جماح ضحكاتي لتضج بها الغرفة حيث اجلس
عن سوبر مان.. زين ليش احنا ما نقلده ونسويها فاشيون؟
تهقه الحربش يخلينا نلبس سوبر مان ونتمشى بالافينوز؟
D:
الله يعينك يا عثماني على مشاغلك ولويتك
وحوارك مع نفسك واااااااايد عجبني
نفسك اجاباتها صح
الا في وحدة
انت عمرك ما تكون غبي
لما تخلي من ناس تافهه اوادم
انته انسان بس اهمه اللي مووووو كفو ويحنون على اصلهم
اللي اهوه ولا شيء
لا تلوم نفسك
وانا اختك
وهالاشكال ينطبق عليها
بيت الشعر اللي يقول
:
إن الزرازير لما قام قائمها
توهمت أنها صارت شواهينا
!
بس الزرزور بيظل طول عمره زرزوووور
---
بعدين شهالاسئله العبط
لوووول
يعني الحين بالله عليك
اذا.. اذا سووا جبن من حليب الام
منو بيااااااااااااكله الله يزيد النعمه
استغفر الله
:\\\\
والصروال الاحمر
ممممممم?
ما لقيتله جواب
:|
وسالفة الطيور
بعد ماله حاجة
مساكين لما يسوونها
كله ماي مايوووووووه
لووووووووول
يعني كل شيء مخلووووط
وييييييع
ويييييه يا عثماني شفت وين ودتنا اسئلتك
?
وسالفة اللي ينسئل عن الساعة
لووووووووووووووووووووووووووووووول
من وين تييييلك هالاسئله البيزنطيه
??
3ethamne 7altk 9a3bah yabeleik tamareen narwecheyaah ;p...superman yalbes chethe 3ashan ebayen elserwal ...yabeleik taghyer jaw shakelha el nafseya mo shay :S take good care
jooj
bloglessation
أعيشه ، أطلطل من بعيد
عثماني، استراحة سعيدة
:)
أسئلتك لا يعلى عليها
:P
حيا الله اخيتي بس
صبحج الله بكل خير عزيزتي
و يزاج الله خير على عذري
والطشار لا بد منه
:)
حافظج الرحمن
حيا الله اخيتي ام الهيماني
يزاج الله خير على هالمعلومة
خووووش معلومة
:)
حافظج الرحمن ولا تقاطعين
حيا الله اخيتي السارونة
ثانكس ثانكس
ولا يهمج ..بدون ما توصين
بمر مدونتج
و عساكم دوم مستانسين ان شاء الله
و اجاباتج تنم عن ذكاء خارق
:)
حافظج الكريم
حيا الله اخوي ابو الدستور
يا خوي لابد من هالحوارات مع النفس
و ان شاء الله ما اقطع
الواحد ما يقدر يقطع اهله و احبابه
:)
حافظك الله يا خوي
حيا الله اخوي المغترب صلاح
اي والله .. عيزت منها
ماكو فايدة ..اعصاب
:)
حافظك الله يا خوي
حيا الله اخيتي شهد
مادري.. مازلت اشعر باني سجين الماضي
بس ما جاوبتي باجي الاسئلة ؟؟
:)
حافظج الرحمن
حيا الله اخيتي كويت
هيهيهيهيهيهي
اي والله .. الكبر شين و انا اخوج
:)
حافظج الكريم
حيا الله اخيتي صبا
يا اهلا و سهلا
انا الحمدلله ..بخير وعافية عساج بخير و نعمة
جميل جدا وجود حالة من السلام مع النفس
قمة الراحة
و من يملك روح صبا كيف لا يحبها؟؟
افا عليج .. ادق رنتين مو وحدة
بس اموت و اعرف شنو سر التعليق الاول عندج
:)
حافظج الكريم
حيا الله اخيتي تكانة
اولا .. وانا بعد اتمنى
ثانيا .. بس والله متعبتني
و الله يفكنا من هالتعاسة السياسية اللي معيشينا فيها معارضة اخر زمن
و اخيرا .. المخرج الله يهداه ما لقى الا هاللبس؟؟
:)
حافظج الرحمن عزيزتي
حيا الله نانونانو
الاروع هو مرورك الجميل
الله يسلمج اخيتي الغالية
والله العالم ان هم انا افقدكم .. بس لوية الحياة
عيل طلعت نفسج من فصيلة نفسي
مهاوشجية
:)
بالنسبة لسوبرمان ... اهو جوتية و عباته حمر
و يشبون بالليل
ما يت على ملابسة الداخلية
:)
حافظج الرحمن اخيتي
حيا الله اخيتي داركنس
الله يسلمج من كل شر
تحليلج صحيح 100%
و النفس فعلا عمرها ما ترضى
حافظج الرحمن عزيزتي
حيا الله اخيتي داركنس
الله يسلمج من كل شر
تحليلج صحيح 100%
و النفس فعلا عمرها ما ترضى
حافظج الرحمن عزيزتي
حيا الله اخوي الغالي بو لطيف
الغباء يا خوي الزراعة في ارض سبخة
اكيد فاهمني
دمت رائعا يا خوي
حفظك الرحمن
حيا الله اخيتي شلالات
مادري .. احس ان احنا في زمن الكل يشوف نفسه هو الصح
و الباجين كلهم غلط
و اقدم اعتذاري على اسئلتي التحفة
:)
و عساج ما تفقدين عزيز
حافظج الرحمن
آنا .. قهرني "علان " عندما قال لي .. " آنا بهج من هالديرة وبروح أمريكا ، هناك يقدرون امكانياتي"
نفسي .. غبي .. وين يلقى ديرة مثل الكويت !!؟ فهنا فرصة أمثاله أن يكونوا وزراء و نواب متاحة .. لكن في أمريكا سيكتشفون حقيقته من أول يوم أنه .. حمــار
لووووول
ما ظنتي يعطونه فيزا أصلا ;P
masmooo7 yaali ita3athar:P
حيا الله اخوي الغالي انتر كويت
هيهيههيهيهيهيهي
توك شباب يا خوي
تو الناس الشحمة الطويلة و الشعر
حافظك الله يا خوي
ولا تقاطع
حيا الله اخيتي سويت رفنج
يا هلا و يا مسهلا
تامرين امر
افا عليج
ترى ..ما نوع الغنايم التي ترغب بها الانسة سويت رفنج ؟
:)
حافظج الكريم
حيا الله اخوي الغاااالي دروازة
حبيبي انت يا دروازة
عاد كل شي ولا لحظات التجلي مالتنا
تذكر ؟؟
:)
وان شا الله ما يفرقنا لا الزمن ولا غيره
كلها فترة بسيطة و تخلص شغلك بالغربة و ترجع الديرة يا خوي
ما عليك باس ان شاء الله
المهم
قول لي... شخبارك انت بس ؟؟
حافظك الكريم
حيا الله اخوي العزيز ابو الوليد
لا .. نفسي تستحي
ما تنكشف على غرب
:)
خوش معلومة عن الخشم و الاذن
عاد اعرف واحد من الربع .. كل ويهه خشم
معناته هذا لما يصك الثمانين راح يكون عبارة عن خشم و ريول
:)
حافظك الله ياخوي
و نورت جبلة بمرورك
حيا الله اخوي الغااالي فهد العسكر
افا عليك .. اعجبك انا
:)
و قول لها اذا دزت لي مسج بالغلط مرة ثانية
حمرمط بيها الارض
و انت الله يهداك مقططهم يدززون مسجاتهم على عيال خلق الله
:)
حافظك الله عزيزي
حيا الله اخوي الغااالي ولد فريج سعود
حتى صروال سوبرمان صار خط احمر ؟؟
عيل اشبقى بحياتنا ما صار خط احمر ؟؟
حافظك الرحمن يا خوي
حيا الله اخيتي ميرامار
اولا الحلو هو مروركم الجميل على كلماتي المتواضعة
ولم تكبحين جماح ضحكاتك !!؟
دعيها تنطلق
خوفي ايي يوم حتى الضحك بحرمونة علينا
حافظج الكريم اخيتي
حيا الله اخيتي الكريمة فانكوفر
اشهد انج يبتيها ييب
إن الزرازير لما قام قائمها
توهمت أنها صارت شواهينا
و الزرزور يبقى زرزور
و كل واحد يعمل باصله و انا اخوج
بس الغباء ان واحد يزرع في ارض بور
ما علينا
انا ادري ان كل اسئلتي عبط في عبط
بس حبيت اونس الناس
بس بذمتج ؟؟ مو خوش اسئلة ؟؟
بس ما شا الله عليج
عندج خبرة جيدة في الجهاز الهضمي للطيور
:)
حافظج الرحمن اخيتي
حيا الله اخيتي العزيزة جوج
اي والله .. حالتي صعبة
و التمارين النرويجية ما تصلح لي
انا افضل السريلانكية
:)
الله كريم
حافظج الرحمن عزيزتي
حيا الله اخيتي العزيزة قصة خيال
سلامتج من البلوقلزيشن و انا اخوج
و فترة و تعدي ان شا الله
عاد عسى جاوبتي على الاسئلة ؟؟
:)
حافظج الرحمن اخيتي
حيا الله اخيتي fashionista
والله المفروض ما يعطونه
ويسوي خير لو يروح ينتحر بعد
و يفكنا
:)
حافظج الرحمن عزيزتي
حيا الله الغالية شكشكة
حيا الله القاطعة
هذا انتي والا غريد الشاطئ الله يرحمة!!؟
:)
و ان شا الله اكون مسموح
حافظج الله عزيزتي
صباحك ورد
:)
الظاهر هذي الحاله تصيبك مع تغيرات الجو دير بالك
:Pp~
بس بصراحة اعتقد اهم اسبابها التفكير المسبق والمطول قبل كتابه اي بوست
نعم التفكير مطلوب
ولكن لا يصل لمرحلة التكلف والهم
متى ما خطر لك خاطر اكتب ولو كلمه
:)
عثماني....
كثيرا ما كتبت في كل بوستاتي عن فكرة ان تكون صديق نفسك
وتقعد ساعات صفا انت وانته
ترتب دثره المشاعر
وتراجع اللي راح واللي قادم
بس سؤال:
كيف ما تقسي على نفسك؟
علمني لاني حيل اقسي عليها
وماني عارفه انا ولاهي اللي تقسى علي
!!
ليش نتعلق بالماضي؟
أحيان اذا افتقدنا شي في الحاضر نلجأ للماضي ونتعلق بكل تفاصيله
يا هروب
يا وفاء لكل شئ حصل في حياتنا
!!
السعادة شي ابسط من ما تتخيل
تجده في ادق التفاصيل
وفي ابسط المشاعر
اما مسج فلانة
فاقسى ما يمكن ان يحس به انسان
انه اعطى قدر لشخص لا يستحق
!!
نعم هناك من يغير رايه اذا اقتنع
ولكنهم قله
تعدهم على اصابع اليد
لا تتشائم..ما زالت عندي مرونه ان اسمع واتغير مثلا:)
ولكن الغمنده كلها في كيفيه عرض الفكرة وتوقيتها
اماسالفة الكتابة
ربما..وتحت الربما خطوط
انه قطع كل كتاباته لانه يريد ان يكتب الافضل
او ربما لانه يجد حرجا في كتابة ادق تفاصيله وما يملي عليه قلبه ورووحه خوفا من اي تعليق قد يضايقه وهذا من حقه
!!
علامي تقلقصت بينك وبين نفسك وداحرتها
مادري
بس شدتني ساعات الصفا وايد اقدرها
:)
واى انت مو صج
من امس ادش اقرا و اضحك
تهبل
نرجع للاسئله
ليش الشياب تصير شحمة أذانهم طويلة و متروسة شعر !!؟
تقدر تقول اعادة توزيع يصلع الراس و تنبت الاذن
هل يمكن صنع جبن من حليب الأمهات ؟
قبل لازم تحط اليه للحلب
لوووووول
واذا سأل أحدهم عن مكان الحمام .. كيف تكون إشارته !!؟
يعتمد على الحاجه اللى يبيها
:q
لماذا عندما تلقي السلام على أحدهم يرد عليك بحرف واحد .. س !!؟
يمكن تصير له حيه
@@
هل الطيور .. تتبول !!؟
اذا قدرنا نحلبها بملقط راح تبول
:)
لماذا سوبرمان يلبس صرواله فوق هدومه .. و ليش لونه أحمر !؟
علشان يقول لنا انه عنده صروال
ويلبسه بره على امل انه ينطحه ثور
ويشوف القماش يحمى مؤخرته
لوووووووووول
مؤخرته
لوووووووووووووووووووووووول
مسموح يالى تعذر
صارت هالحاله حاله صحيه الواحد بين
الفتره والثانيه يدش فيها ويرجع بانتعاش .. ريح وصد الجو يساعد هالايام :)
وفعلا ما الومك على تمسك بالماضى لان الحاضر يتعب النفس والماضى بكل ما فيه احلى حتى بناسه وعلااقاته مهما كانت ذكراها هم احلى :/
وكان الله بالعون يا اوخيي العزيز
:)
لا تبطى علينا انت بس بهالحاله
بحفظ الله
عثماااااااااااني
يا سوبرمااااااني
لووووووووووووووووووووووول
و اخيرا نزل البوست ما بغيت يا خوي
و بعدين هالـ
bloglessation
ملازمك صارله مده.. يعني تقريبا سنه و انت حايشك امساك بوستات
شوف العام شحليلك كل شهر بوستين ثلاث
و هالسنة لاحول و لا قوة الا بالله بوست واحد بالشهر و ياللــــه بعد بالغصب!! مهي حاله هذي شوفلك خروع شوف لك شي تصرف
و بلنسبة لي أنا و نفسي
صراحه أنا وحده أتنحش عن نفسي و أحاول ما أقعد وياها
قول ليش؟
هااااا قلتلي ليش
لأنها ببساطة تأمرني بالسوء
لووووووووووول
مو زيييييييين تتوحد فيني نفسي مو زيييييييين العواقب وخيمة يا عثماني راح تصير هههههههههههههههه
فعلا يا عثماني متعة الماضي انه ماضي بس لا تخاف على الحاضر راح تتعلق فيه بس لما يصير ماضي
:)))
و السعادة طريق و ليست مكان نصل اليه فعلا ياليتنا ما ننسى هالشي و يكون على طول ببالنا
آنا ليش أكتب !!؟ و ليش أقطع معظم إللي أكتبه !!؟
لأن حجي ما ينقااااااااااااااال و غير صالح للنشر
لووووووووووووووووووووول
ماكو فايده فيك كل مره أطلبك تطرش لي المسودات و ليلحين كاشت فيني
ههههههههههههههههههه
مشكوووووووور يا عثماني طلعتني من المود اللي أنا فيه بهالبوست الحلو الله لا يحرمنا قول آمين
بس عاد التساؤلات
هذه بروحها يبيلها موووووووود خصووووووووصي
لوووووووووووووول
الحين يالعيار من ويييين يتلك هالتساؤلات و انت على قولتك كله لاهي و لويه و مشغوووول؟؟؟ متى و وييييين تطري عليك هالتساؤلات العبقرية و الجهنمية؟؟؟؟
لووووووووول
شوف سؤال سوبرمان عندي اجابه للشق الأول من السؤال.. بس الشق الثاني صراحة وهقني و ماني لاقيه الجواب.. صعب يا عثماني صعب
هذا سؤال المليون
لوووووووووووووول
الحين أنا بسأل سؤال:
عرفتوني و لا ما عرفتوني؟؟؟؟
:))))
superman yalbes sirwal 7amar fog his suit la'ana style w kaifa;p
amaa ta'sheer el 7amam;p ana agol bs khatsir ifkhoooth'ha w khalas;p tosal il msg;p
وايد تدقق :&
بس ترى خوش جلسه مع النفس
---
لو كانت
bloglessness
احلى من
bloglessation
p;
---
عوْدٌ أحمدُ
:)
ممكن اتعرف على نفسك؟
مساء الخير
اليوم كان المود
مش ولا بد
بس الحمدلله
تعدل يزاك الله خير
على خفة الدم
حوارك مع نفسك ان دل فأنه يدل على ذكاء.. لتمييز نقاط الحوار و اي منهم
يحاور بالعقل و اي منهم يرنو نحو السقوط ( تهبيط العزايم ) p:
انا عن نفسي و مع نفسي ..دايما في صراع
تعرف شد الحبل .. انا جذي مع نفسى
نادرا ما نصل الى عقدة المنتصف
بس ما قتلي منو اللي دايما يفوز ؟
انت ولا نفسك ؟
و نفسك تصير حق النفس اللوامه ؟
و متى حزتها ? p:
و على هذي ام المسج .. خل تنتحر
p;
تساؤلاتك فيها
some
red lines
ماعندي اي جواب
اكتفي
smile
D:
عاد انت وين كنت علشان اقرر شنو نوع الغنايم
يعني اذا كنت قريب من البحر نبي هوامير
واذا من البر خرفان ,وطبعا كل ما خف وزنه وغلا ثمنه
LOL!
تعليقي هو لا تعليق :)
حلات نفسك والله
تونس يبيلها احد يسولف وياها
ان شاءالله اوصل مع نفسي بنفس الصراحه وتعاتبني
الماضي حلو بكل ما فيه
يوم كنا صغار ما كنا شايفين شي من الي نشوفه الحين وما كان احد يحاسبنا مثل الحين
حلات قبل حلاتي قبل الغزو احب هالفتره
وعلى السعادة موجوده بس تبينا نحس فيها بكل شي نسويه بكل حركه همسه
نحس ان هالشي يسعدنا
طاااع منو الي ينصح p;
المهم
عجبني ردك على علانه اوبس قصدي فلانه
واكتب اكتب مع نفسك عنها
وحلو تشطب وتقطع الي كتبته مو معناته نقد كثر ما انت فضفضت كل الي بخاطرك وشطبته
بس ارسى وخلنا نشووف الي تكتبه
لا تتنيحس علينا وتنزل بوست بس بالشهر
وعلى علان خله يمكن امريكا تنفعه اكثر ما يدري ان هيبته بديرته وكرامته بديرته وعزوته بديرته حتن لا قست عليه ديرته تظل امه الحنونه الي تصبر عليه اكثر من خالته او عمته
قصدي ديره الناس
اقوالك مو لي للي يفهم بالسياسه اكثر D:
.....
اممم على التساؤلات غريبه والله
شووف الاجابه على حسب يمكن الشخص مينون ويرد عليك اجابات صح
ويمكن يكون عااجل ويرد كلام مو مفهوم
بس الاهم اني ماعرف الاجابه
لا تقول درجتي قلت لاني ما جاوبت :(
جنك بتطردني من كثر ما اسووولف لوووووول :)
عثماني وما ادراك ما عثماني
انت سمي اخوي الصغير
صج يوم قال دروازة يا حلوك
اشرايك تسلفني نفسك جم يوم عشان شوي اقدر اني امسك نفسي مع نفسك اللي ماتنبلع على قولتك مع اني اشوفها انها تنبلع ولا بعد غشمرجية هههههه
وسؤال ليش نفسك مؤنثة؟؟ ليش مو مذكر؟؟
شغلة وحده يا عثماني اللي محليك اهوا ماضيك فخلك على ماضيك
ترى والله ماكو احلى من الماضي
ساعات اقول حق نفسي جان زين انا من مواليد 50 او 60 عشان اكون حاسة بالماضي عدل مع ان يسموني العيوزة بس كان ودي اني اكون عايشة بالماضي عدل
فانا اقولك خلك من الحاضر اللي يعور الراس واللي مامنه فايده وتم على ماضيك الحلو
وبعدين ترى انت عايش بسعاده بس شكله مو مبينه السعادة بعينك عدل.. الظاهر انك تطمح الى سعاده اكبر من السعاده اللي انت فيها لانك حاط في بالك انك مو سعيد
وخلك صريح دايما مالك شغل بالناس لي ازعلوا .. كلام الصج ماينزعل منه بس هالناس دعله بسرعة يزعلون.. والله ماكو احلى من الصراحة واذا في احد صارحك بشغلة فيك فهالشي يساعدك انك تغير من نفسك للاحسن
والصراحة ماعندي اي جواب حق اسألتك لان يبيلها احد جرئ يجاوب عليها
بس سوبرمان الظاهر يحاول يستر على نفسه بهالحمر اللي لابسه لان لو تشوف اللبس الازرق يحسبه جسمه فهالحمر وهالخرجة اللي على جتفه يعتبرون ساتر حقه
وتكفه كلي رجا على قوله اخولنا البدو انك ماتقطع وخلك متواصل بكتاباتك الحلوة اللي محليها الملاقة اللي انت فيها
حيا الله اخيتي العزيزة استكانة
مساؤك سكر
والله مادري شسالفة هالحالة .. المشكلة اني اكتب .. بس كتابات ما تصلح للمدونة
ولماايي اكتب للمدونة .. اتنحر
:(
استكانة .. اياك و القسوة على نفسك
ان قسونا على انفسنا .. فمن نرحم ؟؟
النفس يبيلها مداراة .. و دلع
ويا الله نلحق راس وياها
تحليلج للماضي .. صحيح .. اعتقد انه هروب
هروب من زمن اعتقد انه .. اغبر
والسعادة .. لابد ان تكون موجودة .. في مكان ما
بالنسبة لفلانة .. سو خير و قطه بحر
قطع الاوراق يحصل .. لكن ابدا ليس بسبب التخوف من تعليق او رأي
بل لاحساسي برغبة جارفة ان انال رضى من يقرأ .. و انا اول قارئ لنفسي .. يجب ان اعجب بما اكتب
:)
كالعادة
نورتيني بمرورج الحلو
حافظج الكريم
حيا الله اخيتي براقش
بصراحة
بدعتي بالاجابات
هيهيهيهيهيهي
دام جذيه
اذا توهقت بسؤال
مالي الا براقش
:)
حافظج الرحمن
حيا الله اخيتي كاريزما
اي والله يا زين الماضي
كل شي فيه حلو
ذكرتيني بالمرحوم غريد الشاطئ على هالغناية الحلوة
لي معاها ذكريااااات
حافظج الرحمن اخيتي
وهل يخفى القمر !!؟
و من لا يعرف طنط بيربل ؟؟
:)
والله وايد انصحوني بخليط الهردة و الطرشي
يقولون زين حق حالتي
:)
نفسج هذي تخرع و انا اخوج
شكلها راعية مخدرات و مشروب
:)
ارد و اقول يا زين الماضي
و السعادة عمرها ما كانت مكان
مو 3 ارباع الحجي لا ينشر و لا يندز ... فضايح و انا اخوج ... فضايح
:)
و يلا ... جاوبي
ابي اجاباتج الجهنمية
حافظج الرحمن اخيتي
حيا الله اخيتي ام متعب
اي والله سوبرمان و كيفة .. احنا شكو ؟؟
هيهيهيهيهي
عجيبة سالفة الفخوذ
بس ترى خوش اشارة
:)
نورتي جبلة بمرورج
ولا تقاطعين
حافظج الكريم
حيا الله اخيتي ضاد
خوش ملاحظة على ال
Bloglessation
Bloglessness
وايد ادقق ؟؟
يمكن علشان الواحد ينحاش من الهم اللي عنده يفكر بهالسوالف الجهنمية ؟؟
:)
حياج الله يا الغالية
حيا الله اخوي العزيز ولد الديرة
نفسي ما تتكشف على رياييل
تبيها .. دش من الباب
سوالف تلفونات تالي الليل معاها .. ماكو
احنا محافظووووووووون
:)
حياك ربي عزيزي
حيا الله اخيتي منو ينسى
مسا الورد
عسى مودج دايما متعدل و زي العسل
انا و نفسي
آآآآه
بالنهاية هي اللي تفوز ... والحمد لله
بس نصيحتي .. لا اتناجرين مع نفسج وايد
النفس يبيلها من يداريها
و اما التساؤلات
خليهم يولون
اهم شي الابتسامة
:)
حافظج الكريم
حيا الله سويت رفينج
لا كنت في البحر و لا في البر
كنت معلق بالسما
:)
حافظج الرحمن
حيا الله
Ra-1
هيهيهيهي
و انا بعد
لا تعليق
حافظج الكريم
حيا الله
Swan beach
بالعكس
يا زين سوالفج
لا تحسبيني مينون
ترى صج اقعد مع نفسي و اسولف وياها
والمشكلة اني استانس
القعدة وياها .. ممتعة
بس ساعات يكون ما لها خلقي
عاد اوخر عنها
:(
جربي تسولفين مع نفسج .. وناسة
اما بالنسبة للنحاسة
صدقيني مو نحاسة بقدر ما هي رغبة بعدم الوصول الى مرحلة الملاقة
ما ابي اصير مليق .. كل يوم أنزل بوست
و اسئلتي ما عليها درجات .. تطمني
:)
حافظج الرحمن
حيا الله بنت بوند
خربتيها اخر شي الله يهداج
عيل طلعت مليق ؟؟
افا يا ذا العلم
بس مقبولة من بنت بوند
:)
والله يحفظ عثماني الصغير
و دروازة هذا صديق عمري .. الله يحفظه
ليش نفسي مؤنثة ؟؟
ببساطة .. لان النفس في اللغة اسم مؤنث
فنقول انها نفس .. ولا نقول انه نفس
صح ؟؟
:)
الحمد لله .. انا سعيد .. بس هناك منغصات .. الدنيا ما تخلى
حافظج الرحمن
و ان شاء الله ما اقطع
عجيب الحوار مع النفس .. ذكرني بحواري مع نفسي .. بس اهي تقسى علي شوي وايد تحن وتحاتي وتزف وتأنب واااايد جنها عيوز بايقيين عشاها ...
يعطييك العافية وايد استمتعت بقراءة مدوناتك
باول بارت جنك انا
مع بعض التغيرات الطفيفه
خصوصا لما اتييلي وحده
والله الديره مو مقدره امكيانياتي
شهالامكانيات الفتاكه
ماجنه الديره اللي هيأتلج الجو المناسب اللي ساعد بوجود هالامكانيات
ماكلين شاربين من خير الديره ودارسين بمدارسها
وبيهجون
البارت الثاني
تدرين ان في شحنه كتب يايبينها ناس من 3 سنين تقريبا
للحين الرقيب ماخلص منهم عشان يسمحلهم او يمنعهم
البارت الاخير
مادري شقول
نوكومنت
هههههه نسيت انك قايل عن نفسك مليق؟!!
وبعدين انا هم مليقة فصفة الملاقة صفه حلوة والله واهيا اللي تحلي الواحد
وعدل كلامك بالنسبة حق النفس انها مؤنثة
مهم انه الواحد ما يتحسر على الماضي و لا يفكر بالمستقبل لكن عليه ان
يعيش الواقع
لا تفكر بالماضي وايد لانه ما راح يرد
ال
smile
دايما موجودة
ونحن في ارجاء
هذه المدونة
الحلوة
المود
زي العسل
زي العسل
D:
بس امس كانت الجلسه مع النفس
مو مناجر الا معافر
يكافينا الشر
pppp;
حيا اخيتي
Sky
اولا مشكوووورة على الكلام الحلو بحق المدونة
ثانيا نفسج ما تنلام
من حرصها عليج
:)
حافظج الكريم
ولا تقاطعين
حيا الله اخيتي سنعة
البارت الاول
هالناس مادري شلون يفكرون
انا ما عندي مشكلة ان الواحد يشتغل برة اذا كان نمط الحياة بالكويت مو عاجبة
بس ان بسافر لان يحس نفسة اعلى من مستوى الكويت .. هذي كارثة
البارت الثاني
ااااه من هالرقيب
البارت الاخير
هم .. نو كومنت
:)
حافظج الرحمن
حيا الله بنت بوند
خوش
مدام طلعت خوش صفة
عيل انا ملييييييييييق
:)
حافظج الكريم عزيزتي
حيا الله اخيتي
Peace
صحيح ما راح يرد
بس حلو ان الواحد يسترجع بعض الذكريات الحلوة
و يبعد من خلالها عن البيئة الزفرة اللي عايشينها هاليومين
:(
حافظج الله اخيتي
و لا تقاطعين
حيا الله الغالية منو ينسى
اخ... معافر ؟؟؟
لا يحوشك
عسى محد تعور؟؟
:)
فرحتيني والله بكلامج عن مدونتي المتواضعه
و عسى المزاج دايما
زي العسل
زي العسل
:)
حافظج الكريم
الله يحييك انشاء الله
وانا مايبت شي من عندي والله كلمة الحق تنقال
وانشاء الله ماراح نقاطع .. انت بعد لا تقاطعنا :)
سلامتك من الإمساك التدويني وان شاء الله ما يطول المرض و تنفرج .. ذيك الساعة حتى المدونة ما تكفي اسهالك التدويني
:P
تساؤلات غريبة .. و عجبتني جملة
-----------------------
مازلت أعتقد بأن هناك القلة من الرجال الأذكياء و الدليل .. عدم انقراض العزاب
-----------------------
تحياتي
hehe
عثماني هذا انت تغط وترجع بنفس سوالفك
اما التساؤلات اللي بنهاية البوست بصراحه مالها اجوبه
عيدك مبارك وتقبل الله طاعتك
لووووووووول تساؤلاتك عجيبه
انصحك دامك بالكويت
لا تتسائل ولا تستغرب
فهذي ديرت العجايب
و بالنسبه لسوبر مان اتوقع انه شاذ :)
خوش حوار..
شوقتني إني أكتب حواري معاها..
بوست ممتع إستمعت كثيرا بقراءته..
عيدك مبارك وعساك من عواده
كل عام و انت بخير
p;
still
زي العسل
كله من
blogek
P:
عيدك مبارك
هذا اللي يقعد وايد مع نفسه ويعطي نفسه ويه وايد جذي يصير فيه يوصل للمرحلة اللي يسأل فيها أسئلة مو بالمقرر
عيدك مبارك وعساك من عواده
حيا الله اخيتي
Sky
جزاج الله كل خير
اخجلتم تواضعنا
:)
وان شا الله ماكو قطاعة
حافظج الرحمن
و عيدكم مبارك
حيا الله اخوي
Kuw-son
الله يسلمك يا الغالي
والخوف يصير طفوح تدويني
:)
وانا اشاركك اعجابي بتلك العبارة
تحياتي لك
وعيدك مبارك
حيا الله اخيتي نسكافيه
و عساها سوالف تسعدكم
عاد اشدعوة انتي ما تغطين ؟؟
ترى هم نشتاق لبوستاتج الحلوة
كل عام و انتي بخير اخيتي
حافظج الرحمن
حيا الله اخيتي بنت الشامية
ايامج سعيدة
و كل عام وانتي بخير
حافظج الكريم
حيا الله اخيتي شيمووونا
اي والله ديرة العجايب
والله وارد جدا ان يكون شاذ .. انا سمعت عنه وايد شغلات
بس سوبرمان و كيفه
:)
حافظج الله اخيتي
و كل عام و انتي بخير
حافظج الرحمن
حيا الله اخيتي مستعدة
وانا بانتظار قراءة ذلك الحوار مع النفس
و انا استمتعت بتواصلكم مع كلماتي المتواضعة
عيدج مبارك
وكل عام وانتي بخير
حيا الله اخوي
Eng-Q8
ايامك سعيدة يا الغالي
وكل عام وانت بخير
حافظك الكريم
حيا الله اخيتي منو ينسى
و انتي بخير و صحة وسلامة
وعيدج مبارك
و عساه دوم زي العسل
:)
حافظج الرحمن يا الغالية
حيا الله اخيتي
Tweety
اي والله
شكلي استخفيت و انا مادري
:)
كل عام وانتي بخير
حافظج الرحمن اخيتي
كل عام وأنت ومن تحب بخير
فرناس
عيدكم مبارك و عساكم من عواده انشاء الله
لوووووووووووووول
تساؤلاتك محصلتش بدماغ انشتاين
عيني عليك بارده :P
بس للاسف ما عندي عليها اجابه :))
كل عام و انت بخير اخوي
و عيدك مبارك :)
عيدكم مبارك
كل عام وانتوا بألف خير
وعساكم من عواده
:")
عثماانى يا عثماانى
:))
عيدك مباارك يا اخوييي
كل عام وانت بالف خير عزيزى
تعووده بالعفو والعاافيه
مساالورد والجوري
عزيزي الغالي
عيدك مبارك
وعساك من العايدين والفايزين
وعلي جبل عرفاات السنه اليايه من الواقفين
قول آمين
:))
عيدك مبارك
وتقبل الله طاعتك
عيدك مبارك
و كل سنه و انت بخير
:)
عيدك مبارك وكل عام وانت بخير عثماني:)
عيدك مبارك حجي عثماني :)
حيا الله اخوي فرناس
وانت بخير و صحة و سلامة
عساك من عوادة
حيا الله اخيتي sky
وانتي بخير و صحة و سلامة
عساج من عوادة
حيا الله الغالية قلب طفلة
كل عام وانتي بخير و صحة و سلامة
و عساج من عوادة
و صج .. مادري من وين يت هالتساؤلات
حافظج الله
حيا الله الغالية ZooZ ZaibG
كل عام وانتي بخير و صحة و سلامة
و عساج من عوادة
حافظج الله
حيا الله الغالية كاريزما
كل عام وانتي بخير و صحة و سلامة
و عساج من عوادة
حافظج الله
حيا الله الغالية فراولة
كل عام وانتي بخير و صحة و سلامة
و عساج من عوادة
حافظج الله
حيا الله الغالية قصة خيال
كل عام وانتي بخير و صحة و سلامة
و عساج من عوادة
حافظج الله
حيا الله الغالية ضاد
كل عام وانتي بخير و صحة و سلامة
و عساج من عوادة
حافظج الله
حيا الله الغالية سويت ريفينج
كل عام وانتي بخير و صحة و سلامة
و عساج من عوادة
حافظج الله
حيا الله الغالية بيربل
كل عام وانتي بخير و صحة و سلامة
و عساج من عوادة
حافظج الله
في الكويت بدأت اقتنع أن الصوت العالي هو الفائز
إيــــــــه يا عثماني الشكوى لله وانا اخيتك
عجبتني قعدتك مع نفسك ،،،
حوار صريح بس يحليلها شلختك عدل وانت ياحليلك مطاوعها
يبا خلها تحاسبك مو تشلخك
___ تصدق عاد ان اغلب مشاكلنا بالكويت اهي بسبب غياب الحوار مع الذات ---
يتصل عليك احد عندي مشكلة وتفضي حالك وتجابلة من يبداء يقولها يطلع له الحل من نفسة ... وين المشكلة انه ماقعد مع نفسه ،،،
ويبا الموضوع خلوة شرعية (: مافيها محرمات ولكم ياجماعة بالاخ عثماني قدوة (:
اما عن تساؤولاتك فصراحة ابداااااااااااااااع ووييييييييييييييع
بس هم ذكية (:
ما في أحلى من الصراحة مع النفس
تخلينا نرتاح وننسى كل ما مرينا فيه
ههههههههههههههههههههههههه
بس أسئلتك مو طبيعية بالأخص سؤال سوبر مان
خليتنا اتنساءل وياك !
:)
كل عام وانت بخير
LOOOOL
عثماني جد سوالفك ما تنمل ...
على فكرة نفسك حكيمة P;
جنج تأخرت
ولا انا مستعيله
p;
نبي بوست ..والله
نحتاج خفة طينه
تدري هالايام صارت عملة نادرة
دوما بالانتظار
:)
حيا الله اخيتي هذيان
اي والله
الشكوى لله
:(
حافظج الكريم يا الغالية
حيا الله مركبنا
اي و الله شلختني
بس مالي غناة عنها
:)
تدري وين المشكلة ؟؟
ان نعتقد ان احنا اقدر الناس على حل مشاكلنا بدون لا نقعد مع غيرنا او حتى مع نفسنا و نراجع اوراقنا
اسعدني فعلا مرورك الاول على مدونتي المتواضعة
و اتمنى ما تكون الاخيرة
حافظك الكريم
حيا الله اخيتي كبرياء الوردة
الصفاء مع النفس متعة
ولكن اغلب الناس مو مستمتعين فيها
عساها دوم هالابتسامة
:)
حافظج الرحمن
حيا الله اخيتي ريلاكس
و انتي بخير و صحة و سلامة
و ضروري نبتدع هالاسئلة الحلمنتيشة بين فترة واخرى
:)
حافظج الكريم
حيا الله اخيتي
a
ساعات تصير حكيمة
و ساعات تصير رقاصة
على حسب الموود
:)
و الله يجعل سوالفي دوم ما تنمل
و اكون عند حسن ظنكم
:)
حافظج الرحمن
حيا الله اخيتي الغالية منو ينسى
لا ما تأخرت
ولا انتي مستعيلة
:)
بس البوست اليديد جاهز على الورق
و ناطر ان اييني مود سنع و اطبعة على اللاب توب
عاد ما يندرى
بوست خفيف طينة
والا بوست يضيق الخلق
حافظج الرحمن اخيتي
ههههه تصدق مره جابلت نفسي بس خمس دقايق و لاعت جبدي و قمت و خليتها تولي
حيا الله اخوي انسان بسيط
افا يا ذا العلم
كل شي ولا نفسك .. هالله هالله فيها
ترى تستاهل كل خير
:)
It seems my language skills need to be strengthened, because I totally can not read your information, but I think this is a good BLOG
Some of the content is very worthy of my drawing, I like your information!
I think I come to the right place, because for a long time do not see such a good thing the!
After reading the information, I may have different views, but I do think this is good BLOG!
See you in these things, I think, I started feeling good!
Sports Net
Although there are differences in content, but I still want you to establish Links, I do not know how you advice!
Cargo Net
I think I come to the right place, because for a long time do not see such a good thing the!
Farming Net
I think I come to the right place, because for a long time do not see such a good thing the!
Farming Net
able556
bay582
nit5489
pastor6475
ream6243
naughty ;) ماكو إجابات على التساؤلات
بس الحمد الله انك بتحسن وعقبال الشفاء التام .. أجد الكل يدعو لك .. وأجدني أدعو لك معهم .. لا أعرف كيف ولكن روحك ماشالله طيبة .. يظهر ذلك من خلال ما تكبت
أهم شي اني كتبت التعليق قبل لا اكمل ... حاشني هالمرض قبل بس تشافيت منه .. مو بكيفي ..
بس جميل حوارك مع نفسك ..
موفق
يا حيا الله اخيتي الوتين
لا والله ماني naughty
بس احب اتحرش
:)
مشكوووورة على كلماتج الطيبة بحقي
و هذا من معدنج الطيب
:)
إرسال تعليق