17‏/12‏/2008

في المسجد


تنويه .. قد تكون مقالة اليوم سببا ً للوعة الكبد للبعض .. أنصح أخواتي الحوامل و مرهفي الإحساس بالتوجه الى مدونات أخرى

رسالة الى مصل

عزيزي المصل الذي أدى صلاة الظهر الى جواري في مسجد العوضي في منطقة شرق يوم أمس

تحية خايسة و بعد

ممكن تسمح لي بسؤال ..آنا شمسوي لك !!؟ بايق حلال ابوك !!؟ آنا حالي حال غيري من هالمسلمين اللي يروحون يؤدون صلاة ربهم .. بعد صلاة .. يعني صلاة .. خو بعد صلاة .. خو بعد ما يصير ما أصلي .. والا تبيني ما أصلي !!؟

ليش سويت فيني جذيه .. ليش !!؟ يا حياتي .. تدري انك داخل مسجد ، و هم تدري ان بكون حواليك بشر ، واحد على يمينك و واحد على يسارك ، و احنا ترى بشر .. مو جواتي

ليش ماكل ثـوم .. ليش !!؟ ليش تلبس دلاق " حزر " .. ليش !!؟ ليش تقعد إتاغر .. ليش !!؟ ليش مو متسبح .. ليش !!؟ و ليش تلصق فيني كل ما وخرت عنك .. ليش !!؟ ليش تحط ريولِك الدبقة على ريولي .. ليش !!؟ يخرب بيتك .. و البيت اللي يم بيتك .. و يخرب فريجكم كله

يا حبيب قلبي .. إذا إنت قذر لا تصلي في المسجد ، و اخذها مني .. إذا هذي حالتك صل في بيتكم و راح تكسب أجر مضاعف .. يا خوي أذيه المسلمين حرام .. و آنا مسلم .. مو سيكي ، تدري ان ثلاث أرباع صلاتي قاعد أدعي عليك !!؟ حسبي الله عليك .. يا نتن

ما لاحظت اني مخلي بيني و بينك " فجة " شبرين !!؟ ما لاحظت شلون خزيتك بعد ما خلصت الصلاة !!؟ ما دريت إن المصلي اللي كان على يمينك قال لي بعد الصلاة ..أعوذ بالله .. هذا آدمي والا خنزير !!؟ ترى يقصدك إنت .. إي إنت خنزير ، يا خوي الله – سبحانه و تعالى – خلقك بني آدم وكرمك عن بقية خلقه ، فليش تحاول إنك تنفي عنك صفة الآدمية لتتحول الى .. دبشة !!؟

عزيزي .. اعذرني على رسالتي هذه ، لكني محتر .. تصدق !!؟ ليلحين أشم ريحتك .. لا بارك الله فيك ولا بريحتك .. يا الخايس

روائـح

و بمناسبة الحديث عن المساجد ، فيا عيني على المساجد في شهر رمضان ، عامرة بالمصلين و المعتكفين ، و تعبق برائحة البخور و الطيب ، ولكن عبق البخور لا يقوى على الانتصار على روائح أخرى

أخواننا الآسيويين و الأفارقة و بعض الكويتيين .. ما شاء الله عليهم ، يواظبون على الصلاة في المسجد أكثر من مواظبتهم على الاستحمام يوميا ، وهذا أمر يؤدي الى مشاكل خطيرة على صحة المجتمع الكويتي

فمثلا نجد أن الأعزاء الآسيوين الطبابيخ " جمع طباخ " يأتي أحدهم للمسجد و رائحة حمسة البصل و الفلفل تفوح منه .. فإذا أضفنا اليها رائحة الصنان و العرق الموجودة أصلا بجسده .. فكيف ستكون النتيجة يا ترى !!؟

هناك وجهة نظر تبنتها إحدى دواوين العديلية خلصت الى أن رائحة الأباط الآسيوية – الدلادق و مفردها دلدق – قد تعادل بمفعولها مادة الإنثاراكس المميته ، و أن أباط مصل أفريقي ما تسبـّح لمدة يومين بإمكانها أن تقتل رجلين ، و هما الرجلين الذين أديى صلاتهما على يمين و يسار صاحب الإبطين " نحسبهم شهداء إن شاء الله " ، كما أن جوارب – دلاقات – المصل الكويتي الذي نسي ان يخلعها لمدة 48 ساعة تكون سببا لاصابة عدد من المصلين بشلل الاطفال و الكساح

الحـان

جميلة هي الموسيقى ، و جميلة أيضا تلك المقامات الموسيقية .. صبا .. نهاوند .. حجاز .. بيات ، وهي مقامات جميل أن نستمتع بها عبر الغناء ، و الأجمل أن نسمعها عبر أصوات قراء القرآن الكريم ، و لكني إكتشفت أن هناك من يستخدم هذه المقامات في غير الغناء ولا التجويد

أذكر عندما كنت صغيراً .. وجميلاً ، وعند بداية عهدي بالصلاة في المساجد ، اصطحبني والدي – رحمه الله – الى أحد المساجد القديمة ، و أقيمت الصلاة و صليت مع المصلين و فجأة ... سمعت صوتا ً مرعبا ً، هز أركان المسجد و كان مصدره أحد المصلين الشياب
تييييييييييييييييع .. تااااااااااااااااااغ .. فعلا اخترعت ، وبعد هذه الحادثة ، علمت أن بهذه الدنيا شيئ يدعى .. التغرة " الزغطة "

كبرت ، و كبرت معي هواية تحديد المقام المستخدم لكل تغرة من تغرات الأخوة المصلين ، فهناك تغرة حجاز ، وتغرة نهاوند ، و تغرة صبا .. وهي أكثرهم عذوبة و جمال

وقوة التغرة و عنفوانها لدى المصل الصائم تختلف عنها و هو مفطر .. و تغرة المريض ليست كتغرة السليم ، و تغرة السمين لا تعادل تغرة العصل ، فمثلا .. تغرة الصائم تكون ذاوية و بصوت خجول ، أما بعد الافطار فتكون تغرة المصل مليئة بالقوة ، وذات صوت جهوري و نفس طويل .. و كأنها مواويل كوكب الشرق

أما بشأن الرائحة المصاحبة للتغرة فمنها يمكنك – و بسهولة – أن تعرف ماذا تناول صاحبها من طعام ، إن كان " جريش " مع topping بصل ، أو مطبق زبيدي و لحفه بفلحين بطيخ ، أو مموش مع حشو ربيان

ملاحظة .. أعلم ان احتمال ان يقرأ الشخص المقصود هذه الرسالة تعادل 0 % ، الا اني كتبتها لاني محتر .. وحايشتني لوعه .. بس

‏هناك 192 تعليقًا:

دروازة يقول...

اخيي وعضيدي عثماني

عاد يا حبك انت لاصحاب الروائح الكريهة ويا حبهم لك!!

وين ما تروح يطلعون لك

تذكر ذاك الخنزير العود اللي كان معانا بالكلية!!

صاج يا خيي

مشكلة الناس ما تحشم المساجد ولا تعطي للصلاة قيمتها وهيبتها...

المساجد يفترض تكون أطهر أماكن على الأرض

الا انهم دنسوها بوساختهم الشخصية

بعضهم تدري شيسوي ... يقعد عقب الصلاة ينخم ولا ينقف!! ياعمي اذلف برة وسو اللي تبيه بجهازك التنفسي بس احفظ قدر المكان وارحم المسلمين اللي حواليك من بلاويك!!

أزيدك من الشعر بيت

بالديرة اللي أنا فيها

يدشون المسجد وجواتيهم بيدهم يحطونها يمهم وقت الصلاة والا جدامهم علشان لا تنباق!! واهم كل مشاويرهم كعابي!! فعليك الحساب!

حسبي الله ونعم الوكيل في كل من يدخل المسجد ولا يحشمه!!

الزين يقول...

وااااي


وااااي واااااااي


عثماني سلط الله على ابليسج


ورانا غدا

صج انك حاط تحذير قبل البوست حالة حال التدخين

بس بعد ابن آدم كل ممنوع مرغوووب


الله يعينكم


من هيك سوالف انا ما اوطوط المسجد برمضان

صلاتي في بيتي ابرك بدويرتي شحلاتني

وريحة البخور تعطعط

ولا احد يزاحمني

ولا احد يكح يمي

او ينف .... او يدوس على ريولي

او يحط كوعه بضلوعي


عاد الله خير هالنماين وايدين

الله يعينكم انتوا الرياييل


انزين يعني انا عندي سؤال

يوم انك ما تحملت الريحة

سلم وغير مكانك

وكفي المؤمنين شر القتال

انت زين ما اغمى عليك


وخسرت اجر صلاة الجماعه لأنك بعد ما خلصت ذميت بجارك والله يارك


:))))


انت قبل لا تكبر مره ثانية

تأكد من اللي يمك

هذا احسن حل


وسلامتك الف سلامه ما تشوف شر

صبا يقول...

ويييييييييييييع

ويييييييييع


عثماااااني

حراام عليك وراي غدا

مو غلطتك غلطتي الفضول ذبحني بعرف شالسالفه ؟؟؟

ويييع

انزين جان نزلت البوست بالليل
وااايد احسن


كرهت اسمي

صبا ليش ذاكره بهالبوست :((
حرام عليك ؟؟

دروااازه

طينتها بطينه وكملت علي بوست عثماني
ويييع


يا ناس
يا هووووو

النظافه من الايمان
تسبحو تنظفو
الصابون ما يكلف شي
والماي موجود والحمدلله

محاربتك ....يا عثماني بيك

درواااااازه ليش قاعد بمكاني
انا دافعه في خلو
؛)

عثماني
ويييييييع
:(

Eng_Q8 يقول...

بيني وبينك ما اصلي الا بمسيد ثقه غير هذا اصلي بالبيت ابرك

يعني مالك امل ادش مسيد بالصناعيه والا مكان في جاليات

عثماني يقول...

حيا الله الغااالي دروازة

تصدق ؟؟

مادري اشفيهم علي ؟؟

الله ما يسلطهم الا علي

تصدق ؟؟ من طريت ذاك اللي معانا بالكلية .. شميت ريحته

:(

لا و ازيدك من الشعر بيت

ذاك اليوم اكو واحد قاعد يقص اظافر ريولة بالمسجد

و انت الله يعينك ..خو انت اهل ديرتك وصخين خلقة .. الحين جواتيهم يدخلونها المسجد !!؟

حافظك الله يا خوي

Sweet Revenge يقول...

الحمد لله ان احنا نروح المسيد بس في رمضان
ماعمرهم اسمعوا "خُذُوا زِينَتَكُمْ عِنْدَ كُلِّ مَسْجِدٍ".

ماقلنا نبي زينه بس نظافة لا اكثر ولا اقل

تكبر وتنسي عثماني :)

عثماني يقول...

حيا الله اخيتي الغالية الزين

اي والله الله يعينا و انا اخوج

خياس .. خياااااس

شي ما تتصورينه

الزين الله يهداج .. بعد ما يصير اقطع صلاتي علشان واحد مروح يمي

بعد الواحد ودة ان صلاته مع ربه ما يقطعها شي

بس فعلا حسيت بدوخة

يخرب بيته

ثانيا صعبة اقعد اشمشم كل واحد ياي يصلي

مو عدلة وانا اخوج

و ساعات ادخل المسيد و الصلاة بادية .. فماكو وقت اشمشم

بالنهاية الشر ما ييج

و ادعي لي الله يرزقني بناس روايحهم بخور و طيب

حافظج الرحمن

عثماني يقول...

هلا و غلا بصبا

هيهيهيهيهي

الله يهديج .. مو انا الوييييع

هذول هالبشر اللي مادري شلون عايشين

هيهيهيهي

عاد اسمج خووووش مقام

بس صج .. اكو شايب بكيفان تغرته على مقام الصبا

اشعليه .. من قدج ؟؟

:)

و انا و دروازة ياما شفنا الظيم من هالنماين

واي خلو اللي قاعدة اتكلمين عنه ؟؟؟

ما وصلني شي

حافظج الرحمن صبا هانم

عثماني يقول...

حيا الله اخوي
Eng- Q8

شكلي والله اعلم بسوي مثلك

بس واضح انك منقرص

زي حلاتي

:)

حافظك الله عزيزي

Enter-Q8 يقول...

عثماني
المشكله هذي اللي حصلت معاك حصلت مع كثير مننا
لدرجة اني قطعت صلاتي و ما قدرت
و وراها لحقني كم واحد
حتى الربع اخترعوا عبالهم حاشني هبوط سكر بالاول
لكن لما صفوا يمه افهموا السالفه

بأختصار شديد
اقول لهالفئات
شيئ جميل انك تعبد ربك و تواظب على الصلاة ببيت الله
لكن الا تعتقد انك رايح تقابل اعظم شيئ في الوجود و خالق الخلق
لو رايح بتقابل مديرك او شيخ او وزير
بتدخل عليه بنفس هندامك و اسلوبك اور رائحتك
انا غيرت المسجد اللي اصلي فيه
و سالني جاري ما اشوفك قلت له علشان هيك و هيك و هيك
ثاني يوم الا اهو وياي

ميرامار يقول...

بوستك يضحك بس قاتل

حسافة علي ما قدرت اكمله

مادري شلون يقولون النظافة من الايمان موديلهم دينهم على كيف كيفهم

قاتل

قاتل

:(

عثماني يقول...

حيا الله اخيتي
Sweet revenge

والله كبرت

بس ليلحين ما نسيت

:(

اي والله

كافي النظافة

بس نبيهم يسبحون مرة باليوم

مو اكثر

حافظج الله اخيتي

صبا يقول...

عثماني

شايب بكيفان .....!!

ويييييييييييييييييع

عطني مقدم الخلو الي عطيتك اياه من قبل جم شهر ....يالله بسرعه

ومابي اعلق بالمركز الاول عندك

مابي اصير كبش فدااااا

دروازه يتحمل المقامات الموسيقيه

الله يعينكم يالرياييل الي تصلون بالمسيد
اول مره ادري عن هالسوالف القشره والمقامات الهبانيه ويييييييييع

`~MnO YeNSa! ~` يقول...

الله
ياخذ بليسك
!!!!!!
انصدمت
و انا بدوام الحين
حتى لاعت جبدي من الشغل
قمت اتعبر!!
شنوووووووو هذاا
:(

لا لا لا
مابي هالبوست
:(
الحبن انا
ياية ركض
بقرا البوست
قريت التحذير بس قلت شدعوة
ماكو الا العافية

بس شكلها العافية راحت
كلهااااا
p;

الله يعينك اصلاا
هذا واحنا بس
قاعدين نقرا البوست
لاعد جبودنا .. زين ما يغمى علينا
عيل شلوووون
بالصج !!
لا انت ترى

مجــــــــــــــــاهد
و اعطيك وسام
القوة
S.S.MAN
P;
super,superman

عثماني يقول...

حيا الله اخوي
Enter-Q8

يا خوي انا مستغرب

بهالديرة ماكو ارخص من الماي و الصابون

مادري ليش اكو ناس محاربين النظافة؟؟

و مثل ما قلت .. هذول ماخذين الصلاة عادة .. مو عبادة

و الله الهادي

و خطاك السو على المروح اللي صلى يمك

:)

حافظك الرحمن عزيزي

عثماني يقول...

حيا الله اخيتي ميرامار

شكلج يا حامل

يا ذات احساس مرهف

:)

الجماعة شكلهم يشوفون النظافة من الكماليات

ويالله ارحمنا

حافظج الرحمن

JooJ o MaJooJ يقول...

لوووول أشوني بنت او ماصلي بامسيد..وييييع جان مسكته لمن خلصت صلاة او قتله بدال لاتلوع جبودنا :p
تلاقيه سوري نجار ولا بنغالي
جوووج

عثماني يقول...

صبا

لا تخليني اسجل لج تغرة الشايب مال كيفان و اسمعج اياها

اتصور راح تطيحين غشيانه

و مقدم الخلو اكال من هالشق الى هالشق

و بتعلقين عندي بالمركز الاول غصب طيب

شنو ؟؟ تحسبين بكيفج السالفة

بس ميخالف دروازة غلط هالمرة

سامحيه

و المرة الثانية استعيلي شوية

:)

عثماني يقول...

حيا الله اخيتي الغالية منو ينسى

علشان تعرفون المعاناة اللي نعانيها احنا الرياييل

ثانيا انا جم مرة احذركم .. بس ما تسمعون الكلام

شسوي يعني ؟؟

منو ينسى .. ممكن طلب ؟؟

طبعي البوست و علقيه عندج بالمكتب

ممكن ؟؟

:)

حافظج الكريم عزيزتي

عثماني يقول...

حيا الله الغالية جووج

علشان تعرفون النعمة اللي انتوا فيها

ما ابي اقول جنسيته

اخاف يقولون عني عنصري

و انا مو ناقص اتهامات

حافظج الله عزيزي

q8_el5air يقول...

كااااااااااااااااااااااك :)

يالله هاردلك اخوي !!

تعيش وتاكل غيرها !!


والله ان كلامك موعدل الا عدل العدل .. استغفر الله يطيرون من الواحد صلاته !!


ولا عاد المقاولين والي يبنون !!

عاد هذولي استغفر الله سالفة ثانيه !!



وين الله جميل يحب الجمال .. !!


الواحد لو راح حق مسؤل تلقاه يتزقرت ويتعطر وبعضهم يتمكيج !!

و بعض الناس الله يهداهم امثال الي صفط يمك وعطاك المقسوم !!


لا يحوشك .. طيرااااان ابعد عنه !!


هذا نفس واحد من الربع عنده هاشغلات دقات !! ..

يخليك توقف يم واحد ريحته تشمه على بعد اميال !!


و لا عزاء لدهن العود ..و ل غريد ( ريحتي المفضلة ) :)

وتحياتي ...


ويسلمواااااااااااااااا :)

`~MnO YeNSa! ~` يقول...

لا لا
انت اصلا بطل
كلكم ابطال

وليششششش
حاط المقامات
الله ياخذ بليسك
تأزمت
P;


اطبعه
لا
مش ممكن !

ليش
تبي الناس ما تدش مكتبي

ولا
fOR EVER
اكره الشغل
و
ما اشتغل


اختر الاجابة
P;

لااا
والPRINTER
بالالواااااان بعد
لا مابيييي

P;

ZooZ ZaibG يقول...

هذا دليل ان عندك ذاكرة خاصة بالرائحه

انا اتذكر الاصوات وايد

أحمد الحيدر يقول...

الله يسامحك خليتني أحس الريحة طالعة من الشاشة :))

بس فعلا موضوع مهم ..

وماكو الا تاخذ معاك كلونيا المرة الياية .. جود يفيد :)

RoOra يقول...

weee3!
almshkela tawne mt'3dya Oo La3t chbde bs still mo9era agra alpost kela ! ;S
تغرة صبا .. وهي أكثرهم عذوبة و جمال
LOL! asta'3fer alaah shino hathel ;X

nanonano يقول...

تصدّق نفس الشعور بالضبط أييني مع الحريم زيد عليها خورة الحجابات و بقايا طيب محزّر..مو تييني اللوعه بس..حتى راسي يصكني

بس ما قريت و لا راح أقرا حق أحد عطى هالموضوع حقه مثلك من قبل

Kuw_Son يقول...

لك طريقة عجيبة في إيصال المعلومة .. لدرجة ان حسيت بشعورك !

أنا قبل لا أكبر .. و أنا داش المسجد أتخير المكان اللي أصلي فيه و الناس اللي ممكن أوقف يمهم .. و مرات ما تضبط لأن الشكل ساعات يغرك لكن إن وقف يمك تلاقيه ناسي يحط ديودرانت ! ولا مكثر ممنوعات على الغداء !

مسجدنا خبزت الناس اللي فيه و عرفت منو اللي أصلي يمه و منو اللي ما أصلي يمه .. و منو أصلي يمه صلاة العصر و منو لأ !!

و الوهقة غذا انت بطرف السطر و ياك واحد و كبر يمك .. بعد هني انت و حظك ولاحول و لا قوة !

و حركة الفجة شبرين بيني و بين اللي تتضح ان ريحتهم تبط الراس .. شي طبيعي و مستحسن لإنقاذ خشوعك في الصلاة !

موفق

swan.beach يقول...

@_@

ههههههههههههههههه


لا حول ولا قوة إلا بالله
الله يعينكم ما اقدر اقول اكثر من جذيه توني راده من حج

بس جد جد موضوع يموت ضحك
الله يساعد كل المصلين بالمساجد

عثماني ما ألوومك عندكم وعندنا خير حتى الحريم اسم الله عليهم
بس بس ما يصير احش
استغفر الله استغفر الله

لووووووووووووول

P;

عاجــل يقول...

ذكرتني بريحان

مال قرقيعان

shakshaka يقول...

ما يدرون ان الواحد عشان يصلي لازم يكون نظيييييييييييييف من الداخل و الخارج .... بس وين اللي يفهم هذول دبش!


ذكرتني باللي يعتكفون ايام الدراسه خو بالديره هذيج حتي حريمهم يعتكفون وهات يا روايح...الريحه بس تسكر تخليييييك تغيب يا عثماني اتوقع انك تحتاجها هالايام :P

Kuwait يقول...

لووووووووووووووووووول ..
عثماني ..
انا مره برمضان كنت أصلي الجيام وصلت لمرحله مادري شنو قاعد يقول الامام من ريحة الي يمي ..
فكرت يا أقطع صلاتي أو أقطع صلاتي ..
على طووووووووووول قطعتها وطلعت رديت البيت :\
هذا والله يقول " خذوا زينتكم عند كل مسجد "
ذول يطبقون خذوا خيستكم استغفرالله :(

ma6goog يقول...

مايخالف

بس مو كل الناس عندها قدرة على السباحة بشكل يومي , اكو ناس ساكنين 14 واحد بغرفة وحدة و يتشاركون بنفس الحمام , يعني على مل يوصله الدور يبيله 3 ايام


عندي اقتراح ان يكزن في ركن للعطور عند باب المسجد و تكون هناك سنة - بدعة - جديدة و هي رش رشتين و انت داش عند الباب

سواء عطور او دهن عود او حتى ماي ورد

تقبل الله

Salah يقول...

:)

شموديك شرق؟

حسافتج يا كويت يقول...

jتوني متغدي ولاعت جبدي


ليش ماتحط تحذيرات قبل القراءه؟؟


الحالة اللي صادفتها نصادفها فيكل مسجد مع الاسف ومالها حل


خلااااااااص انا قمت ادور اللي شكلة نظيف واصف يمة

بس يقول...

مسيك بالخير

يا نحاستك وييييييييييييييييييييييييييع لاعت جبدي وقمت اشم ريحت الطباخ من فوق :((((((

دور واحد شكلة نظيف و قطيف واوقف يمه اشلك بالقلق :(

على فكره ترى حاى اك بنااااااااات فبهم روايح وعاديين نفسهم بنااات الله يزيد النعمة ؟؟

الحمدلله و الشكر الله لا يبلانا !

nikon 8 يقول...

إذا دخلت أي وزارة راح تشوف المصلي في مكان واسع مثل المدخل ولما سألت ليش ؟ قالوا لي لأن بعض المصلين صاروا ينخنقون من ريحة دلاقات ( وليس الدلادق لأن لها قصة ثانية )البعض الآخر من المصليين
:(

مدونة معتكفة يقول...

عثماني

ايــــــــــــــه كبيره ... قلبت علي المواجع وانا اخيتك:(

ذكرتني بهمي ...

اسمع قصتي ...

انا بنت في مقتبل العمر ... وردة .. جميله .. رشيقة .. يلقبوني بالقمر .. صاحبة طله مشرقة وابتسامة ساحره اخاذة ... تعينت في احدى الشركات الاستثمارية .. وعملت في احدى الادارات وكل اللي فيها شباب و سكرتيره .. بتقولي وين المشكلة الحين ادري ... المشكله هي السكرتيره ...

السكرتيره ... لو بقول عنها وصخة .. وريحتها مقطنه شويه عليها ... لو بقول ريحة حاوية قمامة بمنطقة الحساوي هم ابرك ... يا اخي انا وصلت الى مرحلة اني اقدم استقالتي .. كنت وردة واليوم انا عرفجة .. والمصيبة الاكبر ان الحمام تكرم مشترك يعني احيان اموت من الحصر ودي ادش والقاها داخل اضطر انطر وانا ادعي تكون متسبحة ... يا اخي ادش وراها وانا رافعة بلوزتي لي خشمي ... شسوي قولي ... حطيت بخور ماكو فايدة ... رشيت كل انواع معطرات الجو بويها علشان تحس جني راشة زهيوي ولا في دم تضحك وتقولي اي مالك بترشي كده ليه !!! شسوي

المصيبة حتى الشباب قامو يطنزون على الريحة و يتعاطفون معاي واقترحو انقط قطية و نشتري لها ست كامل عدة تنظيف وماكو فايدة لاني شريت لها هدية ست عطر وشور جل قلت يمكن تستانس وتتنظف .. بس للاسف ماكو احساس ...

وصلت الى مرحلة اني انحاش لي قربت مني ... بس ماكو دم ... وصلت الى مرحلة الصداع .. وعديت اللوعة و الترجيع .. صارت ميولي انتحارية ..

قولي شسوي بلييييييييييييز ... انا انتهيت:(


تعال شوفها لا يابت الريوق معاها من البيت بيض وطماط و فول وفلافل .... يااااااااااااااااااااو بس لاعت جبدي تذكرت


لا والادهى والامر تعال شوفني لمن انحكر معاها بالاسانصير :))))))) الله لا يوريك

لي درجة قمت ارش العطر بخشمي داخل والله
بس ما اشم ريحتها

ادري لوعت جبدك وجبد قراءك بس شسوي فيني حره اكبر من حرتك ...

اختك مدونة بس معتكفة حاليا

Bin3agul يقول...

allah igharbil blisik ya 3ithmany chanik mawtny men ithi7ikk !!!! :P

ابو لطيف يقول...

لا حول ولا قوة الا بالله

الله المستعان

Catism القطوية يقول...

سامحك الله :)
أظنني فقدت كيلوغرام من وزني جرّاء الضحك.
وأظني سأفقد كيلوغراما آخر جراء عدم تناولي العشاء! p:

ميرامار يقول...

لا انا حامل بهم موضوعك

بوستك يضحك بس وايد جيكر شنو هذا

يا ربي وترني :(

someone_q8 يقول...

السلام عليكم
والله ما الومك لان النظافة من الايمان والمفروض ان المسلم لما يقابل ربه يكون بأفضل صورة وعلى الاقل تكون ريحته تناسب المكان والمقام اللي اهوه فيه.
مره دشيت مسجد بحولي بصلاة المغرب والله لا يوريك المسجد متروس من اللي كان يمك لكن المصيبة مو بالريحة المصيبة ان الامام قاعد يطول بالصلاة بدرجه غير معقولة اللي وقتها بغيت اقطع الصلاة واطلع لكني استغفرت ربي و قلت يالله نصبر
ومن خلص الامام على طول كأنه احد قارصني قمت وطلعت عشان اشم اشوية هوا
ماتنلام ياخوي هذا واحد وجذيه اشلون باللي ما يحس على دمه ويروح المسجد بالبجامه ؟؟؟؟؟؟؟؟؟؟؟؟؟؟؟؟؟؟؟؟
تعال فججها عاد :)

JooJ o MaJooJ يقول...

loooool...
walla 9aaaaaaaj
elmafroooth et9eer 7amla e3lameya 3n el nethafa bl mesayed
bs weeen 3ammek a9makh..
takhayal marra ana bel 3umra yami wa7da et9alee...
o m3aha waladha..
faja'aa bne9 el 9alaat salmay oo 6al3ee sadreech oo rath3i el yahel!!!!!
ana tedooodaht... wel mushkela enha 9lat farth..
o thany shay el yaheel ma bechaaa.... ma ne6aaag
ana tedooodaht.. hathi shetgabbeer !!!


oo salamtek..


Majoooooooooooj

abu eldestor يقول...

جعلها آخر الاحزان
انشاءالله

Purplecious يقول...

لوووووووووووووووووووووووووووووول

واي عثماني قتلتني من الضحك مع ان هذه ثاني مره اقرا البوست لأني اول مره دخت من الروايح و ما قدرت اركز

كان لازم يا عثماني توزع لنا كمامات مع التنويه اللي حاطه
هههههههههههههههه

وااااااضحه واضحه الحره بالرساله يا عثماني خنت حيلي

يعني ثوم
و دلاق محزر
و تغار
و عطنه و وساخه
وريول دبقه (هذا و هو لابس دلاق مدبقه و طالع الدبق فوق الدلاق الظاهر) ويييييييع

كل شي اعلن من الثاني و كل واحد من هالأشياء مصيبه بحد ذاتها.. فما بالك اذا تجمعوا بشخص واحد!!!

ياااااااااارك الله يا عثماني
ياااااااااارك الله

و الشبرين شبيسون يا عثماني!! يتروالي هذا خيس المسيد كله
و ليش تخزه بس!! ليش ما زفيته!!

و روائح المسجد مالها حل الا ان يقسمون المسيد قسمين
قسم النظافه و قسم الوساخة
و يحطون واحد عند الباب يشمشم كل واحد قبل لا يدخل و يدله من اي باب يدش

يعني ماكو الا هالطريقه عشان يتسنعون الناس و يعرفون انهم وسخين و يحرصون على النظافه لما النظافه ان شاءالله تعم على الجميع

و الحل الاسهل لك انك تخلي معاك قوطي كمامات بالسياره و تلبس لك واحد عند الصلاة

اما الالحان.. لوووووووووووول

أذكر عندما كنت صغيراً .. وجميلا

كنت جميلا.. اكيد من عقب هالتغره المرعبة اخترعت يا خوي و لا قبل شحلاتك
ابيض
و الشعر اشقر
و العيون خضر

ايييييييه كان زمان و جبر

ههههههههههههههههههههه

عثماني

تعودت ادعيلك عقب كل بوست
لأن صج صج بوستاتك تشرح الصدر و تضحك القلب (ولو انك اليوم خيستنا شوي بس تمون) ههههههههه

الله يشرح صدرك بالايمان و طاعه الرحمن
و يوسع عليك ويغنيك و يعافيك ويوفقك ويعطيك الصحة و العافية و ينصر على من يعاديك و يبعد عنك المصنينين الخايسين و يصرفهم عنك وين ما تروح

آميــــــــــــــــن

:)

BenT BonD يقول...

هههههههههههههههههههههه
ابداااااااع البوست
ههههههههههههههههههههه صج موتني من الضحك والله انت عليك خووووش مغامرات
انا مالاعت جبدي لان عندي مناعه من هالسوالف مع ان اشوه ماصادفتني هالسوالف وايد
على طاري دلادق ذكرتني بيدتي الله يذكرها بالخير كنت كل ما ارد من المدرسة وادش اسبح تقولي فركي دلادقج عدل هههههه صج كلمة عجيييبة

ماعندك تسجيل حق النغمات؟؟
انا قريت الحان قلت ايابااااااااه الحين اكييد كاتبلنا عن سلمان العماري ولا حمد خليفة ولا حاطلنا تسجيل حق هشام المحروس بس حسافة طلع شي ثاني
ماعندك نهمات؟؟ واذا ماعليك امر ابي لحن نهاوند وحجاز بخاطري اسمعهم

انا اقول ان لازم كل مسجد يحطله دوش بالحمام عزك الله عشان العامل او اي واحد كان بشغله وبروح يصلي يدش دقيقة يسبح ويصلي
لان جد والله حرام يعني الواحد يصن الثاني بريحة اصنانه لان الواحد شلون يبي يخشع بصلاته ويكونون ناس جذي يمه وهم اهم شي انه راح يقابل ربه فلازم يكون بأحسن صورة واحسن ريحة

انا لي مريت يم احد وشميت ريحه خايسة غمت انفسي لييين يروح هالشخص او اوخر او اطلع من المكان بعدين اشم الهوا النظيف اما هذيله لا يحوشك

وهاردلك هههههههههههه والله انك كسرت خاطري

Fat Girls يقول...

ههييهيهيهيهيهيهيهي

وااهاهاهاهاهاهاهاهاها

البوست عجيييييييييييييييييييب
الشرح مو طبيعي
بس شكلك ودك تنتفه
هيهيهيهيهيهيهيهيهيهي

قطيعة ما ادري ليش ما يتسبحون و يغسلون ثيابهم !!!!

Manal يقول...

لا اله الا الله

عيل وين خذوا زينتكم عند كل مسجد

:)

Ra-1 يقول...

Ewww :/

aham shay Ta7eyya Khaysa
LOOL :)

عثماني يقول...

حيا الله كويت الخير

لا يا خوي .. مابي اكل غيرها ..بسي

الشكوى لله

بس الواحد شسوي ؟؟ ما باليد حيلة

و صاحبك هذا يضر بالصحة .. انصحك بالابتعاد عنه

:)

حافظك الله يا خوي

ولا تقطع

عثماني يقول...

حيا الله منو ينسى

هيهيهيهيهي

لا .. بس حبيت تعرفين النعمة اللي انتوا الحريم فيها

و مو حاسين

:)

حافظج الله عزيزتي

عثماني يقول...

حيا الله حيا الله اخيتي زووز

اي صح

انا وايد اتذكر الروايح

بس مادري .. هذي نعمة والا نقمة

:/

حافظج الكريم اخيتي

عثماني يقول...

حيا الله القادم الجديد الى عالمنا
العزيز احمد الحيدر

هيهيهيهيهي

زين .. معناتها قدرت اوصل معاناتي بشكل صحيح

:)

ومع هيك جماعة .. الكلونيا ما تسوي شي

جان اخذ معاي بانزين

:)

حافظك الله يا خوي

و نورت المدونة بمرورك

عثماني يقول...

حيا الله الغالية روورا

هني و عافية الغدا ان شاالله

بس الله يهديج انا حاط تنويه .. بس ما تسمعون الكلام

:)

هذيل بشر .. بس من فصيلة مختلفة

حافظج الرحمن

عثماني يقول...

حيا الله اخيتي نانونانو

عاد كل شي ولا الطيب المحزر

لا يحوشج .. يقلب الجبد

عاد تبين الصج ؟؟

انا عندي رجل خايس .. ولا مرة خايسة

الله يعينكم

حافظج الرحمن اخيتي

عثماني يقول...

حيا الله اخوي
Kuw-son

واضح انك مسوي خوش دراسة لرواد مسجدكم

وهذا المفروض

الواحد يبي الخشوع في صلاته

بس هم ما تضبط ساعات

يعني ممكن واحد تعتقد ان خنين

يطلع خايس

و العكس صحيح

الله المستعان

حافظك الكريم عزيزي

vancouver يقول...

اولا لاني حاااامل ولا مرهفة الحس
لوووووول
فقلت خل ادرعم على البوست واشوف شفييييييه


تحيه خايسة وبعد
لوووووووووووووووووووووووووووووووووووووووووووول

انا طححححت بالارض ضحك قبل لا اشوف الموضوووووووع
هههههههه

اه يابططططططططني
تخيل

تبتدي الحوار
بتحيه خايسة وبعد
لوووووووووووووووووووووووول
لوووووووووووووول


غلطااااااااااااااااااااااااان
يا عثماني هالاشكال مو مال تسككككككت عنها

والله لو تصير فيني بنص الصلاة
اتحررك واروح صف ثاني
وعقبها اكتب ورقة واعطيها احد يوصلها لهم
اشلوووووووون كملت صلاتك اصلا
??

والله هذي مشكككككله عويصة
المشكله الحين شتا
يعني لا بالصيف مفتكين
ولا بالشتا
:(((

----

عندما كنت صغيرا .. وجميلاااااا

كااااااااك يعني اشكره
الان انت كبيييييرا وجيييييكرا
هههههههه

لوووول



وطبعا لانه المقصود بالبوست ماراح يقرا اللي كتبته
ولانه لايعة جبدك فقللللللللللت
خل الوووووع جبود البلوغرز معاي
صح
?????

احس عقب البوست
بروح اببببخر البيت
خليتني اتخيل هالروايح
قطيعة
!

بس لااااااازم يكون في حل
مثل ما قتلك
وانا اختك
مره ثانيه اكتب بورقة وخل احد يوصلها
للشخص المعني
بس لا تنسى
اول كلمه
تحيه خايسة وبعد
لوووووووووووووووووووووووووووووول

Fankooshy يقول...

loool
بالشتا العن بعد يكون المكان مقموت
وماكو تكييف
واخذ يحة دلاقات اللي جدامك وقت السجود
من عذر صلاة الجماعة حسناتها اكثر
شكرا لك:)

Um Mit3ib يقول...

shof ana sam3a mathal egol al 6iyor 3ala ashkaleha taqa3.. int shmakel gabel latroo7? emgarimlik bsala :P? lazem 3inda sabab lizag ib akhlaqik ell rayal

حمودي يقول...

انزين انت لايعه جبدك الناس شكو تلوع جبدهم بالهبوست ؟

مركبنا يقول...
أزال المؤلف هذا التعليق.
مركبنا يقول...

اخانا الفاضل ،،
البوست الكريم لم يسبب اللوعه للكبد بل انفقعت اجبودنا مروة وحد ،، او بالاصح مرتين مرة من الريحة الي خنقتني وانا اقرى ومرة من الضحك ،،

حسيت بمعناتك وبغيت ابجي وحسيت بهم مشترك واحتمال لو تسوق له بتوحد كل الامة العربية جرب وبتشوف


احيي فيك اسلوب اللبق مع الاخ الوصخ في مخاطبتك له بياحياتي اولا
وثانيا : اشجع فيك مهاراتك في اكتشاف الاطباق ، واقترح تطوير هذه المهارات ومن ثم فتح مشروعك الخاص .
وثالثا : ما اعبر على الحس الفني الي اكتشفته مبكرا وذلك بفضل مساعده الوالد ومهارات
المصلين .
رابعا : لاحظت الناس حرية على تماسك الصفوف وما حست بمداء النظافة من الايمان وان الرسول نهي عن الذهاب للمسجد بعد اكل ،،،



شكرا على البوست وشكلنا بنخفف اليوم من الاكل (:

BKK يقول...

Dear Othamny

Let me tell you somethin gplease. The probelm is taking place everywhere. I have a very sensitive nose. I can smell anyhting a mile away. The prblem is on Friday parayers. I go out after a great shower, expensive clogn, doedrant and even bo'7or ('7obrik elmarah 3indaha mazara3at bo'7or. Bas eeeeeeeeeeh, mafish faydah ya Safya. BAAAAAAAAAAAAAM one or two guys come near you and hit you with theri weapons of mass distruction (if Ali Hassan Majeed knew of those people he would have killed everybody)
Once I was at Mowasat Hospital (you know the hospital which has the expensive delivery suites and the amazing prices) and I went to prya at thier small Mosallah. I could have fainted. I went back upsatirs to my al nisrah's suite to pray. teh carpet smlled so bad I could not even stay in the room. I even talked to the secuirty guy (who was wearing dihsdash) and he promised me to talk to the management thier but I really doubt that they have done anything. I even suggested to donate some money to them (although they are vampires and sucking every penny from eveybody who walks in there) to change the caroet. The used to day "idfa3 dinaran tonqith mosliman" but I say "take a a shower and save a muslim"

عثماني يقول...

حيا الله اخيتي
Swan beach

تقبل الله طاعتج اخيتي

لا اخذي راحتج بالحش

خن نسمع سوالف الحريم بالمسايد

:)

حافظج الرحمن

عثماني يقول...

حيا الله اخوي العزيز عاجل

هيهيهيهيهي

تعيش و تفتكر يا خوي

:)

حافظك الكريم

عثماني يقول...

حيا الله العزيزة شكشكة

اي والله ... وين اللي يفهم !!؟

اتصور انها ريحة خمرة على حموضة

عدل !!؟

;)

حافظج الرحمن

عثماني يقول...

حيا الله اخيتي كويت

لام الله من لامج و انا اخوج

عاد الحريم عليهم اعطنة .. قاتلة

:(

والله المستعان

حافظج الرحمن

عثماني يقول...

حيا الله اخوي مطقوق

يا خوي خل يتسبحون بحمام المسجد اذا كان زحمة على حمامهم

او ممكن يتسبحون سبوح جماعي ... هم ممكن

:)

بس انا اختلف وياك باقتراح ركن العطور

لان ترشرش العطور على واحد نتن يزيده نتانة

:)

والله المستعان

حافظك الرحمن عزيزي

عثماني يقول...

حيا الله اخوي صلاح

مكتبي اهناك

بشرق صوب مسيد العوضي

والا لو راده علي اروح اصلي بالنزهه و ارجع

:)

حافظك الكريم

عثماني يقول...

حيا الله اخوي حسافتج يا كويت

يا خوي حطيت

والله حطيت

ما تظلمنيش يا حسافتج

بس دير بالك

الشكل ساعات يخدع

حافظك الكريم عزيزي

عثماني يقول...

حيا الله اخيتي بس

مساج الله بكل خير

انا اسوي جذيه

بس ساعات الشكل يخدع

و فعلا .. بعض الحريم ريحتهم قاااتله

و الله يهديهم

حافظج الله

عثماني يقول...

حيا الله اخيتي
Nikon 8

بيني و بينج

وزاراتنا اصلا خايسة

فما بالج بريحة الدلاقات !!؟

عاد انا ما اشوف ان يكون المصلى في الممرات او المداخل شي حلو

حلاة الصلاة في مكان خاص

بس نبي قصة الدلادق و انا اخوج

:)

حافظج الرحمن

عثماني يقول...

حيا الله اخيتي المدونة المعتكفة

ممممممممممممم

مشكلتج صعبة

بس ولا يهمج

حلها عندي

و مو بس حل واحد

بعطيج اكثر من حل

الحل الاول : لفقي لها تهمة .. و راح يسفرونها و تفتكين منها

الحل الثاني : دعميها بالسيارة و هي طالعة .. بس تأكدي انها ماتت

الحل الثالث: تكلمي معاها بكل صراحه .. وقولي لها ان انتي خوش مرة و شغلج زين بس ريحتج قاتله

فلو سمحتي لا تقربين مني .. و اذا تبين شي دزيه مع الفراش

الحل الرابع : قدمي استقالتج .. الزم ما عليج صحتج و انا اخوج

الحل الخامس و الاخير : تقومين انتي شخصيا بعملية تسبح هالسكرتيرة .. و هالله هالله بالديتول .. تراه زين مع هالحالات

و تمنياتي لج بحياة خنييينة

حافظج الرحمن

SKY يقول...

لوووول البوست مو صج

بس صج الله يكون بعونك والله ياااجرك صج انك قدرت تتحمل هالرواااايح وهالبلاوي

مالك الا تروح المسااايد الثقة الي عارف ناسهم وايد احسن لك ما تسوى عليك يروح اجرك وانت تلعن وتدعي على هالاشكاال وهالاوادم الي مادري شلون صايريييين


مرت علينا روايح غريبة عجييييبة تخلييييك تفكر شلون ان هالأوادم ما يحسون بعمرهم يعني ما يشمون رووحهم ؟؟! ولا شلون يعني ؟؟
معقولة حاسة الشم تكون معدومة عندهم لي هالدرجة !!!!!

جد جد استغفر الله واللهم لا تبلانا

الحمدلله على النعمة !

عثماني يقول...

حيا الله اخوي العزيز بن عاقول

هيهيهيهيهي

دوم هالضحكة ان شا الله

حافظك الله يا خوي

عثماني يقول...

حيا الله العزييز بو لطيف

اي والله

الله المستعان

حافظك الكريم

Mok يقول...

:)))

Shaima'a Alkandari يقول...

عثمااااااااااااااااني




نص البوست ووقفت
لايعه جبدي صج
ذكرتنى بروايح اكره من الكريهه





جان زين سمعت نصيحتك بالبدايه

عثماني يقول...

حيا الله القطوية

بل يمكنك القول ..شكرا لك

فقد قدمت لكم افضل طريقة ... للرجيم

:)

حافظك الرحمن

عثماني يقول...

حيا الله اخيتي ميرامار

الله يبعد عنج التوتر

كل شي ولا التوتر

وسلامتج من التوتر

وشفيني علقت على كلمة التوتر !!؟

:)

حافظج الله

عثماني يقول...

حيا الله عزيزي
Someone-q8

و عليكم السلام و رحمة الله و بركاته

فعلا يا خوي

ناس اقل ما ينقال عنها انها ما تستحي

يعني رايح مسجد .. استح على ويهك و البس شي سنع

يا خوي المسألة مسألة ذوق قبل لا تكون مسألة شرع

الجماعة عندنا لا ذوق ولا فاهمين شرع

حافظك الله يا خوي

عثماني يقول...

حيا الله اخيتي ماجووح

صح كلامج

حملة اعلامية و باكثر من لغة بعد

حق اخوانا الاسيوين و غيرهم

هيهيهيهيهي

الحين انا بسئلج

الحين هاللي يمج قطعت صلاتها و لقفت ولدها صدرها و رضعته

انتي بالله ليش تدودهتي !!؟

شكلج عفستي صلاتج

:)

حافظج الرحمن ماجووج

عثماني يقول...

حيا الله اخوي ابو الدستور

آآآآآآآآآآآآآآآآآآآمين

أجمعيييييييييييييين

حافظك الكريم

عثماني يقول...

يا هلا و يا مسهلا في بيربل

آمين

خوش دعاء بيربل .. مشكورة

لا مالج شغل .. مازلت جميلا .. ولله الحمد

صحيح اني ماني اشقر ولا عيوني خضر .. بس هم مملوح

:)

و بالنسبة لاقتراحج مال تشمشم المصلين

انا اشوف ان خوش اقتراح

و ممكن نستعين بالمحكوم عليهم بالاعدام للقيام بهذي المهمة.. خو هو ميت ميت

ومرة ثانية اذا ودج تقرين البوست للمرة الثالثة .. انصحج اتلثمين بشماغ واحد من اخوانج

دوم ان شا الله مستانسة بيربل

حافظج الكريم

عثماني يقول...

حيا الله الغالية بنت بوند

اول شي .. ابي افهم شغلة

يعني شلون عندج مناعة من هالسوالف ؟؟

الله يذكرها بالخير يدتج .. كلمة دلادق وااايد احبها

احس ان فيها موسيقى و فن

افا عليج

اسجل لج جم نغمة

غالي و الطلب رخيص .. خو الله ما كثر المسايد في الكويت

ثانيا هم الدوش بالمسيد ما يفيد .. لان اذا تسبح و رجع على نفس هدومة الخايسة .. ما سوينا شي

حافظج الرحمن

عثماني يقول...

حيا الله اخيتي
Fat girl

انا اقولج ليش .. لان اهلهم ما ربوهم على النظافة

و هذي زيارتج الاولى لمدونتي المتواضعة

و اتمنى ما تكون الاخيرة

:)

حافظج الكريم عزيزتي

عثماني يقول...

حيا الله اخيتي العزيزة منال

اي والله

هذول ما يفهمون بالدين الا القشور

لا حول ولا قوة الا بالله

حافظج الله اخيتي

عثماني يقول...

حيا الله العزيزة
Ra-1

اكيد تحية خايسة

لان ما يستاهل تحية طيبة

:)

حافظج الرحمن

عثماني يقول...

حيا الله اخيتي الغالية فانكوفر

هيهيهيهيهي

عاد تصدقين ؟؟

مرة سويتها و كتبتها في مذكرة داخلية حق واحد من الموظفين اللي عندنا

فانكوفر .. صعبة اقطع صلاتي .. ما اعرف

بس الواحد يصبر و يحتسب الاجر

كنت جميلا ... وصرت أجمل

:)

و بعدين انا امون عليكم

شفيها اذا لوعت جبودكم شوية ؟؟

:)

حافظج الرحمن اخيتي

و الله يعينكم على البرد عندكم

عثماني يقول...

حيا الله اخوي فنكوشي

والله يا خوي بالصيف ولا بالشتا

هالروايح ما تروح الا لما هالبشر يتعدلون

حافظك الله يا خوي

و نورت المدونة بمرورك الجميل

عثماني يقول...

حيا الله اخيتي العزيزة ام متعب

حرام عليج

الظليمة شينة .. ما اكلت شي من ادوات الخيسة

اكو بعض المصلين يفهمون مسألة سد الفرج بالصلاة غلط

فتلقينهم يلصقون لصقة باللي يمهم

حافظج الله اخيتي

عثماني يقول...

حيا الله اخوي حمودي

بعد اذا ما امون عليكم انتوا ... من عليه امون ؟؟

تحملوني ... ميخالف

حافظك الله عزيزي

عثماني يقول...

حيا الله اخيتي الكريمة مركبنا

سلامة جبودكم من الريحة .. و الضحك

اي والله .. فعلا معاناة

و الأمة العربية لو شنو .. ما تتوحد

و بالنسبة للنقاط الاربع

اولا .. شسوي ؟؟ انا ذرب
ثانيا .. خوش فكرة .. تشاركيني؟؟
ثالثا .. ما تشوفيني فنان مقامات؟؟
رابعا .. الناس يختارون من الدين اللي يعجبهم .. للاسف

و عفوا على البوست .. اللي صار احد وسائل الرجيم

:)

حافظج الله اخيتي

عثماني يقول...

حيا الله اخوي العزيز
BKK

اولا .. هل اهنيك او اعزيك على حاسة الشم لديك ؟؟

لانها قد تكون نعمة و قد تكون نقمة كما هي في حالتي

:)

كلامك صحيح يا خوي

يعني مستشفى خاص مثل المواساة .. طالع واكل .. نازل واكل

فلوس بالهبل

يبخلون على المصلى بقطعة سجاد جديدة!!؟

اصلا المفروض ما ينتظرون احد يكلمهم او يتبرع لهم

ما اقول الا

قد اسمعت لو ناديت حيا .. ولكن لا حياة لمن تنادي

نورت المدونة بمرورك الجميل

حافظك الله اخي العزيز

عثماني يقول...

حيا الله اخيتي العزيزة
Sky

اي والله

الحمدلله على النعمة

ما اقول الا الله يهديهم ولا يبلينا

بيني و بينج .. قمت اتجنب اصلي بمناطق مثل حولي او الديرة

الا اذا كنت مضطر

و السبة هالسالفة

الله كريم

حافظج الرحمن

عثماني يقول...

حيا الله العزيز
Mok

دوم هالابتسامة ان شا الله

:)

عثماني يقول...

حيا الله اخيتي شيما

اللي ما يطيع .. يضيع

ما تسمعون الكلام .. شسوي انا؟؟

عاد كان ودي تكملين البوست

و تعطيني رايج

:)

حافظج الرحمن

ابوالوليد يقول...

بعض المساجد أكره أصلي فيها بسبب نوعية المصلين

الله المستعان

عثماني يقول...

حيا الله اخوي ابو الوليد

ما الومك يا خوي

من هاللي نشوفةو نشمة

:(

حافظك الله عزيزي

ShLaLaT يقول...

لوووووووووووووووووووووووووووووووووول


الحمدالله يا ربي اني انخلقت بنت
اصلي ببيتنا
حتى لو صلينا جماعه على الاقل ضامنين منو اللي يمنا
:)

اللــــه يعينكم وياااااجركم


جان كلمته ؟
ابوي يكلم الهنود اللي بالمسايد
عادي كلمه فهمه ان النظافه من الايمان
:)

غير معرف يقول...

أعداء الماي و الصابون شنسوي بعد

من الاحد ان شاء الله حط بمخباتك هل الدهن العود الطيب و قبل لا تصلي تطيب فيه و اهم شي يم انفك عشان تشم ريحة الطيبة بدل الروائح الفتاكة

esTeKaNa يقول...

إستكانة ضاق خلقها
:(
يالله نبي بوست يديد
....

BenT BonD يقول...

هههههه اهم شي انك تحب هالكلمة وااايد
شوف الله يسلمك مع اني وحده احب العطورات فوق هذا اذا مرت علي ريحة خايسة اقدر اني ما اعبرها واسوي نفسي جني ماشميت شي خايس بس اذا كانت الريحة قوية جنها ريحة بواليع عزك الله اهني ماكو ماقدر اتحمل
يعني بالمختصر المفيد شميت ريحه خايسه ماشميت ما اهتم فيها الا اذا كانت قوية

ولد الديرة يقول...

شوف

انا بدشن مشروع "دلاق مُصلي" اسوة بإفطار صائم

شفيها يعني لو يتم توزيع دلاقات حق هالمساكين بالمسايد

حبة حبة نوصل الى توزيع مزيل اباط (مزيل عرق باللغة السنعة)

تالي توزيع فنايل داخلية

و يا حبذا دورة في استخدام جميع هذه الشغلات

شعار المشروع

تلذذ بدوشك علشان يرحم امك تخلي الآخرين يتلذذون بصلاتهم

فريج سعود يقول...

اخوي عثماني

مجرب وانت بالحج حيث الافارقة الاصليين الي جنسيتهم مادة اولى الي يسنسنون على الهواء مباشرة ويحوشك طشارهم ؟

مجرب تمشي ورى واحد لي يت له العطسة يفتر فره كاملة ويعطس بويهك ؟

مجرب لي حكروك وحدوا خشمك على رصيف اباط افريقي ارتفاع اباطه نفس ارتفاع خشمك ؟

مابي اكمل اخاف ترتد وتصير مسيحي

Sn3a يقول...

تبي الصج
انا من تحيه خايسه
ماقدرت اكمل الموضوع
مت من الضحك
وللحين اضحك
لووووووووووووول
يغربل ابليسك عثماني

عثماني يقول...

حيا الله اخيتي شلالات

اي والله الله يعينا

ماشا الله عليه الوالد

انا ما اعرف اكلمهم .. مادري .. اخاف احرجهم

جم رقم الوالد .. علشان اذا صادفت واحد منهم ادق عليه

:)

حافظج الرحمن يا الغالية

عثماني يقول...

حيا الله العزيز / العزيزة غير معرف

ساعمل بنصيحتكم

و كلي امل ان تنحل مشكلتي العويصة

ويا اعداء الماي و الصابون .. تبا لكم

:)

حافظكم الله

عثماني يقول...

حيا الله اخيتي استكانة

افا يا ذا العلم

منو هاللي مضيق خلقج ؟؟

و انا اكسر راسة

وتوني امنزل هالبوست استكانة

صبري علي جم يوم بس

حافظج الكريم

والله يبعد عنج الضيقة

عثماني يقول...

حيا الله اخيتي بنت بوند

ماشا الله .. خوش مواهب عندج

انا ما اقدر .. لازم اشم

حافظج الله

عثماني يقول...

حيا الله العزيز ولد الديرة

دلاق مصلي .. خوش مشروع

بس يلبس الدلاق على صنان ما ينفع

فاقترح انا مشروع " سبوحك قبل صلاتك "

مع رفع شعار

صلاتك و انت نظيف = اجر مضاعف
صلاتك و انت مقطن = قتل روح بريئة يا نتن

حافظك الله حبيبي

عثماني يقول...

حيا الله الحبيب ولد فريج سعود

هيهيهيهيهي

حسبي الله على ابليسك

ذكرتني فيهم

ليلحين صنتهم بخشمي

عاد هذول مصنع عرق محمض

ومادري شنو المادة اللي بعرقهم اللي تخلي الواحد فينا يتدوده لما تكفخه!!؟

بس يالله

الواحد يحتسب الاجر و انا اخوك

وهذول من مشاق الحج و العمرة

حافظك الكريم عزيزي

عثماني يقول...

حيا الله اخيتي الغالية سنعة

اي يا يبه .. ضحكي

احنا اللي نشمشم هالبلاوي

و انتوا اللي تضحكون

:)


يبه هني و عافية عليج هالضحك

وعساج دوم مستانسة

بس لا تنسين اخوج عثماني بالدعاء السنع

حافظج الله اخيتي

كبرياء وردة يقول...

الله يعينك
عيل ما تصلح تروح الحج:p
لا صج اكو ناس ما يستحون
ولا يحشمون
ياخي اذا ما همهم الناس عالأقل يراعون آداب الصلاة، مادروا انهم بالصلاة يخاطبون ربهم
شلون يجابلون ربهم وهم على هالحال من الوصاخة
استغفر الله بس

Shaima'a Alkandari يقول...

لا يبه مابي

اذا انت لايعه جبدك بعد تبيني اكمل البوست مستحيل



ياخوي امى بتقراااه خلها تستمتع بلوعة الجبد وتتبخر بنسيم بوستك

ReLaaaX يقول...

عثمااااااااني ويهد يهد حيل العدو ان شالله


جبدي تقلللللللب الله يغربل ابليسك والله قمت اتاوع


وعوووووووووه شهاذا ://


--

والله العظيم والله كل رمضان اقول الله يعين المقاريد اللي يصلون بالمسيد كل يوم احنا فرض واحد بشهر واحد والله اعلم بحالنا ..





يعني الحين اهما رايحين المسيد يعني بيقابل الله سبحانه بهالثياب والا بهالخياس ؟


والله وخزياه من الله احنا بالبيت واثواب الصلاة واحس لازم نبخرها ونطيبها .. ونسفطها عيب نجابل ربنا بثواب معفسه والا طالعه روحها

شلون اللي بالمسيد ؟ :/




تهقى نسوي حملة نظافة ؟
اللي فيه احد هذه الصفات ، يصلي بره المسيد رجاءً :p



لا جد لازم يصير فيه تنبيه على هالشي :)



والله ليلحين احس اني اشم هالروايح اللي كتبتها حضرتك بالتفصيل الممل وعوووه الله يقطع ابليسك

LonDonY يقول...

هههههههههه

تألق ما بعده تألق

والله انك صاج

ابيك تغلط يوم .. وتصلي بمسيـــد ^الجبرة^

تكفه

استغفر الله

ان ما زردت لك احد .. ما اطلع لندني

نفس صاحبك.. اللي الريحة تصبغ بهدومك

على قولتك.. آجر لهم البيت

بس من يفهم

Mamloo7a Q8ia يقول...

هههههههههههههههههههههه
ههههههههههههههههههه
حسبي الله على ابليسك
شمينا الريحه من قوة وصفك
حسبي الله عليهم
هذا والاسلاااام دين الطهاره والنظافه
بس شتسوي في هالمتخلفين

عثماني يقول...

حيا الله اخيتي كبرياء وردة

الحمد لله اني اديت فرضي بالحج

المشكلة اخيتي انهم مو فاهمين ان النظافة يحتمها شرعنا

الله الهادي

حافظج الرحمن

عثماني يقول...

حيا اخيتي شيما

تحياتي للوالدة العزيزة

و امانه .. بلغيها سلامي

:)

حافظكم الكريم

عثماني يقول...

حيا الله اخيتي ريلاكس

اعتذر على لوعة الجبد التي سببتها لكم

ولكن تحملوا

شاركوني المأساة شوي

الله يهدي هالخايسين

قولي آمين

حافظج الله عزيزتي

عثماني يقول...

حيا اخوي العزيز لندني

الجبرة !!!؟؟

لا يحوشك

متى ما عزمت انتحر .. اروح هناك

:)

عسى الله يهدي هالجماعة

و ياخذون زينتهم عند كل مسجد

حافظك الله يا خوي

عثماني يقول...

حيا الله اخيتي مملوحة

دوم هالضحكة ان شا الله

عسى الله يهديهم

و يغفر لهم

و عذرا على لوعة جبودكم

حافظج الله يا الغالية

-mate يقول...

ماشالله أبدعت ياعثماني

وكأني حسيت بالعطنة والخياس من دقة الوصف وجمال التعبير

إتصدق في المسجد المجاور، واحد من كثر ريحته وخياسة إذا دخل المسجد تعرف من ريحته المقطنة

وإذا كنت على الطرف يمين، تدعو ربك إن هالمعطن يروح الطرف اليسار و العكس صحيح، يا اخي الملائكة يتأذون فمابالك في البشر؟

وقواك الله
:)

shahad يقول...

هلا بعمام خوال عمامي هلا بالعثماني المحتر !


شوف صلاة المسج تدعي فيهم شيين يا اللي يمك يذلف بزاية بعيد عنك و يجيس ريلك ! أو برمضان تدعي إختم الدعاء اللي بتغشي من طولة

يا حسرتنا الكلام عن طباخنا كل صلاة بالمسيد ليكون يطلع من المطبخ على المسيد على طول!!! فطنتني خنشوف السالفة

إن شاءالله يفراها المقصود و الله إعين اللي معاشرينة بالبيت، بس الهقوة إن الطيور على أشكالها تقع

دمت بخير
تحياتي

عثماني يقول...

حيا الله اخوي العزيز
mate

يا خوي من نوعية هاللي يصلي بالمسيد اللي يمك وايد

ما نقول الا الله يهديهم و يرحمنا

:)

حافظك الله يا خوي

عثماني يقول...

حيا الله اخيتي شهد

والله اعلم .. شكله طباخكم مسوي مشاكل في المسيد

اقترح انج تشمشمينه من راسة الى كرياسة .. يوميا .. قبل الوجبات و بعدها

و الله يجعل هالعمل في ميزان حسناتج

:)

حافظج الرحمن

مدونة معتكفة يقول...

اخيي عثماني

يا خوك انا مستعدة اسبحها وانقعها ثلاث ايام بديتول و كلوريكس بس ادري ماكو فايدة ... المصيبة صرت بس اشمشم .. حاسة الشم قوت عندي .. كل مالي واتفوق على الكل بالشم .. اكتسبت مهارات جديدة بالشم ..قمت احكم على الناس بواسطة انفي :)

المشكلة بعد من اللي يدخن ويدخن نوع رخيص من الزقاير وتعال شم الزفر عاد .... ووووللل عليهم .. خصوصا بالاسانسير .. والحين هابين يقهوة يديدة اسمها علي كافية جنسينج ... وتعال شم ريحتها بمكاتب الشباب .. جنك داش على غرفة ولادة بمستشفى الصباح وام الوالدة مسوية حسو وقبوط بالحسو :)


اخيتك

مدونة معتكفة

عثماني يقول...

حيا الله اخيتي المدونة المعتكفة

ما شا الله عليج .. بعد تميزين بين انواع السجاير بالشم !!؟

بعد الله يهديج كل السجاير خايسة .. الغالية و الرخيصة

بس لحظة .. الجنسنج هذا مار علي .. هذا مو علاج ؟؟

قاموا يسونه قهوة الحين ؟؟

هذا اذا شربوه شصير فيهم!!؟

انا الى الله و انا اليه راجعون

:)

عاد تدرين ان الناس اللي حاسة الشم قوية عندهم يتميزون بالذوق العالي و الطيبة و المزاج المتبدل !!؟

هذا الشي قريته في مجلة على ما اذكر

على طاري الحسو ... تستغربين اني احب ريحته ؟؟

اخاف انا بالانفاس و انا مادري !!؟

:)

حافظج الرحمن اخيتي

ام الحفيز يقول...

حسبي الله على ابليسك موتني من الضحج.....والله انك جبتها جييييييييييييب واللي خلقك اني اعااااني من هالمواقف بالاصنصيرات والوحدة فينا رايحه لزيارة مريضه ولا والده بالمستشفى تعال شوف التلف اللي يحصل بالخياشيم البشريه والتعطب الشكووواااه للله...لا خل هذا بصووووب قول هذه مستعيله وداشه مستشفى ما مداها اتعطر ولا اتنظف.....بلاكت المغربلة الحيل الزايره واللي متزهلقه ولابسه ومجوهرات وكاشخه بنفنوف الماركه وريحة قممممممممة راسها ودسومة الويه وريحة العطر مع الخموووووووررره المدهجه ...اللي تكفخ الراس وتخربط خرايط مخك وتركيزك و يبيلك عقب ما تسلم عليها شااااااااور مغربي حق الفراك والله اكووووو حريم اللله يساعد ريايلهم عليهم.....لا ويحبون الحموضه بعد !!!!!

عثماني يقول...

حيا الله اخيتي ام الحفيز

احنا الظاهر معاناتنا بالمسايد .. و انتوا الاصنصيرات

:)

عاد الاصنصير ...؟؟؟ يا ساتر .. ضيج و قمته و اعطنه !!؟

يا ساتر استر

فعلا يا ام الحفيز

اعطنة رجل و لا اعطنة مرة

المرة اذا صارت خايسة .. تصير خايسة بضمير

بس خايسة و تحب الحموضة !!؟

هذي كاملة و الكامل الله

:)

حافظج الرحمن اخيتي

مدونة معتكفة يقول...

العزيز عثماني

الزقاير بانواعها خايسة و اكرها بس القصد في ناس ادخن بس تتعطر تتخنن.. بس اعوذ بالله من اللي تنحكر معاه بالاسانسير وريحتة غرفة مزقرة ... اعوذ بالله

وفعلا تحليلك سليم بالنسبة لشخصيتي ذوقي رفيع وطيبة خالص خااااالص و مزاجي متقلب :)

طلعت مو هين

الله يهديك ريحة الحسو شنو فيها حلو؟!

صراحة الجنسج اللي اعرفة عنها انها عشبة تعطي نشاط و تجدد الخلايا ...

المصيبة ما خلو شي ما سوو منه قهوة.. باجر قهوة بنكهة الباربيكيو اذا تبي تلاقي:)))

عموما بشر شلون المسيد؟؟؟ ان شاء الله حلول الشعب انفعت؟؟

حافظك الرحمن

اخيتك مدونة معتكفة

عثماني يقول...

حيا الله اخيتي المدونة المعتكفة

اي والله طلعت ماني هين

انا نظرتي بالناس ما تخيبش ابدا

اي والله ما خلو شي ما سوو منه قهوة .. قهوة بالمايونيز .. كل شي جايز

المسيد ... تصدقين ؟؟ من كتبت هالبوست و انا طريح الفراش

انفلونزا .. شاقتني شق .. و خبرج معاند .. مابي اروح الدختر

من شان هيك فاقد حاسة الشم .. فما عندي مشكلة هاليومين

:)

الا .. تعالي ... انتي ليش معتكفة ؟؟

حافظج الكريم

مدونة معتكفة يقول...

العزيز عثماني

سلامتك ألف سلامة ما تشوف شر ان شاء الله .. كله من المسيد ذيك اليوم .. شنو سوا فيك هذا اللي صلى يمك:)

وليش العناد ... كلكم جذي يا الرياييل تعاندون بالبداية وتالي انا تعبان مو قادر ودوني عالجوني :)

روح الطبيب .. ترى مو زين .. تزيد
عليك .. وما تستمتع بالجو الجميل بصحة أفضل ..

انا معتكفة في رحلة كاملة شاملة جميع جوانب الحياة( عمل - اسرة - أصدقاء - سفر - نفس - تأمل - تفكر) .. ما ادري شكثر بطول فيها .. بس اللي اعرفة اني خذيت فترة واحتمال احتاج اكثر ...

بس اللي متأكدة منه اني متابعتك :)


اخيتك مدونة معتكفة

`~MnO YeNSa! ~` يقول...

ما تشوف شر

الله يطلعك من باجي شروره

طمنا

Broke يقول...

حسبي الله على إبليسك ..موتني ضحك !

المشكلة إني ما قدرت أكمل البوست لأني بالدوام و مو حلوة أتكعكع بالمكتب


بس مشكور من زمان ما دمعت عيوني من الضحك

عثماني يقول...

حيا الله اخيتي المدونة المعتكفة

الله يسلمج .. و الشر ما ييج عزيزتي

اي والله .. الظاهر ان ريحته سامة

انا استانس اعاند

علشان احب الحنة فوق راسي

احس ما يحن علي الا اللي يحبني

بس اذا احد قال لي .. احسن .. لا تروح الطبيب

على طول اروح

:)

مدام انتي في رحلة شاملة

عيل الله يهنيج باعتكافج هذا

و تردين لنا

وانتي كلج حيوية

و مدام متابعتني .. عيل بنطر تعليقاتج

:)

حافظج الله اخيتي

عثماني يقول...

حيا الله الغالية منو ينسى

الشر ما ييج عزيزتي

ماكو .. حاشني برد

و صوتي راح

قمت افح مثل الحية

:(

بس الحين احسن الحمد لله

مشكووووووووورة على السؤال

ونستيني بسؤالج ترى

حافظج الله من كل شر

عثماني يقول...

حيا الله اخيتي
Broke

عسى عيونج ما تشوف دموع

الا دموع الضحك و الفرح

قولي آمين

اسعدتيني بتعليقج الجميل

:)

حافظج الرحمن عزيزتي

احمد سالم يقول...
أزال المؤلف هذا التعليق.
احمد سالم يقول...

عثماني
زيد على هذا إنه صلاة التراويح مهما إتبطل المكيفات بالمسجد هم حر والريحه نااااار إتحس إنه إلي يمك حتى من خشمه تطلع إروايح
مع إنه قبل الفطور تروح صلاة العصر إتحس إنه برااااد
ليش!!!
على فكره ترى أنا من مصلين العديليه بس صدقني مو أنا بوريحه إلي إتقول عنه :)

عثماني يقول...

حيا الله اخوي العزيز احمد سالم

وينك يا خوي .. قاطعني من زمان ؟؟

ادري فيك اشدعوة ... خو انت من تمرني المدونة تلفحني ذيك الريحة الخنينة

بخور و عود

و على طاري سؤالك

انا اقولك ليش

خبرك عقب ما الواحد ياكل

الاكل يتحول الى طاقة

و الحرارة شكل من اشكال الطاقة

فتلقى المصلي من هذول ينز حرارة من جسمة

و مع الحرارة شوية روايح خمرة محمضة

هذا .. و الله اعلم

حافظك الله يا خوي

Um il sa3af wil leef يقول...

صج ضحكت ...لحد ما إدمعت عيني

kuwaitawy يقول...

هههههههههههههههههههههه



يا كثرما تصير فيني


بنغالي ريحته واهو بغرفته تنحش البيت اللي ساكن فيه


فما بالك يصلي وهو يصلي يمي

`~MnO YeNSa! ~` يقول...

حبيت اشأر بس
p;
قلت جووود نزلوا شي
p;

شخبر صوتك
رد ؟! بس بغينا نطمن

داقين علي ٌيبونك بحفله راس السنه
بوبكر اعتدر قلت ماكو عثماني
صوت و طبقات و طرب

عطني خبر
please

عثماني يقول...

حيا الله اخيتي العزيزة ام السعف و الليف

عسى عينج ما تشوف الا دموع الفرح و الوناسة

اسعدتيني فعلا بتعليقج اخيتي

:)

ولا تقاطعين

حافظج الكريم

عثماني يقول...

حيا الله اخوي الكويتاوي

اعرف شعورك يا خوي

اتحس ان ودك تنتحر

و تقعد تفكر

هذا شلون متحمل حياته

حافظك الله عزيزي و لا تقاطع

حافظك الله

عثماني يقول...

حيا الله اخيتي منو ينسى

شأري يا اختي .. ما تشأريش ليه !!؟

بيتك و مطرح يا شابة

انا واللهي لسة ما نزلتش حاجة جديدة

بس ان شاء الله حيكون فيه حاجات جديدة كتيرة أوي حتنزل الايام اللي جاية

انتهى الفاصل المصري .. ندخل على الكويتي

:)

والله ياالطيبة شقول لج !!؟

صوتي بدى يرجع شوي شوي

بس ليلحين ماني قادر اوصل الطبقات العالية لما اقول المواويل

بس طايح له ينسون و كراوية علشان يمديني

تدرين وراي جم حفلة حق راس السنة

فارجو انج تعذريني

لان عندي اربع حفلات خلال راس السنة

و ما اقدر اخذ حفلة خامسة

مثلج عارفة .. كونج متعهدة حفلات معروفة بالمنطقة

فانا الطلب علي عالي

بس ممكن ارشح بعض الزملا الفنانين اذا تحبين

بس عقب راس السنة ممكن اخذ اي حفلة

حتى بيت جيرانكم اذا طهروا ولدهم و بسوون له حفلة .. انا حاضر

:)

حافظج الله متعهدتنا

غير معرف يقول...

الله يغربل ابليسك ....عليك سوالف :) اللي يطيح بلسانك يروح فيها :)

بعثرة مشاعر يقول...

الله يلوع جبد العدو =\
يعع

تصير ساعات اذا كنت اصلي بمسجد
مالومك
و الله ياجركم

why me يقول...

امبييييييييييييه


عثماني انت بدعت

لاعت جبدي

بس تعليق فريج سعود مو صج لووووووووول

قلب طفله يقول...

ههههههههههههههههههههه
ههههههههههههههههههه
هههههههههههههههه

حيييييلك فيهم ياربي هذول
ما يعرفون ان النظافه من
الايمااان لا و مأذين خلق الله معاكم ؟!

يلااا جزيت خيرا اخيي و يندبل
لك الثواب ان شاء الله :P

بوحمود يقول...

هاهاها مقالتك قوية جدا بس للاسف ذكرتني بمواقفي مع الاشكال والروائح الي كنت تتكلم عنهم :)

What Will Be , Will Be .. يقول...

حسبي الله على عدوك لووووووول

مره ثانيه صف جدام اول صف واوقف يم الطوفه عل وعسى اللي يكون على يسارك بس ماكل فجل لووووووول

غشيت من الضحك صج صج ضحكتني ومابقى احد مادزيتله مسج يقرا هالموضوع الشيق

What Will Be , Will Be .. يقول...

Purplecious

و روائح المسجد مالها حل الا ان يقسمون المسيد قسمين
قسم النظافه و قسم الوساخة
و يحطون واحد عند الباب يشمشم كل واحد قبل لا يدخل و يدله من اي باب يدش



هاهاهاهاهاهااهاهاي
اجتمعتي انتي وعثماني لووول
هذا اليوم ماراح انساه في تاريخ البلوق من دشيت اتقرا وانا غشيانه من الضحك منج لي فانكوفر لي اهني

عساه على خير

:)))

What Will Be , Will Be .. يقول...

صبا



كرهت اسمي

صبا ليش ذاكره بهالبوست :((
حرام عليك ؟؟




قتلتيني من الضحك لوووول

Fskra يقول...

heheheh 3thmani bd3t ;P

bs 9j 9j ksrt 5a6ree ;p

bs a7la shay ena omi lima greet laha el post dm3t 3wenat`ha mn el th7k ;p

عثماني يقول...

حيا الله اخي / اختي غير المعرف

لا والله .. الظليمة شينة

انا حبوب .. و ماكو السان

بس من حر ما فيني

:)

حياكم الله و لا تقاطعون

عثماني يقول...

حيا الله اخيتي ذات المشاعر المبعثرة

آمييين

و نشكر لكم تقديركم لموقفنا

لان ما يقدر ظرفي الا اللي انقرص

:)

حافظج الله عزيزتي

ولا تقاطعين

عثماني يقول...

حيا الله الغالية
Why me

فريج سعود دايما مبدع

و سلامة جبدج من اللوعة

بس حبيت تشاركوني المأساة

:)

حافظج الرحمن عزيزتي

عثماني يقول...

حيا الله اخيتي قلب طفلة

و الله ان شاء الله يندبل

اللي شميته مو شوية و انا اخوج

:(

و عساها هالضحكة دوم

قولي آمين

:)

حافظج الله اخيتي

عثماني يقول...

حيا الله اخوي بو حمود

شكلي ذكرتك بذكريات .. خايسه

:)

اعذرني يا خوي

بس هالناس لازم يحسون شوي

اذبحونا و انا اخوك

حافظك الله عزيزي

عثماني يقول...

حيا الله اخيتي
What will be , will be

مو المشكلة ان يصير مخامط على الصف الاولي

صح ان الاجر اكثر .. بس الواحد ساعات ما يمديه

و على طاري بيربل

ترى هالبنت عندها قدرات كوميدية مدفونة

من صجي والله

:)

و صبا اسمها من ضروريات البوست

حظها جذيه .. انا مالي شغل

:)

حافظج الله اخيتي

و ترى من زمان ما كتبتي شي

عسى المانع خير

حافظج الكريم عزيزتي

عثماني يقول...

حيا الله اخيتي فسكرة

اي والله .. اذا انا كسرت خاطر نفسي

شلون ما ينكسر خاطرج ؟؟

و امانة .. سلمي لي على الوالدة

و الله يحفظها

قولي آمين

:)

حافظج الرحمن اخيتي

فراوله يقول...

مساالخير والكرامه
اخوي الغالي
ولهانه علي هالامكان بس حده ضاق خلقي لمن قريت
هالبوست
)::
حسبي الله عليهم هالاوادم...بس شنقول
يارك الله ياخوي
واجر وعافيه ان شاءالله
...
حافظك الله يالفلته
:))

عثماني يقول...

حيا الله الغااالية فراولة

من زمان ما بينتي

القطاعة مو زينة وانا اخوج

و اعتذر عن ضيقة الخلق اللي سببها لج البوست

بس كله من هاللي شميته في المسيد

:(

حافظج الله عزيزتي

ولا تقاطعين

chandal/danchal!! يقول...

وعلى نياتكم ترزقون!!! انا وحدة صارلي 7 سنين ما دخلت المسيد الا بصلاة العيد و بالحرم المكي و المدينة!!! و نفس السبب!!! انا "امراة" و يحوشني ظيم و ظلايم من الحريم!!! شكلها تطبخ بالعباة وتعين خير وتيي تصلي فيها!! خاصة اللي يتريعون تشريبة:( والا فتة و "زلاطة" مو سلطة على هالريحة!!! ياااااااااااااااو!!! استغفر الله الله يعطيني على نيتي!!! من كثر ما احاتي اللي يمي!! قلت اش لي بالطلايب!! اصلي بالبيت اظف لي!!! نروح نستاثم بروحنا!يالله بعد شنسوي! سواة الله ابرك! احتسب الأجر وانا اختك!!

alsaronah يقول...

ادري حدي متأخرة لووووول


ذكرتني بمواقف حتى عند الحريم جلة حيا استغفر الله...

ويع لوعت جبدي والله :)

عثماني يقول...

حيا الله اخيتي العزيزة جندل دنجل

اي والله و على نياتكم ترزقون

و عسى الله يرزقنا على نيتنا

انا من كثر ما قريت تعليقات عن روايح الحريم

قمت اتحمد الله

شكلكم يا الحريم تعنون اكثر منا احنا

:)

بس مثل ما قلتي اخيتي

الواحد يحتسب الاجر

و سلامي للاخت اللي اتريع تشريبة

:)

حافظج الرحمن اخيتي

عثماني يقول...

حيا الله اخيتي العزيزة السارونة

لا لا مو متأخرة

المكان مكانج دايما

:)

و شكلها السالفة عند الحريم

ظييييييييييييييييييييييييم

الله يعينكم و يعينا

و اعتذر عن لوعة الجبد

:)

حافظج الرحمن

DiLLi O MiLLi يقول...

واااااااااااااااااووووووو !!!!
شمييييت الريحــــه وأنا أقرى البوووووست !!!!!
أأأأأأأأفففففففف !!!!

هالدور بخر وطيب غترتك وتلثم فيها وأنت تصلى !!
أأأأي يجوز بالحالاااات أنك أتلثم .
:)
ولا دورك مسجد بهالمناطق السنعه الثقه .. لعل وعسى ما تشم فيها ريحه

ولا طالبوا وزارة الأوقاف تحط "واحد شمام" عند باب المسجد
مهنته يشم الأوادم .. واللي ريحة خايسه يقوله أذلف بيتكم وصل هناك .

محمد سعد القويري يقول...

الأخ عثماني
بارك الله في قلمك
وأتمنى من المصلين مزيدًا من الوعي
فنحن في صلاة وفي بيت من بيوت الله
ونقابل الملك الديان
فرجاءً
استيقظوا قليلاً ..
وتأدبوا مع ربكم

تحية أخرى للأخ عثماني.

عثماني يقول...

حيا الله اخيتي ديللي

زين الحمد لله

مدام شميتي الريحة .. معناتها قدرت اوصل الفكرة

:)

و الله يا دللي .. لا بخور ولا طيب ينفع

الطيب ما يصمد جدام هالروايح و انا اخوج

:(

مسيدنا بالنزهه زين .. بس لا يصفط يمج حدى هالطبابيخ

و اقتراحج بنوصلة للوزير .. بس ناطرين يشكلون الحكومة اليديده

:)

حافظج الرحمن اخيتي

عثماني يقول...

حيا الله اخي العزيز محمد سعد القويري

جزاك الله خير اخي

و بارك الله فيك

مجرد مرورك على كلماتي المتواضعة يزيدني سرورا

وما جاء بتعليقك الكريم اتمنى ان يتفكر به كل مرتادي المساجد

دمت اخي

حافظك الكريم

tweety يقول...

قلعتي ما سمعت النصيحة والتزمت يالتحذيرات في بداية البوست
صج لاعت جبدي وتذكرت المراجعة اللي ياتني وريحتها مزيج من الخياس وحسيت ريحتها إلزقت فيني ودشت يافوخي وماطلعت إلا بعد ما تسبحت بشاور جيل ديتول الله وكيلك وبعدها صابون وتبخرت وماظل طيب بالمرشود والعبدالمحسن ما حطيته
ييت إنت بكل براءة ورجعت لذاكرتي هالحادث الاليم
المشكلة إن داش المسجد!!! وين النظافة والطهارة اشهالناس ياربي

عموما تحياتي لبلاغتك في سرد هذا الموضوع المؤلم وأستئذنك برغبتي في إقتباس عبارتك المرحبة ( تحية خايسة وبعد) مع بعض العبارات المعبرة الأخرى لإستخدامها عند الحاجة لأني واثقة إني راح أصادف هالنوعية من البشر وايد

عثماني يقول...

حيا الله اخيتي تويتي

اللي ما يطيع يضيع و انا اخوج

:)

و يبدو والله اعلم انك تعملين بوظيفة تتعامل مع المراجعين مباشرة

لذا .. ما اقول الا الله يعينج على بلواج

و المدونة و صاحبها تحت تصرفك اخيتي

اقتبسي ما شئت

لان مثل ما قلتي

هالنوعية من البشر وايد

وكل عام وانت بخير

حافظج الرحمن

just a bunch of thoughts يقول...

omg!!!!!!!

i cant stop laughing! this was so HILARIOUS!!!!

وااااي ماعتقد اني ضحكت هالكثر على أي بلوج ثاني من بلوجاتك! وااااي صج انه حده يلوع الجبد بس يفطس من الضحك!!!
واي لأ لأ!!

ههههههههههههههههههه

اسلوب الرسالة وايد عجيب (ممكن استعيره؟ لووول) و "تحية خايسة و بعد" فظيعة! هههههههههه

االله يعينكم يالرياييل! عشان جذي ماحب اروح المسيد برمضان، خو انا بطبعي انخنق حتى لو ماكو ريحة ماحب الزق بأي أحد، فشراح اسوي لو كان في ريحة؟؟؟؟ أمووووووووووت!! ههههههههههه
لا بس جد الموضوع المفروض ما ينسكت عنه...
ليش ماتحطون لافتة عالباب مكتوب عليها:

"اذا انطبقت عليك احدى هذه الصفات التالية، لو سمحت لا تدخل المسيد:

1. ماكل بصل، ثوم ... الخ
2. طابخ الغدا و مو مبدل اهدومك
3. مو متسبح صارلك جم يوم
4. توك لاعب و حدك عرقان و ريحتك معطنة
5. ما تفرك اسنانك و لا حتى تسوكهم
6. ما تتعطر وتقعد لك جم ساعة ( ولا جم يوم) بلبسك ما تغيره
7. ما تحط ديودرنت
8. متسبح و متبخر و كل شي بس و انت ياي المسيد مر يمك واحد مصنن و لزقت ريحته فيك."

هههههه

لا حول ولا قوة الا بالله ... الوضوع صج يقهر! يعني ما يستحون على ويوهم يقابلون ربهم جذي؟ استغفرالله! و الله يشوهون صورة الاسلام و المسلمين جدام الغرب اللي اقل قليل يدورون علينا الغلطة عشان يكرهون العالم فينا! يعني مرة قريت كومنت باليوتيوب من واحد/ة عن ريحة السواق العرب! اخذوا!

الله يهديهم بس!

just a bunch of thoughts يقول...

امبييه عاد الحين صلاة الجمعة الله يعييينكم!!!


هههههههههه

استغفرالله!

عثماني يقول...

حيا الله اخيتي
just a bunch of thoughts

دوم هالضحكة ان شا الله

و المدونة و صاحبها تحت تصرفج

استعيري اللي تبينه

:)

و اقتراحج ماني شايف فيه شي غلط

فعلا

مافيها شي لو تتعلق لوحة باكثر من لغة يكون فيها هالكلام

الحمد لله .. مسيدنا بالنزهة زين .. مع الحرص بالابتعاد عن الطبابيخ

:)

حافظج الرحمن عزيزتي

just a bunch of thoughts يقول...

تسلم و الله :) الله يحفظ الجميع

اي والله موتني من الضحك! اصلا انا حسيت ان الموضوع بيكون عن هالشي من اول ما قريت العنوان و اول ما بطلته و شفت الصورة قعدت اضحك علطول! بس بصراحة ما كنت متوقعة ان الوضع لهالدرجة متأزم!!!!!!

بس الحمدلله هذول مانكون معاهم دايماً، يعني الله يعين الاخت "مدونة معتكفة" (هم هذي قطعتني من الضحك! لوووول)الله يعينها حاسة فيها ... مو مارة علي مثل هالنوعيات. انا مرات اذا مابي اشم ريحتهم ارش عطر على كلنكس و احطه على خشمي! يعني جني منتشله!

عاد المشكلة لمن يكون احد يصير لك!!! عاد هذي شيفكك منها!


انا عندي حل حق الاخت "مدونة معتكفة":

خل تخليها تشوف حلقة قرقيعان مالت ريحان!!!!!!!

هههههه!


لا حول ولا قوة الا بالله!

just a bunch of thoughts يقول...

و بعد حبيت اضيف شي، يعني لازم ما ننسى ان في بعض الناس استغفر الله ، الله خالقهم ريحتهم خايسة مهما تسبحوا و تنظفوا يعني اهم جسمهم جذي ... عاد هذيل من صج الله يعينهم و يعين اللي حوالينهم.

استغفرالله ... الحمد الذي عافانا مما ابتلاهم به.

عثماني يقول...

حيا الله اخيتي
just a bunch of thoughts

بيني و بينج حتى لو ناس عندهم مشكلة مرضية و جسمهم يفرز

كل شي له علاج

ممكن يتعالجون و يتخلصون من هالمشكلة

اما اخيتي مدونة معتكفة ... فالله يعينها

:)

just a bunch of thoughts يقول...

معاك حق ...

اي والله يعينها :)

重庆游戏中心 يقول...

Although we have differences in culture, but do not want is that this view is the same and I like that!

nylon fishing net يقول...

Although from different places, but this perception is consistent, which is relatively rare point!
Rope,Twine

sticker يقول...

pod4875
pirory4872
mull5746
help6874
gong633

الوتيــــــــــن يقول...

ماني قادرة أعلق لاني غيبت من الضحك..

بس 100% .. نفس الموقف صارلي بالمسجد اثناء التراويح .. وكانت يمي عيوزه .. بس هالمره ماقدرت وضحكت مع لوعت الجبد اللي حاشتني .. تدري ليش؟ لأنها بعد كل ماتعطيني وحده تقول ...( الللللحمدددددد للااااااه ) وتقولها بتعب .. هاذي ترى ماجذب ممكن انتحملها ونحتسب الأجر .. بس الغير محتمل ريحة الدلدق .. احس تلصق فيني بعدين .. بس والله أعطيك وسام الشجاعة جانك تحملت بوريحة .. مادري اللي اعرفه الملائكة يتحملون فحة الصايم .. بس مادري عن ريحة اللي وصفته شنو موضوعها .. لي حاشك هالموقف مره ثانية .. وآنا وخيتك أقولك بس سلم .. ونت رايح قول أف عالريحه خليسمع ويفتشل .. مو عيب ولا شسمونه .. صدقني راح يدعونلك اللي يمه صدقني
( أما عالآسيويين ترى ما ألومهم بامانه .. أولا لأن فلوسهم على قدهم وين يحصلون ديودرنت ؟؟ إلا جان عاد فيبكس يمكن) .. واييون من الشغل جان بنى ولا كراف علطول عالصلاة .. هذيل بس وخر من يمهم مع تشفير ( أف شهالريحه)..

عساك عالقوة .. وسوري عالميانه

بو سعد يقول...

اما ربط المقامات بالتغرة .. فطست فطست فطست عليها من الضحك D:

غمنده هانم يقول...

الله يقطع شرك عثماني عيشتني بالجو لا شعوريا سكرت خشمي هههههههههههههههه والله اقلبت جبدي بس حلوه المقامات وعساك على القوه

عثماني يقول...

حيا الله الغالية الوتين

هيهيهيهيهي

ضحكتيني على هالعيوز اللي يمج

يبين طالعه منها بضمير

:)

حاله مع الروايح و انا اخوج

سعيد لمرورج

عثماني يقول...

حياالله الغالي بو سعد

دوم هالضحكة يا رب

:)

حافظك الرحمن يا خوي

عثماني يقول...

حيا الله الغالية غمندة هانم

هيهيهيهي

علشان تعرفون شعوري و انا في هالموقف

:)

سعيد لمرورج اخيتي